ഉപഭോക്താവ്‌ / Consumer

അറിയിപ്പുകൾ - പൊതുമരാമത്ത് വകുപ്പ്

2009-11-21T20:55:00.002+05:30

പൊതുമരാമത്ത് വകുപ്പ് പരാതി: ഇനിമുതൽ ഫോൺ ചെയ്തും അറിയിക്കാം
പൊതുമരാമത്തു വകുപ്പുമായി ബന്ധപ്പെട്ട പരാതികൾ ബോധിപ്പിക്കാൻ സൌജന്യ ടെലിഫോൺ സൌകര്യം ഏർപ്പെടുത്തിയിരിക്കുന്നു. 18004257771 എന്ന ടോൾ ഫ്രീ നമ്പരിൽ പരാതി അറിയിക്കാം. 48 മണിക്കൂറിനുള്ളിൽ പരാതിക്കാരനെ ഉദ്ദ്യോഗസ്ഥർ ബന്ധപ്പെടുകയും പരിഹാര നടപടി ആരംഭിക്കുകയും ചെയ്യും എന്നാണു പത്ര റിപ്പോർട്ട്. പബ്ലിക് ഇൻഫർമേഷൻ സെല്ലിന്റെ ഭാഗമായ ഈ സംവിധാനം വരുന്ന തിങ്കളാഴ്ച (23-11-2009) നിലവിൽ വരുമെന്നാണു മന്ത്രി പി.ജെ. ജോസഫിന്റെ അറിയിപ്പ്.

ലാൻഡ് ഫോണിൽ നിന്നോ മൊബൈൽ ഫോണിൽ നിന്നോ വിളിക്കാം. പരാതികൾ ബന്ധപ്പെട്ട എക്സിക്കൂട്ടിവ് എഞ്ചിനിയർക്ക് അപ്പോൾ തന്നെ കൈമാറും. 48 മണിക്കൂറിനുള്ളീൽ പരിഹരിക്കാനുള്ള ചുമതല അദ്ദേഹത്തിനായിരിക്കും. വീഴ്ച വരുത്തുന്നവർക്കെതിരെ കർശന നടപടിയെടുക്കും.

പ്രവൃത്തിദിവസങ്ങളിൽ 9.30 ക്കും 5.30 നും മധ്യേ ടോൾ ഫ്രീ നമ്പരിൽ വിളിക്കാം.

സെക്രട്ടേറിയറ്റിൽ സഹായകേന്ദ്രം

2009-11-20T19:30:00.004+05:30

സെക്രട്ടേറിയറ്റിലെ സന്ദർശന രീതി മാറുന്നു.

വൈദ്യുതി ഉപഭോക്താക്കള്‍ക്ക്‌ നല്ലകാലം വരുന്നു.(CFL)

2009-11-06T08:39:00.000+05:30

ദാരിദ്ര്യ രേഖക്ക്‌ താഴെയുള്ളവര്‍ക്ക്‌ സി.എഫ്.എല്‍. സൌജന്യമായി സര്‍ക്കാരിനു ന്‍ല്‍കികൂടേ എന്നൊരു ആശയം കുറച്ചു മാസംങ്ങള്‍ക്കു മുമ്പ്‌ ഞാന്‍ എന്റെ ഒരു പോസ്റ്റില്‍ കൂടി പ്രകടിപ്പിച്ചിരുന്നു. വലിയ പ്രതികരണമൊന്നും അതിനു ലഭിച്ചില്ലെങ്കിലും ഞാന്‍ ആ പോസ്റ്റിനെ ബന്ധപ്പെട്ട വകുപ്പ്‌ മന്ത്രിയുടെ ശ്രദ്ധയില്‍ കൊണ്ടുവരാന്‍ ശ്രമം നടത്തിയിരുന്നു. എന്റെ ശ്രമം വിജയിച്ചു എന്നൊന്നും അവകാശപ്പെടുന്നില്ലെങ്കിലും, എന്റെ ആശയത്തിനു സമാനമായ ഒരു നീക്കം വൈദ്യുതി മന്ത്രിയില്‍ നിന്നും ഉണ്ടായതായി ഇന്നത്തെ മനോരമ പത്രത്തില്‍ കാണുന്നു. ഇതാണാ വാര്‍ത്ത:

----------------------------------------------------------

വൈദ്യുതി ഉപഭോക്‌താക്കള്‍ക്കു 115 രൂപ വിലയുള്ള സിഎഫ്‌എല്‍ ബള്‍ബ്‌ 15 രൂപയ്ക്കു നല്‍കാനുള്ള പദ്ധതി കേന്ദ്ര സര്‍ക്കാരിനു സമര്‍പ്പിച്ചതായി മന്ത്രി എ.കെ. ബാലന്‍ നിയമസഭയെ അറിയിച്ചു. കാര്‍ബണ്‍ ക്രെഡിറ്റ്‌ സംവിധാനത്തില്‍ 15രൂപയ്ക്കു ബള്‍ബ്‌ നല്‍കാന്‍ കഴിയും. കേന്ദ്രവുമായി രണ്ടു വട്ടം ചര്‍ച്ച നടത്തി. അവര്‍ അംഗീകരിച്ചാല്‍ ഇതു നടപ്പാക്കാനാവും.[മനോരമ:13-03-2008]

----------------------------------------------------------

ദാരിദ്ര്യ രേഖക്ക്‌ മുകളിലുള്ളവര്‍ക്ക്‌ ഇത്‌ തീര്‍ച്ചയായും സൌജന്യമായി കിട്ടുന്നതിനു തുല്യമാണ്.

എന്റെ ആശയത്തിനു അറിഞ്ഞോ അറിയാതെയോ സര്‍ക്കാര്‍ തലത്തില്‍ ഒരംഗീകാരം ലഭിക്കുന്നുള്ളതില്‍ സന്തോഷം തോന്നുന്നു. മന്ത്രിക്ക്‌ അഭിനന്ദനങ്ങള്‍‌.

updated on 24th Dec.2008
----------------------------------

ഉപഭോഗം കുറയ്‌ക്കാന്‍ 10 ലക്ഷം സി. എഫ്‌. വിളക്കുകള്‍ നല്‍കും - മന്ത്രി

തിരുവനന്തപുരം: വൈദ്യുതി ഉപഭോഗം കുറയ്‌ക്കുന്നതിന്‌ പത്തുലക്ഷം സി. എഫ്‌. വിളക്കുകള്‍ വൈദ്യുതി ബോര്‍ഡ്‌ വിതരണം ചെയ്യുമെന്ന്‌ മന്ത്രി എ. കെ. ബാലന്‍. തദ്ദേശസ്വയംഭരണ സ്ഥാപനങ്ങള്‍ വഴിയായിരിക്കും വിതരണം. പട്ടികജാതി - പട്ടിക വര്‍ഗ വിഭാഗങ്ങള്‍ക്കും ബി. പി. എല്‍. കുടുംബങ്ങള്‍ക്കും സൗജന്യമായും മറ്റ്‌ വിഭാഗങ്ങള്‍ക്ക്‌ പകുതി വിലയ്‌ക്കും സി. എഫ്‌. വിളക്കുകള്‍ നല്‍കുമെന്ന്‌ അദ്ദേഹം പത്രസമ്മേളനത്തില്‍ അറിയിച്ചു.

ഒരു പഞ്ചായത്തില്‍ 1000 സി. എഫ്‌. എല്‍. വീതം നല്‍കാനാണ്‌ വൈദ്യുതി ബോര്‍ഡ്‌ ഉദ്ദേശിക്കുന്നത്‌. ഗുണഭോക്താക്കളെ പഞ്ചായത്തുകള്‍ തിരഞ്ഞെടുക്കും. സി. എഫ്‌. എല്‍. വിതരണത്തിനായി പത്തുകോടി രൂപ വൈദ്യുതിബോര്‍ഡ്‌ ചെലവഴിക്കും. ഇതുവഴി പ്രതിദിനം 50 മെഗാവാട്ട്‌ വൈദ്യുതി ലാഭിക്കുമെന്നാണ്‌ പ്രതീക്ഷിക്കുന്നത്‌. [മാതൃഭൂമി: 24-12-2008]

update on 30-5-2009:

സൌജന്യ സി.എഫ്.എല്‍ വിതരണം ഇന്നുല്‍ഘാടനം ചെയ്യുന്നു. ബി.പി.എല്‍ വിഭാഗക്കാര്‍ക്ക് സൌജന്യമായും മറ്റുള്ളവര്‍ക്ക് 15 രൂപ നിരക്കില്‍ 4 എണ്ണം വരെയുമാണ് വിതരണം ചെയ്യാന്‍ ഉദ്ദേശിക്കുന്നത്. [മനോരമ:30-5-2009]

update on 6th November 2009

തിരുവനന്തപുരം: സംസ്ഥാനത്തെ 75 ലക്ഷം ഗാര്‍ഹിക ഉപയോക്താക്കള്‍ക്കു വൈദ്യുതി ബോര്‍ഡ് 1.5 കോടി സിഎഫ്എല്‍ വിതരണം ചെയ്യും. പൊതുവിപണിയില്‍ 130 രൂപ വിലയുള്ള സിഎഫ്എല്‍ 15 രൂപയ്ക്കാണു കെഎസ്ഇബി സെക്ഷന്‍ ഓഫിസ് വഴി വിതരണം ചെയ്യുന്നത്. ഒരാള്‍ക്കു രണ്ടു സിഎഫ്എല്‍ വീതം ലഭിക്കും.

കേന്ദ്ര പദ്ധതിയനുസരിച്ചാണ് ഇത്ര കുറഞ്ഞ വിലയ്ക്കു സിഎഫ്എല്‍ ലഭ്യമാക്കുക. അടുത്ത മാര്‍ച്ചിനു മുന്‍പു വിതരണം പൂര്‍ത്തിയാക്കും. ഇതിലൂടെ വേനല്‍ക്കാലത്തു 150 മെഗാവാട്ട് വൈദ്യുതി ലാഭിക്കുകയാണു ലക്ഷ്യം. സിഎഫ്എല്‍ വാങ്ങുന്നതിനു ടെന്‍ഡര്‍ വിളിച്ചു കഴിഞ്ഞു. സംസ്ഥാനത്തെ പട്ടികവിഭാഗങ്ങള്‍ക്കും ബിപിഎല്‍ കുടുംബങ്ങള്‍ക്കും നേരത്തേ 10 ലക്ഷം സിഎഫ്എല്ലുകള്‍ സൌജന്യമായി ബോര്‍ഡ് വിതരണം ചെയ്തിരുന്നു. [Malayala Manorama dt.6th Nov.2009]

നിങ്ങളുടേത് റിലയൻസ് മൊബൈലാണോ, മുടിഞ്ഞു നിങ്ങടെ കാര്യം - Reliance Mobile phone

2009-10-28T10:31:00.002+05:30

നിങ്ങൾക്ക് വരുന്ന ഓരോ മെസേജും ശ്രദ്ധാപൂർവ്വം വായിച്ച് വേണ്ടവിധം പ്രവ
ർത്തിച്ചില്ലെങ്കിൽ നിങ്ങളുടെ പണപ്പെട്ടി ചോരുന്നത് നിങ്ങൾ പോലും
അറിയാത്ത വിധത്തിലാണ് റിലയൻസ് പ്രവർത്തിക്കുന്നത്. രക്ഷപ്പെടണോ,
വിപണനതന്ത്രങ്ങളുമായി ബന്ധപ്പെട്ട് വരുന്ന എല്ലാ മെസേജുകളും വേണ്ടെന്നു
വക്കുവാനുള്ള സംവിധാനം ഒരുക്കുക. *333 വിളിച്ച് ആവശ്യപ്പെട്ടാൽ മതി.

എന്റെ പണം ചോർന്നുകൊണ്ടിരുന്നത് എങ്ങനെയെന്നറിയേണ്ടേ:

സാധാരണഗതിയിൽ എന്റെ കോണ്ടാക്ട് ലിസ്റ്റിൽ ഉള്ള ആരെങ്കിലും അയക്കുന്ന
മെസ്സേജുകൾ മാത്രമേ ഞാൻ വായിക്കാറുള്ളൂ. മറ്റുള്ളവയെല്ലാം സമയം കിട്ടുമ്പോൾ ഒന്നിച്ച് നീക്കിക്കളയും. ഭാഗ്യവശാൽ ഒരു മെസ്സേജ് വായിക്കാനിടയായി:

"Your subsciption for CelFunPack service has been renewed on
2009/11/21 for Rs.30 for 30 days. To unsubscribe SMS Unsub 1149 to
155223(Toll Free) or dial 5630086"

സെൽഫൺപാക് എന്നൊരു സേവനം വേണമെന്നു ഞാൻ ആവശ്യപ്പെട്ടിട്ടേയില്ല. അതെന്താണെന്നു പോലും എനിക്കറിയില്ല. അങ്ങനെയുള്ള ഒരു സേവനം ഒരു മാസത്തേക്കു കൂടി പുതുക്കിയിട്ടുണ്ടെന്നാണു എന്നെ അറിയിച്ചിരിക്കുന്നത്. അതായത് കഴിഞ്ഞ ഒരു മാസമായി അത്തരം സേവനം ഞാൻ അനുഭവിച്ച് വരികയാണു പോലും. രൂപ 30 അതിനു വേണ്ടി എന്റെ പ്രിപൈഡ് ബാലൻസിൽ നിന്നും നേരത്തേ കുറവു ചെയ്തു കഴിഞ്ഞു. ആ
സേവനം ഒരു മാസത്തേക്കു കൂടി വീണ്ടും ഒരു 30 രൂപ ചെലവിൽ ദീർഘിപ്പിച്ചിരിക്കുന്നു. മേലിൽ അത്തരം സേവനം വേണ്ടെന്നുണ്ടെങ്കിൽ ഒരു മെസ്സേജ് അയക്കുക. അപ്പോൾ ഈ സേവനത്തിനു വേണ്ടി 30+30 രൂപ എന്നിൽ നിന്നും ഈടാക്കിക്കഴിഞ്ഞു.

*333 യിൽ വിളിച്ച് പരാതിപ്പെട്ടു. അപ്പോഴാണു അവർ പറയുന്നത്, ഇതു പോലെയുള്ള മറ്റു നാലു സേവനങ്ങൾ കൂടി ഞാൻ ഉപയോഗപ്പെടുത്തി വരുന്നുണ്ടെന്ന്. ഓരോന്നിനും 30 രൂപ നിരക്കിൽ മാസാമാസം എന്നിൽ നിന്നും കുറവു ചെയ്യുന്നുമുണ്ടെന്ന്‌. ഒരെണ്ണം പോലും ഞാൻ ആവശ്യപ്പെട്ടിരുന്നില്ല. ഞാൻ അങ്ങനെ ചെയ്തിരുന്നതിനുള്ള തെളിവ് തരാൻ അവർക്ക് കഴിയുന്നുമില്ല. അതുകൊണ്ട് മേലിൽ അത്തരം സേവനങ്ങളെ പറ്റിയുള്ള മെസ്സേജുകൾ
വരുന്നതിനെ വിലക്കികൊണ്ടുള്ള നടപടിയെടുക്കാൻ അവർ തയ്യാറായി. (പരാതി
നമ്പർ: 13065716078). പക്ഷേ ആ നടപടി 45 ദിവസത്തിനുള്ളിലേ നടപ്പിൽ വരു.

പോസ്റ്റ് പൈഡ് സബ്സ്ക്രിബേർസ്സിനു മാസാമാസം ബില്ല് വരുന്നതു കൊണ്ട് വിശദവിവരങ്ങൾ അതിൽ നിന്നും മനസ്സിലാക്കാം. എന്നാൽ പ്രി-പൈഡ്
സബ്സ്ക്രീബേർസിനു അത്തരം അവസരം കിട്ടുന്നില്ല. ബാലൻസ് കൂറഞ്ഞു
എന്നറിയുമ്പോൾ വീണ്ടും റീചാർജ്ജ് ചെയ്യുന്നു. അതു വരെ ചെലവിട്ടത് ഏതെല്ലാം വിധത്തിലെന്നത് പരിശോധിക്കാനുള്ള അവസരമില്ല.

കോടിക്കണക്കിന് മൊബൈൽ ഫോൺ ഉപയോഗിക്കുന്നവരിൽ ലക്ഷക്കണക്കിനാളുകളെങ്കിലും ഇത്തരം തട്ടിപ്പിനു വിധേയരാകുന്നുണ്ടാകണം.
ഒരു പക്ഷേ കണ്ടു പിടിച്ചാൽ അപ്പോൾ മുതൽ നിർത്തലാക്കികൊടുക്കും. പക്ഷേ
പിടിച്ചെടുത്ത പണം തിരിയെ കിട്ടില്ല. വെറും 30 രൂപയല്ലേ എന്നു ധരിച്ച്
കൂടുതൽ പ്രശ്നമുണ്ടാക്കാനായി സമയം കിട്ടുന്നവർ കുറവ്. ഈ കാര്യങ്ങളെ
ശരിക്കും മുതലെടുത്ത് കോടിക്കണക്കിനു മാസം തോറും റിലയൻസ്
സമ്പാദിക്കുന്നു.

ഉണരൂ,ബ്ലോഗ് വായനക്കാരേ, ഉണരൂ.

ഫ്ളാറ്റ് നിര്‍മാണം: കരാര്‍ സമയത്ത് സ്റ്റാംപ് ഡ്യൂട്ടി

2009-10-20T09:22:00.001+05:30

കെട്ടിട നിര്‍മാണ മേഖലയെ ബാധിക്കുന്ന ചില സുപ്രധാന ഭേദഗതികള്‍ 2007 ഏപ്രില്‍ മുതല്‍ സ്റ്റാംപ് ഡ്യൂട്ടി നിയമത്തില്‍ ഉണ്ടായി.

കേരള സ്റ്റാംപ് ആക്ടിന്റെ പട്ടികയിലാണു സ്റ്റാംപ് ഡ്യൂട്ടി നിരക്കുകള്‍ വ്യക്തമാക്കിയിട്ടുള്ളത്. ആര്‍ട്ടിക്കിള്‍ (ഇനം) 5 ലെ (സി) ഇനത്തില്‍ ചേര്‍ത്ത ഭേദഗതി പ്രകാരം സ്ഥാവര ആസ്തികള്‍ നിര്‍മിക്കാനോ, വികസിപ്പിക്കാനോ, വില്‍ക്കുവാനോ കൈമാറ്റം നടത്തുവാനോ പ്രൊമോട്ടര്‍ അഥവാ ഡവലപ്പര്‍ക്ക് അധികാരം നല്‍കുന്ന കരാറിന്മേല്‍ 21 അഥവാ 22 പ്രകാരം കണ്‍വെയന്‍സിന് കൈമാറ്റ പട്ടയത്തിനു നല്‍കുന്ന ഡ്യൂട്ടി നിരക്കില്‍ ആണ് നല്‍കേണ്ടത്. കരാര്‍ പ്രകാരം നിര്‍മിക്കാന്‍ പോകുന്ന വസ്തുവിന്റെ മൂല്യം അഥവാ കണക്ക് ചെലവ് അല്ലെങ്കില്‍ വികസിപ്പിക്കുന്നതിനുള്ള ചെലവ് മൂല്യമായി കണക്കാക്കി സ്റ്റാംപ് ഡ്യൂട്ടി നല്‍കണം.

ഭേദഗതിക്കു മുന്‍പ് ഇത്തരം കരാറുകള്‍ക്കു 50 രൂപയായിരുന്നു സ്റ്റാംപ് ഡ്യൂട്ടി. ഭേദഗതിക്കു ശേഷം വസ്തു ആധാരം ചെയ്യുന്നതിനു ബാധകമായ നിരക്കില്‍

സ്റ്റാംപ് ഡ്യൂട്ടി നല്‍കണം. അതായത് മൂന്നാമതൊരാളുടെ ഭൂമിയില്‍ കെട്ടിട സമുച്ചയം പണിയാന്‍ കരാര്‍ തയാറാകുമ്പോള്‍ തന്നെ ബില്‍ഡര്‍ വസ്തുവിന്റെ മൂല്യത്തിനു സ്റ്റാംപ് ഡ്യൂട്ടി നല്‍കണം.

ആര്‍ട്ടിക്കിള്‍ 22 മുനിസിപ്പാലിറ്റിയിലും കോര്‍പറേഷനിലും ഉള്ള വസ്തു ആധാരം ചെയ്യുമ്പോള്‍ നല്‍കേണ്ട സ്റ്റാംപ് ഡ്യൂട്ടി നിരക്കിനെ സംബന്ധിക്കുന്നതാണു ആര്‍ട്ടിക്കിള്‍ 21. പഞ്ചായത്തിലുള്ള വസ്തു ആധാരത്തിനുള്ള സ്റ്റാംപ് ഡ്യൂട്ടി നിരക്കിനെയും സംബന്ധിക്കുന്നതാണ്.

ആധാരത്തില്‍ കാണിക്കുന്ന വിലയുടെ നിശ്ചിത ശതമാനം ആണ് സ്റ്റാംപ് ഡ്യൂട്ടി (കോര്‍പറേഷനില്‍ 13.5%, മുനിസിപ്പാലിറ്റിയില്‍ 12.5%, പഞ്ചായത്തില്‍ 10%).

2007 ലെ ധനകാര്യ നിയമത്തിലും 21, 21 ആര്‍ട്ടിക്കിളുകളില്‍ ചേര്‍ത്ത ഭേദഗതി പ്രകാരം വസ്തുവിന്റെ അവിഭജിത കൂട്ടവകാശം കൈമാറാനുള്ള കൈമാറ്റ പ്രമാണത്തില്‍ കെട്ടിടം അഥവാ കെട്ടിടത്തിന്റെ ഭാഗം നിര്‍മിക്കാനുള്ള കരാറിനെ കുറിച്ചു പരാമര്‍ശമുണ്ടെങ്കില്‍ കെട്ടിടത്തിന്റെ മൂല്യം കൂടി ഉള്‍പ്പെടുത്തിയുള്ള സംഖ്യയ്ക്കു സ്റ്റാംപ് ഡ്യൂട്ടി നല്‍കണം, കരാറിന്മേല്‍ നല്‍കിയ സ്റ്റാംപ് ഡ്യൂട്ടി പ്രമാണത്തിന്മേല്‍ നല്‍കേണ്ട സ്റ്റാംപ് ഡ്യൂട്ടിയില്‍ നിന്നും കുറയ്ക്കാം.

ഭൂമിയിലെ കൂട്ടവകാശം ആധാരം ചെയ്യുമ്പോള്‍ പ്രമാണത്തില്‍ കാണിക്കുന്ന വിലയ്ക്ക് സ്റ്റാംപ് ഡ്യൂട്ടി അടയ്ക്കാം. കരാറിന് 50 രൂപയുടെ സ്റ്റാംപ് ഡ്യൂട്ടി മാത്രമെ ഉണ്ടായിരുന്നുള്ളു. ഭേദഗതി പ്രകാരം ഭൂമിക്ക് പുറമെ കെട്ടിടത്തിന്റെ മൂല്യത്തിനും കൂടി സ്റ്റാംപ് ഡ്യൂട്ടി അടയ്ക്കണം. കരാര്‍ തയാറാകുമ്പോള്‍ തന്നെ സ്റ്റാംപ് ഡ്യൂട്ടി നല്‍കണമെന്ന ധ്വനിയുമുണ്ട്.

ആര്‍ട്ടിക്കിള്‍ 44 ലെ ഭേദഗതിയെ പ്രകാരം പ്രതിഫലത്തിന് സ്ഥാവര വസ്തുക്കള്‍ വില്‍ക്കാന്‍ ബന്ധു അല്ലാത്തയാള്‍ക്കു (പിതാവ്, മാതാവ്, ഭാര്യ, ഭര്‍ത്താവ്, മകന്‍, മകള്‍, സഹോദരന്‍ അഥവാ സഹോദരി ഒഴികെ മറ്റാര്‍ക്കെങ്കിലും) മുക്ത്യാര്‍ (പവര്‍ ഓഫ് അറ്റോര്‍ണി) നല്‍കിയാല്‍ വസ്തുവിന്റെ വില/എസ്റ്റിമേറ്റിനു പ്രമാണത്തിന്മേല്‍ ആര്‍ട്ടിക്കിള്‍ 21, 22 പ്രകാരം അടയ്ക്കേണ്ട നിരക്കില്‍ സ്റ്റാംപ് ഡ്യൂട്ടി നല്‍കണം. ഭേദഗതിക്കു മുന്‍പ് പവര്‍ ഓഫ് അറ്റോര്‍ണി എക്സിക്യുട്ട് ചെയ്യാന്‍ 100 രൂപ സ്റ്റാംപ് ഡ്യൂട്ടി മതിയായിരുന്നു.
കേരള സ്റ്റാംപ് ആക്ടിലെ 2(ഡി) വകുപ്പില്‍ കണ്‍വെയന്‍സിനു നിര്‍വചനമുണ്ട്.

ഈ ഭേദഗതി വര്‍ക്സ് കോണ്‍ട്രാക്ടിനെ ബാധിക്കുന്ന ഒന്നല്ല. ഭൂമിയുടെ അവിഭജിത കൂട്ടവകാശം വാങ്ങി കെട്ടിടം പണിയുകയാണ് എന്നാണു പറയുന്നതെങ്കിലും സംഭവിക്കുന്നത് അങ്ങനെയല്ല. ബില്‍ഡര്‍ കെട്ടിടം പണിതു വാങ്ങുന്നയാള്‍ക്കു തവണയായി വില്‍ക്കുകയാണു ചെയ്യുന്നത്. ഫ്ളാറ്റുകളുടെ കൈമാറ്റത്തിന്മേലുള്ള നികുതി വെട്ടിപ്പു നടക്കുന്നുണ്ടെന്നും അതു തടയുവാനാണു ഭേദഗതി കൊണ്ടുവന്നതെന്നുമാണു സര്‍ക്കാര്‍ വാദം.

അവിഭജിത ഭൂമിയിലെ അവകാശം വില്‍ക്കാനുള്ള കരാറിലുള്ള നിബന്ധനകളിലൊന്നു ബില്‍ഡറെ കെട്ടിട നിര്‍മാണമേല്‍പിക്കണമെന്നുള്ളതാണ് എന്നു കോടതി ചൂണ്ടിക്കാട്ടി. നിര്‍മാണ കരാര്‍ പ്രകാരം കെട്ടിട നിര്‍മാണത്തിന്റെ മുഴുവന്‍ പണവും നല്‍കാതെ ഭൂമിയിലെ കൂട്ടവകാശം റജിസ്റ്റര്‍ ചെയ്യുവാന്‍ ആവശ്യപ്പെടരുതെന്നും കോടതി ചൂണ്ടിക്കാട്ടി. കോടതിയുടെ അഭിപ്രായത്തില്‍ ബില്‍ഡര്‍ ഒരു കരാര്‍ പണിക്കാരനല്ല എന്നു വ്യക്തമാകുന്നു എന്നു നിരീക്ഷിച്ചു. ബില്‍ഡിങ് പെര്‍മിറ്റ് ബില്‍ഡറാണു വാങ്ങിയത് എന്നതില്‍ നിന്നും കെട്ടിടം നിര്‍മിക്കാനുള്ള ബാധ്യത ബില്‍ഡര്‍ക്കാണെന്നും ബില്‍ഡര്‍ ഒരു വര്‍ക്സ് കോണ്‍ട്രാക്ടര്‍ അല്ല എന്നും കോടതി വ്യക്തമാക്കി.

സുപ്രീം കോടതി വീണാ ഹസ്മുഖ് ജയിനിന്റെ കേസില്‍ കെട്ടിടം വില്‍ക്കാനുള്ള കരാറിനും തീരുവ ചുമത്താം എന്നു സ്ഥിരീകരിച്ചിട്ടുള്ളതായി കോടതി ചൂണ്ടിക്കാട്ടി. (ബോംബെ സ്റ്റാംപ് ആക്ടില്‍ ഉള്ള വിശദീകരണം അനുസരിച്ചു കരാറിനും കണ്‍വയെന്‍സായി പരിഗണിച്ചു സ്റ്റാംപ് ഡ്യൂട്ടി ചുമത്താം).

സ്റ്റാംപ് ആക്ട് അനുസരിച്ചു കോര്‍പറേഷനില്‍ 8.5%, മുനിസിപ്പാലിറ്റിയില്‍ 8%, പഞ്ചായത്തില്‍ 5% ആണ് സ്റ്റാംപ് ഡ്യൂട്ടി. റജിസ്ട്രേഷന്‍ നടത്തുന്നില്ലാത്തതിനാല്‍ കരാര്‍ ഒപ്പുവയ്ക്കേണ്ട സമയത്ത് 5% സര്‍ചാര്‍ജ് റജിസ്ട്രേഷന്‍ ഫീസും നല്‍കേണ്ടതില്ല. രഹേജ ഡവലപ്മെന്റ് കേസിലെ സുപ്രീം കോടതിവിധി പ്രകാരം കെട്ടിട നിര്‍മാണം പൂര്‍ത്തിയാകും മുന്‍പുള്ള കരാറുകളെ വര്‍ക്ക്സ് കോണ്‍ട്രാക്ടായി പരിഗണിക്കേണ്ടതാണ്. ബോംബെ സ്റ്റാംപ് ആക്ടില്‍ ഉള്ളതുപോലെ കേരള സ്റ്റാംപ് ആക്ടില്‍ കരാര്‍ കണ്‍വെയന്‍സായി പരിഗണിക്കണമെന്നു വിശദീകരണവും കാണുന്നില്ല.

സ്വർണ്ണക്കടയിൽ തട്ടിപ്പ് - ശ്രദ്ധിക്കുക

2009-10-08T14:35:00.006+05:30

പഴയ സ്വര്‍ണ്ണാഭരണങ്ങള്‍ പകരം കൊടുത്ത് പുതിയവ വാങ്ങുമ്പോള്‍ നാം തട്ടിപ്പിനു വിധേയരാകുന്നുണ്ട്. എല്ലാ കടക്കാരും ഏതാണ്ട് ഒരേ രീതിയിലുള്ള തട്ടിപ്പാണു നടത്തുന്നതു കൊണ്ട് ഏതെങ്കിലും കടക്കാരന്‍റെ പേര് പ്രത്യേകം എടുത്തു പറയുന്നില്ല. തിരുവനന്തപുരത്തെ ഒരു പ്രമുഖ സ്വര്‍ണ്ണക്കടയിലുണ്ടായ എന്‍റെ അനുഭവം താഴെ കുറിക്കുന്നു.

ഈ കടയില്‍ നിന്നും വാങ്ങുന്ന ആഭരണങ്ങളെല്ലാം 916 ശുദ്ധി ഉള്ളതും ബിസ് മാര്‍ക്ക്‌ ചെയ്യപ്പെട്ടിട്ടുള്ളതുമാണ്. പകരം കൊടുക്കുന്ന പഴയ ആഭരണത്തിനു വിലയിടുന്നത് ആ ആഭരണങ്ങളുടെ ശുദ്ധിക്കനുസരിച്ചാണ്. ശുദ്ധി അളക്കുന്നതിനുള്ള യന്ത്രം നമുക്ക് കാണത്തക്കവിധത്തില്‍ തന്നെ ഘടിപ്പിച്ചിട്ടുണ്ടാകും. ഈ യന്ത്രത്തോട് ബന്ധിപ്പിച്ചിരിക്കുന്ന സ്വര്‍ണ്ണത്തിന്‍റെ ശുദ്ധി കാണിക്കുന്ന ഒരു ഡിസ്പ്ലേ യൂണിറ്റ് നമുക്ക് അഭിമുഖമായിട്ടായിരിക്കും ക്രമീകരിച്ചിരിക്കുന്നത്. യന്ത്രത്തിനെ ഒരു കമ്പ്യൂട്ടറിനോടും ബന്ധിപ്പിച്ചിരിക്കും. കമ്പ്യൂട്ടറിന്‍റെ ഡിസ്പ്ലേ യൂണിറ്റ് നമുക്കഭിമുഖമായിട്ടായിരിക്കില്ല ക്രമീകരിച്ചിരിക്കുന്നത്. അതുകൊണ്ടുതന്നെ അതില്‍ പ്രദർശിപ്പിക്കുന്നതൊന്നും നമുക്ക് കാണാന്‍ കഴിയില്ല. നമുക്ക്, സ്വര്‍ണ്ണത്തിന്‍റെ ശുദ്ധി അറിഞ്ഞാല്‍ മതിയല്ലോ, അതെങ്ങനെ കമ്പ്യൂട്ടറില്‍ കൂടി കണ്ടെത്തുന്നു എന്നത് നമ്മുടെ വിഷയമല്ലാത്തതു കൊണ്ടാകാം, അങ്ങനെ ക്രമീകരിച്ചിരിക്കുന്നത്. അപ്പം തിന്നാല്‍ പോരേ, കുഴിയെണ്ണണോ?

പരിശോധിക്കേണ്ട സ്വര്‍ണ്ണം, നമുക്ക് കാണുന്ന വിധത്തില്‍ പരിശോധനാ യന്ത്രത്തില്‍ (കണ്ണാടിക്കൂട്) വക്കുന്നു. എന്നിട്ട് കമ്പ്യൂട്ടര്‍ പ്രവര്‍ത്തിപ്പിക്കുന്നു. ഒന്നു രണ്ടു മിനിട്ട് കഴിഞ്ഞ് കമ്പ്യൂട്ടറിന്‍റെ കീബോര്‍ഡില്‍ ഏതോ ഒരു കീ അമർത്തുമ്പോള്‍ ആ സ്വര്‍ണ്ണത്തിന്‍റെ പരിശുദ്ധി ഡിസ്പ്ലേ യൂണിറ്റില്‍ കൂടി വ്യക്തമായി കാണാന്‍ കഴിയുന്നു. നാം വാങ്ങിയ സ്വര്‍ണമാണ് ആ യന്ത്രത്തില്‍ വച്ചിരുന്നതെങ്കില്‍ തീര്‍ച്ചയായും 916 എന്നായിരിക്കും പരിശുദ്ധി. സ്വര്‍ണ്ണത്തിന്‍റെ തൂക്കത്തിനു അന്നത്തെ വിപണിവിലയില്‍ വില്പനവില കണക്കാക്കുന്നു.

ഇനി നാം പകരം കൊടുക്കുന്ന പഴയ സ്വർണ്ണവും അതേപോലെ യന്ത്രത്തിന്റെ കണ്ണാടിക്കൂട്ടിൽ പ്രതിഷ്ടിച്ച് കഴിഞ്ഞശേഷം കമ്പ്യൂട്ടർ പ്രവർത്തിപ്പിക്കുന്നു. ഒന്നു രണ്ടു മിനിട്ട് കഴിയുമ്പോൾ കീബോർഡിൽ ഏതോ ഒരു കീ അമർത്തുമ്പോൾ ആ സ്വർണ്ണത്തിന്റെ പരിശുദ്ധി ഡിസ്പ്ലേ യൂണിറ്റിൽ കാണപ്പെടുന്നു. 99% വും 916 ൽ കുറവായിരിക്കും പരിശുദ്ധി.

ഇതിൽ തട്ടിപ്പുണ്ടെന്നു പറയാൻ കാരണങ്ങൾ:
1. പരിശുദ്ധി കാണിക്കാനുള്ള കമ്പ്യൂട്ടർ പ്രോഗ്രാം സ്റ്റാർട്ട് ചെയ്തു കഴിഞ്ഞാൽ, അതു പ്രോസസ്സ് ചെയ്തു തുടങ്ങും. അതു കഴിഞ്ഞാൽ അതിന്റെ ഫലം സ്വയം ഡിസ്പ്ലേ യൂണിറ്റിൽ കൂടി കാണിക്കേണ്ടതല്ലേ? എന്തിനു ഒരു കീ അമർത്തുമ്പോൾ മാത്രം പരിശുദ്ധി ഡിസ്പ്ലേ യൂണിറ്റിൽ പ്രത്യക്ഷപ്പെടുന്നു?

2.പുതിയ സ്വർണ്ണവും പഴയ സ്വർണ്ണവും പരിശോധനക്കുള്ള പ്രോസസ്സ് കഴിയുമ്പോൾ കടക്കാർ പ്രസ്സ് ചെയ്യുന്നത് ഒരേകീ ആണെന്ന് ഉറപ്പുവരുത്താൻ കഴിയുന്നില്ല. ആവശ്യാനുസരണം പല കീകൾ പ്രസ്സ് ചെയ്താൽ പല തരത്തിലുള്ള ഫലം ദൃശ്യമാകാനുള്ള സംവിധാനം സോഫ്റ്റ്വെയറിൽ വരുത്തിയിട്ടില്ലാ എന്നു എങ്ങനെ ഉറപ്പാക്കും.

സ്വർണ്ണത്തിന്റെ പരിശുദ്ധി ഡിസ്പ്ലേ ചെയ്യുന്നതിനുമുമ്പ് കമ്പ്യൂട്ടർ കീബോർഡിൽ പ്രസ്സ് ചെയ്യുന്നതെന്തിനെന്നന്ന്വേഷിച്ചപ്പോൾ, അതാവശ്യമാണെന്നും, എല്ലാ കടക്കാരും ഇങ്ങനെ തന്നെയാണു പരിശുദ്ധി കണ്ടു പിടിക്കുന്നതെന്നും മറുപടി.

സ്വർണ്ണത്തിന്റെ പരിശുദ്ധി 916 അല്ലെങ്കിൽ അതനുസരിച്ച് വളരെയധികം വില കുറച്ചേ കടക്കാർ എടുക്കൂ. പരിശുദ്ധമായ സ്വർണ്ണമാണെന്നു കരുതി വാങ്ങിയ പഴയ കടക്കാരനെ ശപിച്ചുകൊണ്ട് വളരെ വിലകുറച്ചാണെങ്കിലും പകരം കൊടുത്ത് പുതിയ ആഭരണം വാങ്ങുന്നു.

ഇതിൽ തട്ടിപ്പുണ്ടെന്നു ന്യായമായും ഞാൻ സംശയിക്കുന്നു. വായനക്കാർക്കു വേണ്ടി ഇതിവിടെ വിളിച്ചു പറയുന്നു.

ഇന്നത്തെ (ഒക്ടോബർ 8, 2009) മനോരമയിൽ വന്ന ഒരു പരസ്യം നോക്കുക:

ഈ പരസ്യപ്രകാരം ‘ആഭരണങ്ങൾക്ക് വിലപറയുന്ന’ തിരുവനന്തപുരത്തെ കല്ല്യാൺ ജൂവല്ലറിക്ക് വെരിഫിക്കേഷൻ മെഷീൻ ഇല്ലന്നാണോ മനസ്സിലാക്കേണ്ടത്.

update on 11-9-2009.

ഇന്നത്തെ മനോരമയിൽ (11-9-2009), കല്യാൺ ജൂവലേർസ്സിന്റേതായി ഒരു പരസ്യം വന്നിരിക്കുന്നു. അതിൻ പ്രകാരം അവർക്കും സ്വർണ്ണത്തിന്റെ പരിശുദ്ധി അളക്കുന്ന ഉപകരണം ഉണ്ടെന്നവകാശപ്പെട്ടിരിക്കുന്നു.

ഉപകരണം ഉണ്ടായാൽ മാത്രം പോര. ഉപഭോക്താക്കളെ കളിപ്പിക്കാതെ എല്ലാരും അതുപയോഗിച്ച് കാണിക്കുകയും വേണം. അവിടെ യാണു പ്രശ്നം. സംശയം ജനിപ്പിക്കുന്ന വിധത്തിലാണു ഒരു കടക്കാരൻ എന്നെ ഉപയോഗിച്ച് കാണിച്ചത്. അതുപോലെ തന്നെയാണു എല്ലാരും എന്ന ന്യായീകരണവും.

ഹിന്ദു സ്ത്രീകളും വിവാഹനിയമങ്ങളും- common marriage rules 2008

2009-09-19T20:00:00.004+05:30

1955 ലെ ഹിന്ദു വിവാഹനിയമം അനുസരിച്ച് ജനനം കൊണ്ട് ഹിന്ദുവായ ഒരാള്‍ക്കും ക്രിസ്ത്യാനി, പാര്‍സി, ജൂതന്‍, മുസ്ലിം എന്നിവരൊഴികെയുള്ള ഇതരമതക്കാര്‍ക്കും ഈ നിയമം ബാധകമാണ്.

ഈ നിയമം വിവാഹത്തിനായി പ്രത്യേകമായി ആചാരങ്ങളോ നടപടിക്രമങ്ങളോ നിഷ്കര്‍ഷിക്കുന്നില്ല. എന്നാല്‍ വര്‍ഷങ്ങളായി പാലിച്ചു വരുന്ന കീഴ്വഴക്കങ്ങള്‍ക്ക് മതിയായ പരിഗണന നല്‍കുന്നുണ്ട്. അതിനാല്‍ 1955 ലെ ഹിന്ദു വിവാഹനിയമ പ്രകാരം വിവാഹം സാധൂകരിക്കുന്നതില്‍ കീഴ്വഴക്കങ്ങള്‍ക്കും ആചാരങ്ങള്‍ക്കും പ്രസക്തിയുണ്ട്.

നിയമപ്രകാരമുള്ള ഒരു ഹിന്ദു വിവാഹത്തിനു ഇനിപ്പറയുന്ന കാര്യങ്ങള്‍ പാലിക്കപ്പെടുന്നു എന്നു ഉറപ്പ് വരുത്തണം:

വിവാഹസമയത്ത് വരനു 21 വയസ്സും വധുവിനു 18 വയസ്സും പൂര്‍ത്തിയായിരിക്കണം.
വരനു ജീവിച്ചിരിക്കുന്ന ഭാര്യയോ വധുവിനു ജീവിച്ചിരിക്കുന്ന ഭര്‍ത്താവോ ഉണ്ടായിരിക്കരുത്.
വധൂവരന്മാരുടെ സമ്മതം സ്വമനസ്സാലെ ആവണം, ആയതിനുള്ള കഴിവുണ്ടായിരിക്കണം.
ചിത്തഭ്രമമോ മനോരോഗമോ തുടര്‍ച്ചയായി വരുന്ന ഉന്മാദ രോഗങ്ങളോ ഉണ്ടായിരിക്കരുത്.
മാനസിക തകരാറുകാരണം വൈവാഹിക ധര്‍മ്മങ്ങള്‍ നിറവേറ്റാന്‍ കഴിയാത്തവരാകരുത്. കൂടാതെ അതുകൊണ്ട് കുട്ടികള്‍ക്ക് ജന്മം നല്‍കാനോ സംരക്ഷിക്കാനോ കഴിയാത്തവരാകരുത്.
ആചാരങ്ങളോ അനുഷ്ഠാനങ്ങളോ അനുവദിക്കുന്നുവെങ്കില്‍ മാത്രം വിവാഹത്തിനു നിരോധിക്കപ്പെട്ട അടുത്ത രക്തബന്ധത്തില്‍ ഉള്ളവരെ വിവാഹം കഴിക്കാം.
സബ് രജിസ്ട്രാറുടെ അടുത്ത് വിവാഹം രജിസ്റ്റര്‍ ചെയ്തതു കൊണ്ടു മാത്രം വിവാഹത്തിനു നിയമ സാധുത ലഭിക്കുന്നില്ല. ആചാരാനുഷ്ഠാനങ്ങള്‍ അനുസരിച്ചുള്ള വിവാഹം നടന്നിരിക്കണം.
വിവാഹശേഷം എല്ലാ വിവാഹവും രജിസ്റ്റര്‍ ചെയ്തിരിക്കണം.
മിശ്രവിവാഹം അനുവദനീയമാണ്.
വിധവാ വിവാഹം അനുവദനീയമാണ്.
വര്‍ഷങ്ങളായി ഭാര്യഭര്‍ത്താക്കന്മാരായി ഒരേവീട്ടില്‍ സഹവസിക്കുന്ന ദമ്പതികളുടെ കാര്യത്തില്‍ അവരുടെ വിവാഹം വിധിപ്രകാരം ചടങ്ങുകളോടെ നടന്നിരുന്നോ എന്ന് അന്വേഷിക്കേണ്ട കാര്യമില്ലെന്നു സുപ്രീം കോടതി പറഞ്ഞിട്ടുണ്ട്.

സ്വയമേ അസാധുവാകുന്ന വിവാഹം.
വിവാഹസമയം വധുനിനോ, വരനോ മറ്റൊരു ഭാര്യ ജീവിച്ചിരിക്കുക, വിഹാഹത്തിനു നിരോധിച്ചിട്ടുള്ള ബന്ധത്തില്‍ പെട്ടവരായ വധൂവരന്മാര്‍ എങ്കില്‍ ആ വിവാഹം അസാധുവായി കണക്കാക്കാം. കൂടാതെ ദമ്പദികള്‍ക്ക് ഭാര്യഭര്‍ത്താക്കന്മാരുടെ പദവി നഷ്ടപ്പെടുകയും ചെയ്യും.

അസാധുവാക്കാവുന്ന വിവാഹം.
വിവാഹ പങ്കാളി തന്നെ വഞ്ചിച്ചിട്ടുണ്ടെന്നു ആക്ഷേപമുള്ളവര്‍ വഞ്ചന കണ്ടുപിടിച്ച തീയതി മുതല്‍ ഒരു വര്‍ഷത്തിനുള്ളില്‍ പരിഹാരം തേടി കോടതിയെ സമീപിക്കണം. മേല്‍ പരാമര്‍ശിക്കപ്പെട്ട ഏതൊരു സാഹചര്യത്തിലും അസാധുവാക്കാവുന്ന വിവാഹങ്ങള്‍ കോടതിയില്‍ നിന്നും അസാധുവാക്കികൊണ്ടുള്ള വിധി ഉണ്ടാകാത്തിടത്തോളം കാലം സാധുവായിരിക്കുന്നതും നിയമപരമായി അംഗീകാരമുള്ളതുമായിരിക്കും.

ദാമ്പത്യബന്ധം പുനഃസ്ഥാപിക്കാനുള്ള അവകാശം.
വിവാഹ പങ്കാളിയുമായി ഒരുമിച്ച് താമസിക്കാനും ലൈഗികബന്ധത്തിലേര്‍പ്പടാനുമുള്ള ഒരു വ്യക്തിയുടെ അവകാശം വിവാഹബന്ധത്തിലെ മൌലികമായ അവകാശമായി നിയമം അംഗീകരിച്ചിട്ടുണ്ട്. ഹിന്ദു വിവാഹനിയമമനുസരിച്ച് വിവാഹപങ്കാളികളില്‍ ഒരാള്‍ മറ്റേയാളുടെ സഹവാസത്തിനുള്ള അവകാശം നിഷേധിക്കരുതെന്നു അനുശാസിക്കുന്നു. ന്യായമായ കാരണങ്ങളിലല്ലാതെ സഹവാസം നിഷേധിക്കപ്പെടുന്നയാള്‍ക്ക് വിവാഹബന്ധം പുനഃസ്ഥാപിച്ച് കിട്ടുന്നതിനു കോടതിയെ സമീപിക്കാനുള്ള അവകാശമുണ്ട്. ന്യായമായ കാരണങ്ങളാലാണോ ഉപേക്ഷിച്ച് പോയതെന്നു ഉപേക്ഷിച്ചു പോയ ആള്‍ തെളിയിക്കണം. ഭര്‍ത്താവ് മറ്റൊരു സ്ത്രീയെ കൂടെ താമസിപ്പിക്കുക ഭാര്യയുമായി ലൈഗികബന്ധത്തിലേര്‍പ്പെടാതിരിക്കുക ഭാര്യക്ക് സ്വഭാവ ദ്യൂഷ്യമുണ്ടെന്നു സത്യവിരുദ്ധമായി ആരോപിക്കുക ഭര്‍ത്താവ് അന്യപുരുഷനുമായി ലൈഗികബന്ധത്തിലേര്‍പ്പെടാന്‍ നിര്‍ബന്ധിക്കുക തുടങ്ങിയ കാരണങ്ങള്‍ ന്യായമാണെന്നു കോടതി വിധികളുണ്ട്.

വിവാഹ മോചനം.
ഇനിപ്പറയുന്ന ഏതെങ്കിലും കാരണങ്ങളാല്‍ ഭാര്യക്കോ ഭര്‍ത്താവിനോ വിവാഹമോചനം അനുവദിക്കണമെന്നു ആവശ്യപ്പെട്ട് കോടതിയില്‍ ഹര്‍ജി നല്‍കാം.

വ്യഭിചാരം പരസ്ത്രീബന്ധം പരപുരുഷബന്ധം തുടങ്ങിയവ
പങ്കാളിയുടെ ക്രൂരമായ പെരുമാറ്റം. ഇതില്‍ ഒരാളുടെ ജീവനു അപകടകരമായതോ മനസ്സിനോ ശരീരത്തിനോ ഹാനികരമായിട്ടുള്ളതോ ആയ പെരുമാറ്റവും ഉള്‍പ്പെടുന്നു.
ചികിത്സാതീതമായ മാനസികരോഗം
ഭാര്യയോ ഭര്‍ത്താവോ ഹിന്ദു മതം ഉപേക്ഷിക്കുക.
തുടര്‍ച്ചയായി ഏഴുവര്‍ഷക്കാലം ഒരു വ്യക്തിയെക്കുറിച്ച് അയാള്‍ ജീവിച്ചിരിക്കുന്നുവെങ്കില്‍ സാധാരണഗതിയില്‍ അറിയാമായിരുന്ന ആളുകള്‍ക്ക് യാതൊരു വിവരവം ഇല്ലാതിരിക്കുക.
രണ്ടു വര്‍ഷത്തിലേറെക്കാലം ഉപേക്ഷിച്ചു പോവുക.

പരസ്പര സമ്മതപ്രകാരമുള്ള വിവാഹമോചനം.
തുടര്‍ച്ചയായി ഒരു കൊല്ലക്കാലം വേര്‍പിരിഞ്ഞ് താമസിച്ച ശേഷം തുടര്‍ന്നും ഒരുമിച്ച് ജീവിക്കാന്‍ സാധ്യമല്ലെന്നു രണ്ടുപേരും തീരുമാനിച്ചാല്‍ ഉഭയസമ്മതപ്രകാരം കോടതിമുമ്പാകെ വിവാഹമോചനം തേടാം. എന്നാല്‍ ഹര്‍ജ്ജി സമര്‍പ്പിച്ച് ആറ് മാസത്തിനു ശേഷമേ വിവാഹബന്ധം വേര്‍പെടുത്തികൊണ്ട് കോടതി തീര്‍പ്പ് കല്പിക്കു. ഈ ആറുമാസകാലാവധി വീണ്ടു വിചാരത്തിനുള്ള കാലമാണ്. അതിനിടക്ക് ഭാര്യക്കോ ഭര്‍ത്താവിനോ ഇതില്‍ നിന്നും പിന്‍‌തിരിയാന്‍ അവകാശമുണ്ട്.

വേര്‍പെട്ട് താ‍മസിക്കല്‍.
ചില പ്രത്യേക സാഹചര്യങ്ങളില്‍ കോടതിയുടെ അനുവാദത്തോടെ ദമ്പതികള്‍ വേര്‍പെട്ട് താമസിക്കാം. വിവാഹമോചനത്തിനുള്ള കാരണങ്ങള്‍ തന്നെയാണ് ഈ വേര്‍പെട്ട് താമസിക്കലിനും ഉള്ളത്. ഒരു വര്‍ഷത്തെ കാലാവധിയാണ് ഈ വേര്‍പെട്ട് താമസിക്കലിനു കോടതി അനുവദിക്കുന്നത്. ഈ കാലയളവില്‍ മാനസാന്തരമുണ്ടായി പരസ്പരം യോജിക്കുന്നില്ലെങ്കില്‍ കക്ഷികള്‍ക്ക് വിവാഹമോചനത്തിനു കോടതിയെ സമീപിക്കാം.

കോടതി.
ദമ്പതികളെ സംബന്ധിച്ച കേസുകള്‍ കേള്‍ക്കാനും തീര്‍പ്പ് കല്പിക്കാനുമുള്ള അധികാരം കുടുമ്പകോടതികള്‍ക്കാണ്. ഈ കോടതിക്ക് ഇനിപ്പറയുന്ന കാര്യങ്ങള്‍ പരിഗണിക്കാന്‍ അധികാരമുണ്ട്.

വിവാഹത്തിന്റെ സാധുത
ദാമ്പത്യബന്ധം പുനഃസ്ഥാപിക്കല്‍
വിവാഹമോചനം
ജുഡീഷ്യല്‍ വേര്‍പാട്: പ്രത്യേകം വേര്‍പിരിഞ്ഞ് താമസിക്കാനുള്ള അവകാശം.
വൈവാഹിക പദവിയുടെ പ്രഖ്യാപനം.
ഭാര്യാഭര്‍ത്താക്കന്മാരുടെ സ്വത്ത് തര്‍ക്കം.
വ്യക്തികളുടെ നിയമസാധുത്വം.
ജീവനാംശം.
രക്ഷകര്‍തൃത്വം: കുട്ടിയുടെ ശരീരത്തിനെ സംബന്ധിച്ചുള്ളത്
ദത്തെടുക്കല്‍ തുടങ്ങിയവ

കുട്ടികളുടെ വസ്തുക്കളെ സംബന്ധിച്ച് രക്ഷകര്‍തൃത്വം ജില്ലാ അധികാരപരിധിക്കകത്തായാല്‍ വിവാഹം നടത്തിയ സ്ഥലം ഉള്‍പ്പെട്ട കോടതിയിലോ വിവാഹം കഴിഞ്ഞ് അവസാനമായി ഒരുമിച്ച് ഭാര്യഭര്‍ത്താക്കന്മാരായി താമസിച്ച സ്ഥലത്തെ കോടതിയിലോ അതുമല്ലെങ്കില്‍ എതിര്‍കക്ഷി താമസിക്കുന്ന സ്ഥലത്തെ കോടതിയിലോ കേസ് ഫയല്‍ ചെയ്യാം.

പുനര്‍വിവാഹം.
ഹിന്ദു വിവാഹപ്രകാരം വിവാഹമോചിതരായവര്‍ക്കും വിധവകള്‍ക്കും പുനര്‍വിവാഹം കഴിക്കാം. എന്നാല്‍ വിവാഹമോചിതരായവര്‍ അപ്പീല്‍ കൊടുത്തിട്ടുണ്ടെങ്കില്‍ അപ്പീല്‍ തീരുമാനമെടുക്കുന്നതുവരെയോ അപ്പീല്‍ കൊടുത്തിട്ടില്ലെങ്കില്‍ അപ്പീല്‍ കൊടുക്കാനുള്ള കാലാവധി കഴിയുന്നതു വരെയോ കാത്തിരിക്കണം.

ജീവനാംശ നിയമങ്ങള്‍
സ്വയം ചെലവു നടത്താന്‍ സ്വത്തോ വരുമാനമോ ഇല്ലാത്ത ഏതൊരു ഹിന്ദു ഭാര്യക്കും ഭര്‍ത്താവില്‍ നിന്നും ജീവനാംശം ആവശ്യപ്പെടാം

ഭര്‍ത്താവ് മരിച്ചാല്‍ ഭര്‍ത്താവിന്റെ അച്ഛനു വരുമാനമുണ്ടെന്നും വിധവക്ക് സ്വയം സംരക്ഷണത്തിനു വകയൊന്നും ഇല്ലെന്നും വരികയാണെങ്കില്‍ ഭര്‍ത്താവിന്റെ അച്ഛനില്‍ നിന്നും ജീവനാംശം അവകാശപ്പെടാവുന്നതാണ്.

വിവാഹം കഴിയാത്ത പ്രായപൂര്‍ത്തിയായ മക്കള്‍ക്ക് മാതാപിതാക്കളില്‍ നിന്നും ജീവനാംശം അവകാശപ്പെടാം.

വൃദ്ധരും നിരാലമ്പരുമായ മാതാപിതാക്കളെ സംരക്ഷിക്കേണ്ട ബാധ്യത മക്കള്‍ക്കുണ്ട്.

ശ്രദ്ധിക്കുക: മേല്‍ വിവരിച്ചതെല്ലാം ജസ്റ്റിസ് ശ്രീദേവി യുടെ കീഴില്‍ പ്രവര്‍ത്തിക്കുന്ന ‘കേരള വനിതാ കമ്മീഷന്‍ ‍’ എഴുതി തയ്യാറാക്കിതന്ന രേഖയുടെ അടിസ്ഥാനത്തിലുള്ളതാണ്. കൂടുതല്‍ വിവരങ്ങള്‍ക്ക്: കേരളാ വനിതാ കമ്മീഷന്‍, വാന്‍‌റോസ് ജംഗ്ഷന്‍, തിരുവനന്തപുരം 34.

ഇനി ഒരല്പം ചരിത്രം. [13-3-2008 ല്‍ കൂട്ടി ചേര്‍ത്തത്]
പുരാതന ഹിന്ദു നിയമങ്ങള്‍ 8 വിധത്തിലുള്ള വിവാഹങ്ങള്‍ ഉണ്ടെന്നു കണ്ടിരുന്നു. ചിലതെല്ലാം നിയമസാധുത ഉള്ളത്. ചിലതെല്ലാം തുടക്കത്തിലേ അസാധു ആയത്. മറ്റു ചിലത് വധൂവരന്‍ മാരില്‍ ആരെങ്കിലും ഒരാളുടെ ഇഷ്ടത്തിനനുസരിച്ച് അസാധുവാക്കാവുന്നതും. ഇതൊക്കെയാണ് പണ്ടുണ്ടായിരുന്ന വിവാഹ രീതികള്‍:

ബ്രഹ്മഃ
ദൈവ
അര്‍ഷ
പ്രജാപത്യ

ഈ നാലു രീതിയിലും വധുവിനെ അവളുടെ അച്ഛന്‍ വരനു കന്യാദാനം ചെയ്യുകയാണ്. നിയമപരമായി സാധുവുമാണ്.

5.അസുര
6. ഗംന്ധര്‍വ
7. രാക്ഷസ്
8.പൈശാച്
ഈ നാലെണ്ണത്തിനെയും അധര്‍മ്മ വിവാഹമായിട്ടാണ് കരുതിയിരുന്നത്.

1955 ല്‍ The Hindu Marriage Act ഉണ്ടായെങ്കിലും അതിനു മുന്നെ തന്നെ The Special Marriage Act 1954 നിലവിലുണ്ടായിരുന്നു. 1954 ലെ ആക്ട് ജാതിമത ഭേതമന്യേ എല്ലാ ഇന്‍ഡ്യാക്കാരനും ഒരു പോലെ ബാധകമായിരുന്നു. ഇതിന്‍ പ്രകാരം വിവാഹം ഏതാചാരപ്രകാരം നടന്നാലും Marriage Officers ആ വിവാഹം രജിസ്റ്റര്‍ ചെയ്യുന്നതിനു മുമ്പ് ചില നടപടിക്രമങ്ങള്‍ പാലിച്ചിട്ടുണ്ടോ എന്ന് നോക്കും. 1954 ലെ ആക്ടില്‍ ഖണ്ഡിക 4 ലാണ് ഈ വിവാഹം സാധുവാകുന്നതിനു വേണ്ടുന്ന നിവന്ധനകള്‍ എന്തെല്ലാമെന്ന് വിവരിച്ചിരിക്കുന്നത്. ഇത്തരം സ്പെഷ്യല്‍ വിവാഹ ആക്ടിന്റെ പ്രത്യേകത അത് രജിസ്റ്റര്‍ ചെയ്യുന്നതിനായി പ്രത്യേകം Marriage Officers നെ നിയമിച്ചിട്ടുണ്ടാകും. അവരാണ് അതു ചെയ്യേണ്ടത്.

1955 ലെ ആക്ട് ഹിന്ദുക്കള്‍ക്ക് വേണ്ടി പിന്നീടൂണ്ടായതാണ്. ഈ പോസ്റ്റിന്റെ ആദ്യഭാഗത്തില്‍ പരാമര്‍ശിക്കപ്പെട്ടിട്ടുള്ളതെല്ലാം (വനിതാ കമ്മിഷന്‍ തന്ന ഭാഗങ്ങള്‍) ഈ ആക്ടിനെ അടിസ്ഥാനമാക്കിയുള്ളതാണ്.

1954 ലെയും 1955 ലെയും ആക്ടും പ്രകാരം നടന്ന വിവാഹങ്ങളെല്ലാം ഇപ്പോഴും നിയമസാധുത ഉള്ളതാണ്.

മിക്കവാറും എല്ലാ സംസ്ഥാനങ്ങളും വിവാഹ രജിസ്ട്രേഷന്‍ സംബന്ധിച്ച ചട്ടങ്ങള്‍ക്ക് രൂപം നല്‍കിയിട്ടുണ്ടെങ്കിലും നിരവധി സംസ്ഥാനങ്ങളില്‍ വിവാഹം രജിസ്റ്റര്‍ ചെയ്യണമെന്നുള്ളത് ഇപ്പോഴും നിര്‍ബന്ധമില്ല. സീമ Vs അശ്വനികുമാര്‍ എന്ന കേസില്‍ 14-2-2006 ല്‍ സുപ്രീം കോടതിയുടെ പരാമര്‍ശം പ്രത്യേക ശ്രദ്ധയര്‍ഹിക്കുന്നു:

വിവാഹം സംബന്ധിക്കുന്ന രേഖകള്‍ സൂക്ഷിക്കുന്ന പക്ഷം വിവാഹത്തിലെ കക്ഷികള്‍ തമ്മില്‍ വിവാഹ പൂര്‍ത്തീകരണം സംബന്ധിച്ച തര്‍ക്കം വലിയ ഒരളവോളം ഒഴിവാക്കാവുന്നതാണ്. ദേശീയ കമ്മിഷന്റെ അഭിപ്രായത്തില്‍ ഇത്തരത്തില്‍ വിവാഹം രജിസ്റ്റര്‍ ചെയ്യാതിരിക്കുന്നത് ദോഷകരമായി ബാധിക്കുന്നത് ഏറെയും സ്ത്രീകളെയാണ്. രജിസ്റ്റര്‍ ചെയ്യപ്പെട്ട ഒരു വിവാഹം ആ വിവാഹം നടന്നു എന്നുള്ളതിനു തെളിവും നടന്നുവെന്നത് സംബന്ധിച്ച് ഖണ്ഡിക്കാനാവാത്ത ഒരു അനുമാനത്തിനു അടിസ്ഥാനവുമാകുന്നതാണ്. വിവാഹ രജിസ്ട്രേഷന്‍ , സാധുതയുള്ള ഒരു വിവാഹം സംബന്ധിച്ച് പ്രഥമ ദൃഷ്ഠ്യാലുള്ള തെളിവും വിവാഹത്തിന്റെ സാ‍ധ്യത നിര്‍ണ്ണയിക്കുന്ന ഒന്നും ആകുന്നില്ലെങ്കില്‍ തന്നെയും കുട്ടികളുടെ സംരക്ഷണം മേല്‍പ്പറഞ്ഞ പ്രകാരം രജിസ്റ്റര്‍ ചെയ്യപ്പെട്ട വിവാഹത്തില്‍ ജനിച്ച കുട്ടികളുടെ അവകാശങ്ങള്‍ , വിവാഹത്തില്‍ ഉള്‍പ്പെട്ട കക്ഷികളുടെ പ്രായം എന്നിവ സംബന്ധിച്ച് വളരെയേറെ തെളിവ് മൂല്യമുള്ള ഒന്നാണ്. അതിനാല്‍ വിവാഹ രജിസ്ട്രേഷന്‍ നിര്‍ബന്ധമാക്കുന്നെങ്കില്‍ അതു സാമൂഹ്യ താല്പര്യങ്ങള്‍ക്ക് അത്യന്താപേക്ഷിതമാണ്.

ഇതുകൊണ്ടാണ് ഹിന്ദു മാര്യേജ് ആക്ടിലെ വകുപ്പ് 8-ല്‍ ‘ഹിന്ദു വിവാഹങ്ങള്‍ സംബന്ധിച്ച് തെളിവ് സുകരമാക്കുന്ന ആവശ്യത്തിലേക്കായി’ ഒരു രജിസ്റ്റര്‍ സൂക്ഷിക്കണമെന്ന് നിര്‍ദ്ദേശിക്കുന്നത്. രജിസ്റ്റര്‍ ചെയ്ത ഒരു വിവാഹം സംബന്ധിച്ചുള്ള അനുമാനം രജിസ്റ്റര്‍ ചെയ്യപ്പെടാത്ത വിവാഹത്തിലെ ഒരു വ്യക്തിയുടെ സംഗതിയില്‍ നിരസിക്കുന്നു എന്നതാണ് വിവാഹം രജിസ്റ്റര്‍ ചെയ്യാതിരിക്കലിന്റെ ഫലമായുള്ള പ്രത്യാഘാതം.

ഹിന്ദു മാര്യേജ് ആക്ടും പ്രകാരമുണ്ടാക്കിയതാണ് കേരളാ ഹിന്ദു വിവാഹ രജിസ്ട്രേഷന്‍ ചട്ടങ്ങള്‍ 1957. അതിലെ ചട്ടം 6 ലും ‘ഹിന്ദു വിവാഹങ്ങള്‍ സംബന്ധിച്ച് തെളിവ് സുകരമാക്കുന്ന ആവശ്യത്തിലേക്കായി’ ഒരു രജിസ്റ്റര്‍ സൂക്ഷിക്കണമെന്ന് നിര്‍ദ്ദേശിക്കുന്നുണ്ട്. വിവാഹ ശേഷം കഴിയുന്നതും വേഗം വിവാഹ രജിസ്ട്രേഷനുള്ള അപേക്ഷ സമര്‍പ്പിക്കേണ്ടതാണ്. (പരമാവധി 15 ദിവസത്തിനുള്ളില്‍). ഹിന്ദു വിവാഹങ്ങള്‍ സാധാരണഗതിയില്‍ ആചാരപ്രകാരമാണ് പൂര്‍ത്തീകരിക്കപ്പെടുന്നത്. അതിനാല്‍ ഇതു സംബന്ധിച്ച എന്തെങ്കിലും തെളിവ് ആവശ്യമാണ്. അതും നിര്‍ദ്ദിഷ്ട സമയപരിധിക്കുള്ളില്‍ തന്നെ സമര്‍പ്പിക്കുകയും വേണം. വിവാഹം കഴിഞ്ഞ വളരെ നീണ്ട കാലയളവിനു ശേഷം അപേക്ഷ സമര്‍പ്പിക്കുന്ന സംഗതികളില്‍ വിവാഹം സംബന്ധിച്ച മറ്റു തെളിവുകളൊന്നും ഇല്ലാതെ അപേക്ഷന്റെ വാക്കുകളുടെ അടിസ്ഥാനത്തില്‍ മാത്രം രജിസ്ട്രേഷന്‍ നടത്തികൊടുക്കാനാകില്ല. അതിനാല്‍ ചട്ടം 6 -ല്‍ പറഞ്ഞിരിക്കുന്ന സമയപരിധി നിര്‍ബന്ധമായും പാലിച്ചിരിക്കേണ്ടതാണ്. ഇപ്പറഞ്ഞതും സുപ്രീം കോടതി തന്നെയാണ്. 12-8-1997 ല്‍ രമേഷ് കുമാര്‍ Vs കാണാപ്പുറം ഗ്രാമ പഞ്ചായത്ത് എന്ന കേസില്‍.

ഇറ്റിനെല്ലാമൊരു പ്രതിവിധിയെന്നോണമാണ് കേരളസര്‍ക്കാര്‍ കേരള വിവാഹങ്ങള്‍ രജിസ്റ്റര്‍ ചെയ്യല്‍ (പൊതു) ചട്ടങ്ങള്‍ 2008. എന്നത് 2008 ഫെബ്രുവരി 29 നു ഒരു അസാധാരണ ഗസറ്റായി പ്രസിദ്ധീകരിച്ചത്‍ as per G.O.(P)No.1/2008/Law Dated 29th February,2008. ഇതിന്റെ പ്രത്യേകത ഈ ചട്ടങ്ങള്‍ എല്ലാ മതക്കാര്‍ക്കും ബാധകമെന്നതാണ്.

29-2-2008 നു ശേഷം വിവാഹിതരാകുന്ന ഏതൊരു കേരളിയനും ഈ ചട്ടങ്ങള്‍ നിര്‍ബന്ധമായും ബാധകമാണ്. എന്നാല്‍ മ്റ്റേതെങ്കിലും സ്റ്റാട്ട്യൂട്ടറി വ്യവസ്ഥകള്‍ പ്രകാരം രജിസ്ട്രേഷന്‍ നിര്‍ബന്ധമാക്കിയിട്ടുള്ള വിവാഹങ്ങള്‍ ഈ ചട്ടങ്ങളിന്‍ കീഴില്‍ ചെയ്യേണ്ടതല്ലാത്തതും , അപ്രകാരമുള്ള വിവാഹങ്ങള്‍ അതതു സ്റ്റാട്ട്യൂട്ടറി വ്യവസ്ഥകള്‍ക്കു കീഴില്‍ രജിസ്റ്റര്‍ ചെയ്യേണ്ടതുമാണ്. എന്നു മാത്രമല്ല മറ്റേതെങ്കിലും സ്റ്റാട്ട്യൂട്ടറി വ്യവസ്ഥ പ്രകാരം രജിസ്റ്റര്‍ ചെയ്യുന്നത് ഹിതാനുസരണമായിട്ടുള്ള വിവാഹങ്ങള്‍ അപ്രകാരമുള്ള സ്റ്റട്ട്യൂട്ടറി വ്യവസ്ഥകളിന്‍ കീഴില്‍ രജിസ്റ്റര്‍ ചെയ്തിട്ടില്ലാത്ത പക്ഷം ഈ ചട്ടങ്ങള്‍ക്ക് കീഴില്‍ രജിസ്റ്റര്‍ ചെയ്യേണ്ടതാണ്. എന്നിരുന്നാലും ഈ ചട്ടങ്ങള്‍ നിലവില്‍ വരുന്ന തീയതിക്കു മുമ്പ് നടന്നിട്ടുള്ള വിവാഹങ്ങള്‍ രജിസ്റ്റര്‍ ചെയ്യുന്നത് ഹിതാനുസരണമായിരിക്കുന്നതാണ്.[ചട്ടം 6]

ഇതിന്‍ പ്രകാരം Marriage Offiers ഇല്ല. പകരം പഞ്ചായത്ത് ഡയറക്ടര്‍ക്കാണ് പ്രധാന ചുമതല [ചട്ടം 3].
ജനന മരണ രജിസ്ട്രാര്‍ അവരുടെ അധികാരിതയില്‍ വരുന്ന പ്രദേശങ്ങളിലെ വിവാഹ രജിസ്ട്രാര്‍ ആയിരിക്കുന്നതാണ്. ചുരുക്കത്തില്‍ നമ്മുടെ പഞ്ചായത്ത് ഓഫീസിലാണ് രജിസ്റ്റര്‍ ചെയ്യേണ്ടത് [ചട്ടം 5].

വിവാഹത്തിലേര്‍പ്പെട്ട കക്ഷികള്‍ രണ്ടു സെറ്റ് ഫോട്ടോ സഹിതം ബന്ധപ്പെട്ട പഞ്ചായത്തില്‍ രണ്ട് സെറ്റ് ഫോട്ടോ സഹിതം 45 ദിവസങ്ങള്‍ക്കുള്ളില്‍ അപേക്ഷിക്കേണ്ടതാണ് [ചട്ടം 9(1)]

മതാചാരപ്രകാരം നടന്ന സംഗതിയില്‍ ബന്ധപ്പെട്ട മതാധികാരസ്ഥാനം നല്‍കുന്ന വിവാഹസാക്ഷ്യപത്രത്തിന്റെ പകര്‍പ്പ് വിവാഹം നടന്നത് തെളിയിക്കാനുള്ള ഒരു രേഖയാകാവുന്നതാണ് [ചട്ടം 9(3)].

വിവാഹം നടന്ന തീയതിമുതല്‍ ഒരു വര്‍ഷ കാലാവധി കഴിയാത്ത വിവാഹങ്ങള്‍ 100 രൂപ പിഴ ചുമത്തിയതിനു ശേഷം രജിസ്റ്റര്‍ ചെയ്യാവുന്നതാണ് [ചട്ടം 9(4)].

ഒരു വര്‍ഷത്തിനു ശേഷ മുള്ള രജിസ്ട്രേഷന്‍ ബന്ധപ്പെട്ട രജിസ്ട്രാര്‍ ജനറലിന്റെ അനുമതിയോടെയും 250 രൂപ പിഴയുംനല്‍കിയതിനു ശേഷം മാത്രമേ രജിസ്റ്റര്‍ ചെയ്യാന്‍ പാടുള്ളൂ [ചട്ടം 10].

ഈ ചട്ടങ്ങള്‍ നിലവില്‍ വന്നതിനു ശേഷം ഈ ചട്ടങ്ങള്‍ പ്രകാരമോ മറ്റേതെങ്കിലും സ്റ്റട്ട്യൂട്ടറി വ്യ്‌വസ്ഥ പ്രകാരമോ അധികാരപ്പെടുത്തിയിട്ടുള്ള അധികാരസ്ഥാനങ്ങള്‍ അല്ലാതെയുള്ള ഏതെങ്കിലും അധികാരസ്ഥാനം നല്‍കുന്ന ഏതൊരു വിവാഹ സാക്ഷ്യപത്രവും സര്‍ക്കാര്‍ യാതൊരു ആവശ്യത്തിനും സ്വീകരിക്കുന്നതല്ല. എന്നിരുന്നാലും ഈ ചട്ടങ്ങള്‍ നിലവില്‍ വരുന്നതിനു മുമ്പ് നടന്ന വിവാഹങ്ങള്‍ക്ക് ഈ വ്യവസ്ഥ ബാധകമാവുന്നതല്ല [ചട്ടം 15].

ഈ പുതിയ ചട്ടങ്ങളെ പറ്റി പഞ്ചായത്ത് അധികാരികൾ തന്നെ വിശദീകരിച്ചിരിക്കുന്നത് ഇവിടെയും , ഇവിടെയും വായിക്കാം.

വിവാഹം രജിസ്റ്റർ ചെയ്യുന്നതിനു പകരം വിവാഹം ചെയ്തുകൊള്ളാമെന്നുള്ള കരാർ ഉണ്ടാക്കി അതു രജിസ്റ്റർ ചെയ്യുന്ന പ്രവണത കണ്ടു വരുന്നുണ്ടെന്നും, അതിനു നിയമത്തിനു മുന്നിൽ യാതൊരു വിലയും ഇല്ലെന്നും അതു കൊണ്ട് 2008 ൽ സംസ്ഥാന സർക്കാർ ഉണ്ടാക്കിയ ചട്ടങ്ങളിൽ വേണ്ട മാറ്റങ്ങൾ ഉടൻ വരുത്തണമെന്നു മാർച്ച് 2009 ൽ ഹൈക്കോടതി അഭിപ്രായപ്പെട്ടിട്ടുണ്ട്.

Updated on 3rd Nov.2009

2009 നവംബർ 3 നു ഇതു സംബന്ധിച്ച് മനോരമയിൽ വന്ന വാർത്തയും പ്രത്യേകം ശ്രദ്ധിക്കപ്പെടേണ്ടതാണു:

തിരുവനന്തപുരം: മുന്‍കൂര്‍ നോട്ടീസ് ഇല്ലാതെ വിവാഹ ഉടമ്പടി റജിസ്റ്റര്‍ ചെയ്യുന്നതു വിലക്കി റജിസ്ട്രേഷന്‍ ചട്ടങ്ങള്‍ഭേദഗതി ചെയ്തു സര്‍ക്കാര്‍ വിജ്ഞാപനമായി. ഇതോടെ 50 രൂപയുടെ മുദ്രപ്പത്രവും രണ്ടു സാക്ഷികളുമുണ്ടെങ്കില്‍ ആര്‍ക്കും വിവാഹം റജിസ്റ്റര്‍ ചെയ്യാമെന്ന നില മാറും. സ്പെഷല്‍ മാര്യേജ് ആക്ട് പ്രകാരമേ ഇനി റജിസ്ട്രാര്‍മാര്‍ക്കു വിവാഹം റജിസ്റ്റര്‍ ചെയ്തു കൊടുക്കാന്‍ കഴിയൂ.

നേരത്തേതന്നെ 50 രൂപ മുദ്രപ്പത്രത്തിലെ വിവാഹ ഉടമ്പടിക്കു നിയമസാധുതയില്ലായിരുന്നു. എന്നാല്‍ ഇത്തരം വിവാഹങ്ങള്‍ പൊതുവെ അറിയപ്പെട്ടിരുന്നതു റജിസ്റ്റര്‍ വിവാഹമെന്നായിരുന്നു. ഫലത്തില്‍ രണ്ടുപേരെ ഒന്നിച്ചു ജീവിക്കാന്‍ തയാറാക്കുന്ന കരാര്‍ മാത്രമാണിത്. ഇതിനു നിയമസാധുതയില്ലെന്നു ഹൈക്കോടതി വിധിക്കുകയും ഈ സമ്പ്രദായം അവസാനിപ്പിക്കുന്നതിന്റെ സാധ്യത ആരായാന്‍ സര്‍ക്കാരിനോടു നിര്‍ദേശിക്കുകയും ചെയ്തിരുന്നു. ഇതിന്റെ അടിസ്ഥാനത്തിലാണു ചട്ട ഭേദഗതി.

ഭേദഗതി പ്രാബല്യത്തില്‍ വരുന്നതിനു മുന്‍പുതന്നെ വിവാഹക്കരാറുകള്‍ക്കു നിയമ പരിരക്ഷയില്ലെന്ന കാര്യം ബോധ്യമുണ്ടെന്നു വിവാഹിതരാകുന്നവരോട് എഴുതി വാങ്ങണമെന്നു റജിസ്ട്രാര്‍മാര്‍ക്കു നിര്‍ദേശം നല്‍കിയിരുന്നു. സ്പെഷല്‍ മാര്യേജ് ആക്ട് പ്രകാരം വിവാഹിതരാകാന്‍ ഉദ്ദേശിക്കുന്നവരില്‍ ഒരാള്‍ അവരുടെ പ്രദേശത്തെ റജിസ്ട്രാര്‍ ഒാഫിസില്‍ ഇക്കാര്യം കാണിച്ചു 30 ദിവസത്തെ മുന്‍കൂര്‍ നോട്ടീസ് നല്‍കണം.

ഈ നോട്ടീസിനെതിരെ ആരും പരാതി

നല്‍കിയില്ലെങ്കില്‍ പ്രായം കാണിക്കുന്ന രേഖകളുമായി എത്തിയാല്‍ സാക്ഷികളുടെ സാന്നിധ്യത്തില്‍ വിവാഹം റജിസ്റ്റര്‍ ചെയ്യാം. സാധാരണ വിവാഹ ഉടമ്പടികള്‍ പ്രകാരം വിവാഹിതരാകുന്ന പലരും പിന്നീടു വഞ്ചിക്കപ്പെടുന്നതു കണക്കിലെടുത്താണു കോടതി സര്‍ക്കാരിനോടു ചട്ടം ഭേദഗതി ചെയ്യുന്ന കാര്യം പരിഗണിക്കാന്‍ നിര്‍ദേശിച്ചത്.

ആധാരം: എല്ലാ ആക്ടുകള്‍ക്കും, ചട്ടങ്ങള്‍ക്കും ആധികാരികമായ ലിങ്ക് നല്‍കിയിട്ടുണ്ട്.

കാര്‍ഡിട്ടാല്‍ പാല്‍ ചുരത്തും മില്‍മ എടിഎം

2009-08-10T11:25:00.001+05:30

കൊച്ചി: നിങ്ങളുടെ ഫ്ളാറ്റില്‍ ഇനി മില്‍മയുടെ സ്വന്തം 'ജഴ്സി പശു. പക്ഷേ ഇൌ 'പശു പുല്ലു തിന്നില്ല. പാലും ചുരത്തും, തൈരും ചുരത്തും.

ബാങ്കുകളുടെ എടിഎം മാതൃകയില്‍ പാലും തൈരും ലഭിക്കുന്ന മില്‍ക്ക് വെന്‍ഡിങ് മെഷീനുകള്‍ നിലവില്‍ വരുമ്പോള്‍ കേരളത്തിലെ പാല്‍ വിപണിയില്‍ ഹൈടെക് വിപ്ളവമാകുകയാണ്. അടുത്ത മാസം ആദ്യ വാരം മില്‍മയുടെ 'എടിഎം കൌണ്ടറുകള്‍ ANY TIME MILK (ATM)COUNTERS കൊച്ചി നഗരത്തില്‍ യാഥാര്‍ഥ്യമാകും.

പാലിനു വേണ്ടി ബൂത്തുകള്‍ തോറും നെട്ടോട്ടമോടേണ്ട. ഫ്ളാറ്റുകള്‍ക്കു മുന്നില്‍ സ്ഥാപിക്കുന്ന മില്‍ക്ക് വെന്‍ഡിങ് മെഷീനുകളില്‍ കാര്‍ഡ് ഇടേണ്ട താമസം, കാമധേനുവിനെപ്പോലെ വെന്‍ഡിങ് മെഷീനുകള്‍ പാലും തൈരും ചുരത്തും....
പാല്‍ വിപണയില്‍ മില്‍മയുടെ പുത്തന്‍ പരീക്ഷണമാണ് മില്‍ക്ക് വെന്‍ഡിങ് മെഷീനുകള്‍. ഏകദേശം ഒരു ലക്ഷം രൂപ വിലവരുന്ന യന്ത്രങ്ങള്‍ കൊച്ചി നഗരത്തില്‍ പരീക്ഷണാടിസ്ഥാനത്തില്‍ ഏഴിടത്താണു സ്ഥാപിക്കുക. ട്രയല്‍ റണ്‍ അടുത്തയാഴ്ച നടക്കും.

മില്‍മ എറണാകുളം മേഖലാ യൂണിയനു വേണ്ടി പ്രത്യേകം രൂപകല്‍പ്പന ചെയ്ത മെഷീനുകള്‍ എറണാകുളത്തെ ഹെഡ് ഓഫീസിലെ പ്രൊഡക്ഷന്‍ പ്ളാന്റില്‍ കഴിഞ്ഞ ദിവസം എത്തിച്ചു. മില്‍മ ഉപഭോക്താക്കള്‍ക്കുള്ള ഓണസമ്മാനമാണ് ഇതെന്നു എറണാകുളം മേഖല യൂണിയന്‍ ചെയര്‍മാന്‍ എം.ടി.ജയന്‍ 'ബിസിനസ്

മനോരമയോടു പറഞ്ഞു. വിജയകരമെന്നു കണ്ടാല്‍ എറണാകുളത്തിനു പുറമേ, മേഖലാ യൂണിയന്റെ പ്രവര്‍ത്തന പരിധിയില്‍ വരുന്ന തൃശൂര്‍, കോട്ടയം, ഇടുക്കി എന്നിവിടങ്ങളിലും വ്യാപിപ്പിക്കും. ഉപഭോക്താക്കളുടെ ആവശ്യങ്ങള്‍ പരമാവധി നിറവേറ്റുന്നതിനൊപ്പം, വിപണിയില്‍ മില്‍മയുടെ കുതിപ്പിനു ശക്തി പകരുക എന്നതും ലക്ഷ്യമാണ്-ചെയര്‍മാന്‍ പറഞ്ഞു.

ഫ്ളാറ്റുടമകള്‍, റസിഡന്‍സ് അസോസിയേഷനുകള്‍ എന്നിവരുമായി ചര്‍ച്ച നടത്തിയ ശേഷമാണ് മില്‍ക്ക് വെന്‍ഡിങ് മെഷീനുകള്‍ സ്ഥാപിക്കുക. മെഷീനുകള്‍ 20 % ഡിസ്ക്കൌണ്ട് റേറ്റില്‍, ഗഡുക്കളായി തിരിച്ചടയ്ക്കണമെന്ന വ്യവസ്ഥയില്‍ ഫ്ളാറ്റുകളിലെ റസിഡന്‍സ് അസോസിയേഷനുകള്‍ക്ക് നല്‍കും. പൂര്‍ണ ചുമതല ഇവര്‍ക്കാണ്. പാല്‍, തൈര് എന്നിവ വില്‍പ്പന നടത്തുമ്പോള്‍ ലഭിക്കുന്ന കമ്മിഷനും ഇവര്‍ക്കുള്ളതാണ്. ആവശ്യക്കാരുടെ എണ്ണത്തിനനുസരിച്ച് പട്ടിക തയാറാക്കിയ ശേഷം 'സ്മാര്ട്ട് കാര്‍ഡുകള്‍ നല്‍കും. ഇതിനു ശേഷമാണ് വെന്‍ഡിങ് യന്ത്രങ്ങള്‍ സ്ഥാപിക്കുക. സ്റ്റോക്കു തീരുന്ന മുറയ്ക്ക് മില്‍മയുടെ മാര്‍ക്കറ്റിങ് വിഭാഗം എത്തി പാലും തൈരും എത്തിക്കും.
coutesey: Malayala Manorama dated august10,2009/business page

വ്യക്തിഗത നികുതിയില്‍ വന്ന മാറ്റങ്ങള്‍ - Income Tax

2009-07-14T09:57:00.001+05:30

Income Year = 2009-2010
വ്യക്‌തിഗത നികുതി ബാധ്യതയെ ബാധിക്കുന്ന ഒട്ടേറെ മാറ്റങ്ങൾ 2009 ലെ കേന്ദ്ര ബജറ്റിൽ നിർദ്ദേശിച്ചിട്ടുണ്ട്‌. വ്യക്‌തികളുടെ നികുതിരഹിത വരുമാനത്തിന്റെ പരിധി ഉയർത്തിയതാണ്‌ അതിൽ പ്രധാനം. 65 വയസ്‌ തികഞ്ഞ മുതിർന്ന പൗരൻമാരുടെ നികുതിരഹിത വരുമാനത്തിന്റെ പരിധി നിലവിലുളള 2,25,000 ത്തിൽ നിന്നും ഇ‍ൗ സാമ്പത്തിക വർഷം മുതൽ 2,40,000 രൂപ ആയി ഉയർത്തി. വനിതകളുടേത്‌ 1,80,000 ത്തിൽ നിന്നും 1,90,000 രൂപ ആക്കി. ഇവർ ഒഴികെയുള്ള മറ്റെല്ലാ വ്യക്‌തികളുടെയും നികുതി രഹിത വരുമാന പരിധി 1,50,000 ത്തിൽ നിന്നും 1,60,000 ആയി ഉയർത്തി. 10 ലക്ഷം രൂപയ്ക്കു മേൽ വരുമാനമുളള വ്യക്‌തികളുടെ നികുതിയിൽ ചുമത്തിയിരുന്ന 10% സർചാർജ്‌ നിർത്തലാക്കി. എന്നാൽ നിലവിലുളള 3% വിദ്യാഭ്യാസകരം മാറ്റമില്ലാതെ തുടരും.

വകുപ്പ്‌ 80 ഡി ഡി അനുസരിച്ച് ശാരീരികമായോ മാനസികമായോ നിർദ്ദിഷ്ട അംഗ വൈകല്യം 80% മെങ്കിലുമുളള ആശ്രിതരുടെ ചികിൽസാ ചെലവിന്‌ അനുവദിച്ചിരുന്ന കിഴിവ്‌ 75000 ത്തിൽ നിന്നും 1,00,000 രൂപയാക്കി. എന്നാൽ 80% ത്തിൽ താഴെ വൈകല്യമുള്ളവർക്ക്‌ നിലവിലുളള 50,000 രൂപയുടെ കിഴിവിൽ മാറ്റമില്ല. നടപ്പ്‌ സാമ്പത്തിക വർഷം മുതൽ ഇ‍ൗ ആനുകൂല്യം ലഭിക്കും.

ശമ്പള വരുമാനക്കാരെ സംബന്ധിച്ച്‌ ഏറെ ആശാവഹമല്ലാത്ത ചില മാറ്റങ്ങളാണ്‌ ബജറ്റിൽ ഉളളത്‌. വകുപ്പ്‌ 17 ൽ കൊണ്ടു വന്ന മാറ്റങ്ങൾ അനുസരിച്ച് നടപ്പു സാമ്പത്തിക വർഷം മുതൽ ജീവനക്കാരുടെ ഒ‍ാഹരി തിരഞ്ഞെടുക്കൽ അവകാശപദ്ധതി (ഇ എസ്‌ ഒ പി) അനുസരി‍ച്ചോ സ്വെറ്റ്‌ ഇക്വിറ്റി ഒ‍ാഹരി അനുസരി‍ച്ചോ സൗജന്യമായോ കുറഞ്ഞ നിരക്കിലോ തൊഴിലുടമ തൊഴിലാളിക്ക്‌ ഒ‍ാഹരി കൊടുത്താൽ അവയുടെ വിപണി വിലയുമായുളള വ്യത്യാസം ശമ്പളത്തിന്റെ ഭാഗമായി കണക്കാക്കി നികുതി കൊടുക്കണം. അതുപോലെ തൊഴിലുടമ തൊഴിലാളിയുടെ പേരിൽ അംഗീകൃത സൂപ്പർ ആനുവേഷൻ ഫണ്ടിലേക്ക്‌ ഒരു ലക്ഷത്തിലധികമായി നിക്ഷേപിക്കുന്ന തുക തൊഴിലാളിയുടെ വരുമാനമായി കണക്കാക്കും. ഫ്രിഞ്‌ ബെനിഫിറ്റ്‌ നികുതി എടുത്തു കളഞ്ഞെങ്കിലും പ്രത്യേകമായി നിർദ്ദേശിക്കുന്ന ഫ്രിഞ്‌ ബെനിഫിറ്റ്‌ അഥവാ സുഖസൗകര്യങ്ങൾ ഇനി മുതൽ ജീവനക്കാരന്റെ ശമ്പളത്തിന്റെ ഭാഗമായി കണക്കാക്കി നികുതി കൊടുക്കണം.

സ്വയം വിരമിക്കൽ പദ്ധതിയനുസരിച്ച്‌ തുക ലഭിക്കുന്നവർ വകുപ്പ്‌ 89(1) അനുസരിച്ചുളള ആനുകൂല്യം തേടിയിട്ടുണ്ടെങ്കിൽ വകുപ്പ്‌ 10 ഉപ വകുപ്പ്‌ 10(സി) അനുസരിച്ച്‌ ഇതിനായി മാത്രം അനുവദിച്ചിരിക്കുന്ന കിഴിവ്‌ ഇനി മുതൽ ലഭിക്കുകയില്ല. ബജറ്റിലൂടെ പ്രഖ്യാപിച്ച മറ്റൊരു പ്രധാന ആനുകൂല്യം വിദ്യാഭ്യാസ വായ്പയുടെ പലിശയ്ക്കുള്ളതാണ്‌. നിലവിൽ നിർദ്ദിഷ്ട ഉന്നത വിദ്യാഭ്യാസത്തിനു മാത്രമുളള വായ്പയുടെ പലിശയ്ക്കു മാത്രമായിരുന്നു നികുതി കിഴിവ്‌. ഇനി മുതൽ സീനിയർ സെക്കൻഡറി പരീക്ഷയോ അതിനു തത്തുല്യമായ ഏതെങ്കിലും പരീക്ഷയോ അംഗീകൃത വിദ്യാഭ്യാസ സ്ഥാപനങ്ങളിൽ നിന്ന്‌ പാസായശേഷം തുടർന്നു നടത്തുന്ന ഏതു വിദ്യാഭ്യാസത്തിനും വേണ്ടി എടുക്കുന്ന വായ്പയുടെ പലിശയ്ക്ക്‌ പരിധി ഇല്ലാതെ കിഴിവ്‌ അനുവദിച്ചിട്ടുണ്ട്‌. വിദ്യാഭ്യാസ വായ്പ എടുക്കുന്നയാൾക്കാണ്‌ പലിശയുടെ കിഴിവ്‌.

നിലവിൽ അംഗീകൃത പെൻഷൻ ഫണ്ടിലേക്കുളള നിക്ഷേപത്തിനുളള കിഴിവ്‌ ശമ്പള വരുമാനക്കാർക്കു മാത്രമാണ്‌ അനുവദിച്ചിരുന്നത്‌. വകുപ്പ്‌ 80 സിസിഡി അനുസരിച്ച് ഉളള ഇ‍ൗ കിഴിവ്‌ ഇനി മുതൽ വ്യക്‌തികളായ നികുതിദായകർക്കെല്ലാം തേടാവുന്നതാണ്‌.

നിലവിൽ ബന്ധുക്കളിൽ നിന്നല്ലാതെ 50,000 രൂപയ്ക്കു മേൽ പണമായി ലഭിക്കുന്ന സമ്മാനത്തുക വരുമാനമായി കണക്കാക്കി നികുതി നൽകേണ്ടതുണ്ട്‌. എന്നാൽ വകുപ്പ്‌ 56(2) ൽ കൊണ്ടു വന്ന ഭേദഗതി പ്രകാരം ഇനി മുതൽ പണമല്ലാതെ സമ്മാനമായി ലഭിക്കുന്ന വസ്‌തുവകകളെയും ആദായനികുതിയുടെ പരിധിയിൽ കൊണ്ടുവന്നു.

ബാങ്ക് അക്കൌണ്ട് തുടങ്ങാന്‍ എന്തൊക്കെ രേഖകള്‍.

2009-07-14T09:50:00.001+05:30

ഡിഗ്രി പഠനം കഴിഞ്ഞ ദിവ്യയ്ക്ക്‌ സ്കോളർഷിപ്പ്‌ തുക കിട്ടിയത്‌ ചെക്കായിട്ടാണ്‌. ചെക്ക്‌ മാറി പണമാക്കണമെങ്കിൽ ബാങ്ക്‌ അക്കൗണ്ട്‌ തുറക്കണം. അക്കൗണ്ട്‌ തുറക്കാനായി വീടിനടുത്തുള്ള ബാങ്കിലെത്തി. ബാങ്കിൽ അക്കൗണ്ടുള്ള ആരെങ്കിലും അക്കൗണ്ട്‌ പരിചയപ്പെടുത്തണം. ആളെ തിരിച്ചറിയുന്നതിനും മേൽവിലാസം ഉറപ്പുവരുത്തുന്നതിനുമായി വോട്ടേഴ്സ്‌ തിരിച്ചറിയൽ കാർഡ്‌ അല്ലെങ്കിൽ പാസ്പോർട്ടിന്റെ ഫോട്ടോകോപ്പിയും ആവശ്യപ്പെട്ടു. ഇതു രണ്ടും ഇല്ലെങ്കിൽ റേഷൻ കാർഡ്‌, മറ്റ്‌ ഏതെങ്കിലും ഐഡന്റിറ്റി കാർഡ്‌, ടെലിഫോൺ ബിൽ, ഇലക്ട്രിസിറ്റി ബിൽ ഏതെങ്കിലും വേണം. ഇതോടൊപ്പം ഫോട്ടോയും. കൂലിത്തൊഴിലാളിയായ അമ്മയോടൊപ്പം താമസിക്കുന്ന ദിവ്യയ്ക്ക്‌ ഇവയൊന്നുമില്ല. മാത്രമല്ല, റേഷൻ കാർഡിൽ പേര്‌ വിട്ടു പോയിരുന്നുതാനും. അവസാനം വാർഡ്‌ മെംബറെകണ്ട്‌ സർട്ടിഫിക്കറ്റ്‌ വാങ്ങിയാണ്‌ അക്കൗണ്ട്‌ തുറന്നു ചെക്ക്‌ മാറി പണമാക്കാൻ സാധിച്ചത്‌.

തിരിച്ചറിയൽ രേഖകൾ കർശനമാക്കിയ ശേഷം ഇത്തരത്തിൽ പലർക്കും ബാങ്ക്‌ അക്കൗണ്ട്‌ തുടങ്ങാൻ വരുന്ന പ്രയാസങ്ങൾ റിസർവ്വ്‌ ബാങ്കിന്റെ ശ്രദ്ധയിൽപ്പെട്ടിരിക്കുന്നു. ഒരു വർഷം 1,00,000 രൂപയിൽ താഴെ മാത്രം വരവു വരുന്നതും ഒറ്റത്തവണ നീക്കിയിരിപ്പു തുക 50,000 രൂപയിൽ കൂടുതലുമാകാത്ത സാധാരണ നോ-ഫ്രിൽ സേവിംഗ്സ്‌ ബാങ്ക്‌ അക്കൗണ്ടുകൾ തുടങ്ങാൻ ഇനി ഫോട്ടോയും ഇടപാടുകാരൻ നൽകുന്ന സത്യവാങ്മൂലവും മതിയെന്നു റിസർവ്വ്‌ ബാങ്ക്‌ ഒ‍ാഫ്‌ ഇന്ത്യ നിർദ്ദേശിച്ചിരിക്കുന്നു.

ഇത്തരം അക്കൗണ്ടുകളിൽ ചെക്ക്‌ ബുക്ക്‌ ലഭിക്കില്ല. ബാങ്കിൽ നേരിട്ടു ഹാജരായി വിത്ഡ്രാവൽ ഫോം ഉപയോഗിച്ചു പണം പിൻവലിക്കണം. ഏറ്റവും കുറഞ്ഞ തുക അക്കൗണ്ടിൽ ബാക്കി നിർത്തിയിരിക്കണമെന്ന നിബന്ധനയുമില്ല. ഒ‍ാരോ അർധവർഷവും 25ൽ കൂടുതൽ ഇടപാടുകൾ നടത്താൻ സാധിക്കില്ല.

സാധാരണ സേവിംഗ്സ്‌ ബാങ്കിൽ ലഭിക്കുന്ന പലിശനിരക്ക്‌ ഇത്തരം അക്കൗണ്ടുകളിലും ലഭിക്കും. ചുരുക്കം ചില ബാങ്കുകൾ ഇത്തരം അക്കൗണ്ടുകളിൽ ഡെബിറ്റ്‌ കാർഡ്‌ നൽകുന്നുമുണ്ട്‌. ഇങ്ങനെ തുടങ്ങുന്ന അക്കൗണ്ടുകളിൽ ബാക്കിനിൽക്കുന്ന തുക 50,000 ൽ കൂടുകയോ, ആകെ ഒരു വർഷം അട? തുക 1,00,000 ൽ കവിയുകയോ ചെയ്‌താൽ സാധാരണ തിരിച്ചറിയൽ രേഖകൾ ഹാജരാക്കാൻ ബാങ്കുകൾക്ക്‌ ആവശ്യപ്പെടാം.

അച്ഛനമ്മമാരോടൊത്തു ജീവിക്കുന്ന മക്കൾ, മുതിർന്ന മക്കളോടൊപ്പം താമസിക്കുന്ന അച്ഛനമ്മമാർ തുടങ്ങിയവർക്ക്‌, സ്വന്തം പേരിൽ ഇലക്ട്രിസിറ്റി, ടെലിഫോൺ തുടങ്ങിയവ ഇല്ലാത്തതിനാൽ സേവിംഗ്സ്‌ ബാങ്ക്‌ അക്കൗണ്ട്‌ തുറക്കാൻ അഡ്രസ്സ് പ്രൂഫ്‌ നൽകാൻ പ്രയാസം അനുഭവപ്പെടാറുണ്ട്‌. അക്കൗണ്ട്‌ തുറക്കേണ്ട വ്യക്‌തി തന്റെ കൂടെയാണ്‌ സ്ഥിരമായി താമസിക്കുന്നതെന്നു ബോധ്യപ്പെടുത്തുന്ന അടുത്ത ബന്ധുവിന്റെ കത്തും അവരുടെ തിരിച്ചറിയൽ രേഖകളും ഹാജരാക്കി ഇനി സേവിംഗ്സ്‌ ബാങ്ക്‌ അക്കൗണ്ട്‌ തുടങ്ങാം. ഇപ്പോൾ താമസിക്കുന്ന അഡ്രസിൽ അക്കൗണ്ട്‌ തുടങ്ങേണ്ട വ്യക്‌തിക്കു ലഭിച്ച തപാൽ ഉരുപ്പടികളും അധിക രേഖകളായി ബാങ്കുകൾക്കു സ്വീകരിക്കാം.

ആന്റി മണി ലോൻഡറിങ്‌ അഥവാ പണം വെള്ളപൂശൽ തടയൽ നിയമപ്രകാരമാണ്‌ ബാങ്കുകൾ അക്കൗണ്ട്‌ തുറക്കാനായി തിരച്ചറിയൽ രേഖകൾ ആവശ്യപ്പെടുന്നത്‌. അനധികൃത പണത്തിന്റെ ഉറവിടം, പണമിടപാടുകാരന്റെ വിവരങ്ങൾ, പണം സ്വീകരിക്കുന്നവരുടെ വിവരങ്ങൾ ഇവയൊക്കെ മറച്ചുവയ്ക്കാൻ ശ്രമിക്കുന്നതും ഇത്തരം പണം സാധാരണ രീതിയിൽ സാമ്പത്തിക രംഗത്ത്‌ അനധികൃതമായ രീതിയിൽ വിനിയോഗിക്കുന്നതും തടയുന്നതിനാണ്‌ ആളെ തിരിച്ചറിയുന്നതിനും മേൽവിലാസം തിരിച്ചറിയുന്നതിനും ബാങ്കുകൾ രേഖകൾ ആവശ്യപ്പെടുന്നത്‌.

ഇടപാടുകാരുടെ തിരി?ച്ചറിയൽ സംബന്ധിച്ചു‌ അനുവർത്തിച്ചുപോരുന്ന നടപടിക്രമങ്ങൾ, സാമ്പത്തികമായും സാമൂഹികമായും പിന്നോക്കം നിൽക്കുന്നവരടക്കം, യഥാർഥ ഇടപാടുകാർക്കു ബുദ്ധിമുട്ട്‌ ഉണ്ടാക്കില്ലെന്നു ബാങ്കുകൾ ഉറപ്പുവരുത്തണം. ബാങ്കിന്‌ യുക്‌തമെന്നു തോന്നുന്ന ഏതു രേഖകളും സ്വീകരിച്ചു കുഴപ്പക്കാരല്ലെന്നു ബോധ്യപ്പെട്ട ഇടപാടുകാർ അക്കൗണ്ട്‌ തുറക്കുന്നതിനു റിസർവ്വ്‌ ബാങ്ക്‌ എതിരല്ല.

കടപ്പാട്: മലയാള മനോരമ പത്രം. 12-7-2009

സേവിംഗ്സ് ബാങ്ക് അക്കൌണ്ട് - പുതിയ പലിശക്രമം

2009-05-18T09:14:00.000+05:30

റിസര്‍വ് ബാങ്കിന്റെ പുതിയ നയപ്രകാരം രാജ്യത്തെ 30 കോടിയിലേറെ വരുന്ന സേവിംഗ്സ് ബാങ്ക് (SB account) അക്കൌണ്ട് ഉടമകള്‍ക്ക് ദിവസ ബാക്കിയുടെ അടിസ്ഥാനത്തില്‍ പലിശ ലഭിക്കാന്‍ പോകുന്നു.

ഓരോരുത്തരുടേയും 10 മുതല്‍ അവസാന തീയതി വരെയുള്ള ദിവസങ്ങള്‍ക്കിടയില്‍ അക്കൌണ്ടിലുള്ള ഏറ്റവും കുറഞ്ഞ തുകക്കാണ് ഇപ്പോള്‍ അക്കൌണ്ട് ഉടമകള്‍ക്ക് പലിശ നല്‍കുന്നത്. അതു തന്നെ മാസം തോറും അക്കൌണ്ടില്‍ വരവു വക്കാറില്ല. മാസാടിസ്ഥാനത്തില്‍ കണക്കാക്കുന്ന പലിശ ആറു മാസം കൂടുമ്പോള്‍ മാത്രമാണ് അക്കൌണ്ടില്‍ വരവു വക്കുന്നത്.

അക്കൌണ്ടിലെ അതതുദിവസത്തെ നീക്കിയിരിപ്പിനു പലിശ കണക്കാക്കണമെന്ന നയപ്രഖ്യാപനത്തിലെ നിര്‍ദ്ദേശം 2010 ഏപ്രില്‍ ഒന്നിനു നടപ്പില്‍ വരും. [വാര്‍ത്ത: മലയാള മനോരമ 22-04-2009 ]

update
----------
ഉദാഹരണത്തിന്, ജനുവരി മാസം ഒന്നാം തീയതി അക്കൌണ്ടില്‍ 20,000 രൂപ ശമ്പളമായി വരവു വയ്ക്കുന്നു. അഞ്ചാം തീയതി വീട്ടുചെലവുകള്‍ക്കും മറ്റുമായി 14,000 രൂപ പിന്‍വലിച്ചു. സുഹൃത്ത് കടം വാങ്ങിയ വകയില്‍ തിരിച്ചു നല്‍കിയ 5000 രൂപ 12-ാം തീയതി അക്കൌണ്ടില്‍ തിരിച്ചടച്ചു. ഇൌ അക്കൌണ്ടില്‍ 28-ാം തീയതി വായ്പയില്‍ തിരിച്ചടയ്ക്കാനുള്ള 5000 രൂപ അക്കൌണ്ടില്‍ നിന്നു കിഴിവു ചെയ്തു. ഇപ്പോള്‍ നിലനില്‍ക്കുന്ന രീതിയില്‍ 3.5 ശതമാനം പലിശ കണക്കു കൂട്ടിയാല്‍ ജനുവരി മാസം ലഭിക്കുന്ന പലിശ 18 രൂപയായിരിക്കും. 10-ാം തീയതിക്കും 31-ാം തീയതിക്കും ഇടയില്‍ അക്കൌണ്ടില്‍ ബാക്കി നില്‍ക്കുന്ന ഏറ്റവും ചുരുങ്ങിയ തുകയായ 6000 രൂപയ്ക്ക് മാത്രം പലിശ ലഭിക്കും. അതും അക്കൌണ്ടില്‍ വരവു വയ്ക്കുന്നത് അടുത്ത ഏപ്രില്‍ മാസത്തില്‍ മാത്രം.

എന്നാല്‍ വരാന്‍ പോകുന്ന പുതിയ രീതിയില്‍ ഒാരോ ദിവസത്തിലും ബാക്കി നില്‍ക്കുന്ന തുകയ്ക്കും പലിശ ലഭിക്കും. ഒാരോ ദിവസവും ബാക്കി നിര്‍ത്തിയ തുക എത്ര ദിവസം നിന്നോ, അത്രയും പലിശ കണക്കു കൂട്ടാം. ഇതേ ഉദാഹരണത്തില്‍, പുതിയ രീതിയില്‍ പലിശ കണക്കു കൂട്ടിയാല്‍ 165 രൂപ ലഭിക്കും.

വ്യക്തികള്‍ക്കുള്ള സാധാരണ ബാങ്ക് നിക്ഷേപങ്ങളില്‍ ഏറ്റവും കുറഞ്ഞ പലിശ നിരക്ക് ലഭിക്കുന്നത് സേവിങ്സ് ബാങ്ക് അക്കൌണ്ടിലാണ്. മൂന്നു മുതല്‍ 3.5 വരെ ശതമാനം മാത്രമാണ് വാര്‍ഷിക പലിശ നിരക്ക്. മിക്ക ബാങ്കുകളും ഒാരോ മൂന്നു മാസത്തിലും ശരാശരി ഒരു കുറഞ്ഞ തുക അക്കൌണ്ടില്‍ ബാക്കി നില്‍ക്കണമെന്നു നിഷ്കര്‍ഷിക്കുന്നുണ്ട്. ഒാരോ ദിവസവും ബാക്കി നില്‍ക്കുന്ന തുക കൂട്ടി, 90 കൊണ്ടു ഭാഗിച്ചെടുക്കുന്ന തുകയാണ് ആവറേജ് ക്വാര്‍ട്ടേര്‍ലി ബാലന്‍സ്. ഇത് ഒാരോ ബാങ്കിനും ശാഖകള്‍ക്കും വ്യത്യസ്തമായ തുകകള്‍ ആയിരിക്കും. നിഷ്കര്‍ഷിച്ചിട്ടുള്ള തുകയില്‍ കുറഞ്ഞാല്‍ പിഴ ഇൌടാക്കും. എന്നാല്‍ ഇതു പരിപാലിച്ച് തുക ഇട്ടിരുന്നാല്‍ പലിശ നിരക്കില്‍ മാറ്റമില്ല. ഇതേ തുക സ്ഥിര നിക്ഷേപമായി ഇട്ടാല്‍ ഇതിന്റെ ഇരട്ടിയിലധികം പലിശ ലഭിക്കും.

സാധാരണക്കാരുടെ അക്കൌണ്ടായ സേവിങ്സ് ബാങ്കില്‍ നിലനില്‍ക്കുന്ന പോരായ്മകള്‍ പരിഹരിക്കുന്നതിന്റെ ആദ്യ പടിയായി പലിശ കണക്കു കൂട്ടുന്ന രീതിയിലുണ്ടാകുന്ന മാറ്റത്തെ കണക്കാക്കാം. അടുത്തതായി എല്ലാ മാസവും പലിശ കണക്കു കൂട്ടി അക്കൌണ്ടില്‍ വരവു വച്ചു നല്‍കുന്നതിനുള്ള പരിഷ്കാരം വരുമെന്നു കരുതാം. അതിനടുത്ത പടിയായി ആവറേജ് ക്വാര്‍ട്ടേര്‍ലി ബാലന്‍സ് തുക അക്കൌണ്ടില്‍ ബാക്കി നിര്‍ത്തുന്നവര്‍ക്ക്, ഒരു വര്‍ഷത്തെ സ്ഥിര നിക്ഷേപത്തിനു ലഭിക്കുന്ന പലിശ നിരക്കും ബാധകമാകുമെന്നു പ്രതീക്ഷിക്കാം. എന്നാല്‍ മാത്രമേ സാധാരണക്കാരുടെ അക്കൌണ്ടായ സേവിങ്സ് ബാങ്ക് അക്കൌണ്ടില്‍ ഇന്നു നിലനില്‍ക്കുന്ന അപാകതകള്‍ക്ക് പരിഹാരമാകൂ.[Malayala Manorama dated 18-5-2009]

കര്‍ഷകരുടെ അവകാശങ്ങള്‍ - PPVFR

2009-04-17T16:07:00.001+05:30

ലോക വാണിജ്യ സംഘടനയുമായി ബന്ധപ്പെട്ട ഉടമ്പടിയിലൂടെ ഉടലെടുത്ത ഒരു ഉത്തരവാദിത്വം പൂര്‍ത്തീകരിക്കാന്‍ ഇന്‍ഡ്യാഗവണ്മെന്റ് ഏടുത്ത നിയമനിര്‍മ്മാണ നടപടിയായിട്ടണു് സസ്സ്യ ജനുസുകളുടെ സംരക്ഷണവും അതിന്മേലുള്ള കര്‍ഷകരുടെ അവകാശങ്ങളും എന്ന നിയമം (Protection of Plant Varieties and Farmers' Rights Act, 2001 - PPVFR) ഇന്‍ഡ്യന്‍ നിയമനിര്‍മ്മാണ സഭ പാസ്സാക്കിയത്. ഈ നിയമത്തിന്റെ സവിശേഷത അത് കര്‍ഷകനെ മൂന്നു രീതിയില്‍ മനസ്സിലാക്കാന്‍ ശ്രമിക്കുന്നുവെന്നതാണ്:

ഒന്നു, കര്‍ഷകന്‍ കൃഷി ചെയ്യുന്നയാള്‍ (Cultivator) എന്ന നിലക്ക്;
രണ്ടു, കര്‍ഷകന്‍ വിത്തിനങ്ങളുടെ സംരക്ഷകന്‍ (Conserver) എന്ന നിലക്ക്;
മൂന്നു, കര്‍ഷകന്‍ പ്രജനനം നടത്തുന്നയാള്‍ (Breeder) എന്ന നിലക്ക്.

അതായത് കൃഷി ചെയ്യുകയോ, അല്ലെങ്കില്‍ കാര്‍ഷികവൃത്തിയില്‍ മേല്‍നോട്ടം വഹിക്കുകയോ ചെയ്യുന്നയാളാണ് കര്‍ഷകന്‍ .

താഴെപ്പറയുന്ന 9 നിയമവ്യവസ്ഥകളാണ് ഈ നിയമത്തിന്‍ കീഴില്‍ ഇന്‍ഡ്യയിലെ കര്‍ഷകര്‍ക്കായി വിഭാവനം ചെയ്തിട്ടുള്ളത്.

വിത്ത് സംരക്ഷിക്കുവാനും, ഉപയോഗിക്കുവാനും, കൈമാറ്റം ചെയ്യുവാനുമുള്ള അവകാശം
സസ്യയിനങ്ങളും വിളയിനങ്ങളും രജിസ്റ്റര്‍ ചെയ്യുന്നതിനുള്ള അവകാശം
അംഗീകാരവും പ്രതിഫലവും ലഭിക്കുന്നതിനുള്ള അവകാശം
ലാഭത്തിന്റെ പങ്ക് ലഭിക്കുന്നതിനുള്ള അവകാശം
വിളയിനം ഉദ്ദേശിച്ച ഫലം നല്‍കിയില്ലെങ്കില്‍ നഷ്ടപരിഹാരം ലഭിക്കുന്നതിനുള്ള അവകാശം
കര്‍ഷകരുടെ വിളയിനങ്ങള്‍ അവയുടെ സവിശേഷതകള്‍ വെളിപ്പെടുത്താതെ ഉപയോഗിച്ച് വ്യവസായികപ്രാധാന്യമുള്ള പുതിയ ഇനങ്ങള്‍ ഉണ്ടാക്കിയാല്‍ നഷ്ടപരിഹാരം ലഭിക്കാനുള്ള അവകാശം
നീതിന്യായ സ്ഥാപനങ്ങളുമായി ബന്ധപ്പെട്ട് സൌജന്യമായി നിയമവ്യവഹാരം നടത്തുന്നതിനുള്ള അവകാശം
നിഷ്കളങ്കമായ നിയമലംഘനങ്ങള്‍ക്കെതിരെ സംരക്ഷണത്തിനുള്ള അവകാശം
രജിസ്റ്റര്‍ ചെയ്യപ്പെട്ട വിളജനുസ്സിന്റെ വിത്ത് / നടീല്‍‌വസ്തു ലഭിക്കുന്നതിനുള്ള അവകാശം.

മേല്‍പ്പറഞ്ഞ അവകാശങ്ങളെപറ്റി ശരിക്കും മനസ്സിലാകണമെങ്കില്‍ ഈ നിയമം കൊണ്ടുവരാനുള്ള പശ്ചാത്തലം മനസ്സിലാകണം. അതിനുള്ള ശ്രമമാണ് ഇനി നടത്തുന്നത്.

പശ്ചാത്തലം: ഗാര്‍ഹിക ആവശ്യങ്ങള്‍ക്ക് വേണ്ടി ജന്തുക്കളേയും സസ്യങ്ങളേയും ഉപയോഗിച്ച് തുടങ്ങിയ മുതല്‍ തന്നെ കൃഷിയും ആരംഭിച്ചു എന്നു പറയാം. തദ്ദേശീയരായ ജനങ്ങള്‍ അതാതു വിളകളുടെ ഉത്ഭവ പ്രദേശത്തു തന്നെ ആ വിളകള്‍ കൃഷി ചെയ്യുന്ന രീതിയായിരുന്നു പണ്ട് അനുവര്‍ത്തിച്ച് വന്നിരുന്നത്. നെല്ല്, തിന, ചാമ, ചണം, കുരുമുളക്, കൂടാതെ വിവിധയിനം പച്ചക്കറികള്‍, ഫലവര്‍ഗ്ഗങ്ങള്‍ എന്നിവയുടെയെല്ലാം ജന്മസ്ഥലം ഇന്‍ഡ്യയാണ്. അതുപോലെ ലോകത്തിന്റെ മറ്റു ഭാഗത്തുള്ള കര്‍ഷകര്‍ കാര്‍ഷികാവശ്യത്തിനുള്ള പുതിയ ജനുസ്സുകളെ തിരിച്ചറിഞ്ഞ് മേന്മ വര്‍ദ്ധിപ്പിച്ച് കൃഷി ചെയ്തു തുടങ്ങി. ആയിരക്കണക്കിനു വര്‍ഷങ്ങളായി ഇവിടുത്തെ കര്‍ഷകര്‍ ഇങ്ങനെ സസ്യ- മൃഗാദികളെ അവയുടെ സാമ്പത്തികമൂല്യം തിരിച്ചറിഞ്ഞ് , അവയുടെ മേന്മ വര്‍ദ്ധിപ്പിച്ച് മനുഷ്യന്റെ ആവശ്യങ്ങള്‍ക്കായി സംരക്ഷിച്ചു വന്നു. പുരാതന കാലത്തുണ്ടായ കുടിയേറ്റങ്ങള്‍, കച്ചവടം, ഗതാഗതം, യുദ്ധം മുതലായവ നിമിത്തം ഈ വിളകളും, പോറ്റു പക്ഷി-മൃഗാദികളും സാവകാശം ലോകത്തിന്റെ വിവിധ ഭാഗങ്ങളിലേക്ക് വ്യാപിച്ചു.

കാര്‍ഷിക വിളകളുടെ പുരോഗതിക്കു വേണ്ടിയുള്ള സംഘടിതമായ ഗവേഷണങ്ങള്‍ ആരംഭിച്ചിട്ട് ഏതാണ്ട് 100-150 വര്‍ഷങ്ങളേ ആകുന്നുള്ളൂ. അക്കാലം വരെ തങ്ങളുടെ ആവശ്യങ്ങള്‍ക്കും കൃഷിക്കും അനുയോജ്യമായ രീതിയില്‍ വ്യത്യസ്തമായ കാര്‍ഷിക കാലാവസ്ഥാ സാഹചര്യങ്ങള്‍ക്കനുസരിച്ച് കാര്‍ഷിക വിളകളെ മെച്ചപ്പെടുത്തി സംരക്ഷിച്ചു വന്നിരുന്നത് കര്‍ഷകര്‍ തന്നെയായിരുന്നു. 100 ക്കണക്കിനു വര്‍ഷങ്ങളായി തലമുറകളായി കര്‍ഷകര്‍ നടത്തിവന്ന ഇത്തരം സൂക്ഷ്മതയാര്‍ന്നതും ബൌദ്ധികഭാവമാര്‍ന്നതുമായ പ്രവര്‍ത്തനങ്ങളുടെ ഫലമായി ഓരോ വിളകളുടേയും നിരവധി ഇനങ്ങള്‍ സൃഷ്ടിക്കാന്‍ സാധിച്ചു. ഇങ്ങനെ ആവര്‍ത്തിച്ച് സംരക്ഷിച്ചുവന്ന തികച്ചും വ്യത്യസ്തമായ വിളകളുടേയും വളര്‍ത്തുമൃഗങ്ങളുടേയും , അവയുടേ വന്യബന്ധുക്കളുടേയും മൊത്തത്തിലുള്ള വൈവിധ്യമാണ് കാര്‍ഷിക ജനിതകവൈവിധ്യം. കരയിലും ജലത്തിലും ഉള്ള ജീവജാലങ്ങളുടെ മൊത്തമായ ഇത്തരം ജനിതക വൈവിധ്യത്തെയാണ് ജൈവ വൈവിധ്യമെന്ന് സാമാന്യമായി പറയുന്നത്.

കൃഷിക്കാരും ആദിവാസി സമൂഹവും മേന്മ വര്‍ദ്ധിപ്പിച്ച് സംരക്ഷിച്ചു വന്നിരുന്ന പരമ്പരാഗത നാടന്‍ വിളകളുടെ ജനിതകവൈവിധ്യത്തിനു സുപ്രധാനമായ സ്ഥാനമാണുള്ളത്. ഇത്തരം വിളകള്‍ അവയുടെ ഗുണമേന്മകളായ രോഗ-കീട പ്രതിരോധ ശക്തി, വറള്‍ച്ച , വെള്ളപ്പൊക്കം, കൊടുംകാറ്റ് മുതലായ പ്രകൃതിദുരന്തങ്ങളെ പ്രതിരോധിക്കുവാനും അതിജീവിക്കുവാനും ഉള്ള ശക്തി , മണ്ണിന്റെ ലവണ-ക്ഷാര സ്വഭാവങ്ങള്‍ക്കനുസരിച്ച് വളരുവാനുള്ള കഴിവ് ഫലസമ്പൂര്‍ണ്ണതക്കുള്ള വ്യത്യസ്ഥമായ കാലാവധി , വ്യത്യസ്ഥമായ ഉത്പാദന സാഹചര്യങ്ങളുടെ സംയോജനം മുതലായ ഗുണവിശേഷങ്ങളാല്‍ കൂടുതല്‍ പ്രാധാന്യമര്‍ഹിക്കുന്നു. ഇത്തരം ഗുണവിശേഷങ്ങളൊക്കെയുണ്ടെങ്കിലും പരമ്പരാഗതമായ മിക്ക വിളകളും വര്‍ദ്ധിച്ചുവരുന്ന ജനസംഖ്യക്കും ഇന്നത്തെ ജീവിതനിലവാരത്തിനനുസരിച്ചും വേണ്ട കൂടുതല്‍ ഭക്ഷണം, വസ്ത്രം എന്നിവ ഉത്പാദിപ്പിക്കുന്നതില്‍ പരാജയപ്പെടുന്നു. ഇക്കാരണത്താല്‍ , ഉത്പാദനക്ഷമതയുള്ള പുതിയതരം വിളകള്‍ ഉണ്ടാക്കേണ്ടത് സമീപ കാലത്ത് ആവശ്യമായി വന്നിരിക്കുന്നു. ഉത്പാദനക്ഷമതയുള്ള വിളകളും അവയുടെ വര്‍ദ്ധിച്ച പ്രചാരവും പരമ്പരാഗതമായ പല വിളകളേയും പുറംതള്ളൂകയുണ്ടായി. അമൂല്യ ജനിതക വൈവിധ്യമുള്ള അത്തരം പരമ്പരാഗത വിളകളുടെ പുറന്തള്ളല്‍ അവയുടെ സംരക്ഷണം കൂടുതല്‍ പ്രധാന്യമര്‍ഹിക്കുന്നതിനു കാരണമായിരിക്കുന്നു. ഇത്തരം പരമ്പരാഗത വിളകളില്‍ പലതും ഉത്പാദനക്ഷമത കുറഞ്ഞവയാണെങ്കിലും ധാരാളം കൃഷിക്കാരും ആദിവാസി സമൂഹവും ഇന്നും തുടര്‍ന്നു വരുന്ന പരമ്പരാഗതമായ കൃഷിരീതികളിലൂടെ ഇവ കുറച്ചൊക്കെ സംരക്ഷിക്കപ്പെട്ടുവരുന്നുണ്ട്.

ഓരോ വിത്തിന്റേയും ഉത്പാദനം, വിതരണം, ഇവയിലൂടെയുണ്ടാകുന്ന ജനതിക വിളകളുടെ വൈവിധ്യവും അവയുടെ സംരക്ഷണവും കര്‍ഷകനെ താന്‍ കൃഷി ചെയ്യുന്ന എല്ലാത്തരം വിളകളുടേയും വിത്തിന്മേല്‍ അവകാശമുള്ളവനാക്കിതീര്‍ത്തു.

എന്നാല്‍ സമീപ സമീപകാലത്തുണ്ടായിട്ടുള്ള സസ്യയിനങ്ങളെ സംബന്ധിച്ച ബൌദ്ധിക സ്വത്തവകാശ നിയമം കര്‍ഷകന്റെ ഇത്തരം അവകാശങ്ങള്‍ക്ക് നേരെ ഭീഷണി ഉയര്‍ത്തിയിട്ടുണ്ട്. പുതിയ ഒരു കണ്ടുപിടിത്തം നടത്തിയ ഒരു വ്യക്തിക്ക് അയാള്‍ നടത്തിയ കണ്ടുപിടിത്തത്തിനു നല്‍കുന്ന നിയമപരമായ അവകാശമാണ് ‘ബൌദ്ധിക സ്വത്തവകാശം’. ബൌദ്ധിക സ്വത്തവകാശ നിയമപ്രകാരം മനുഷ്യ ബുദ്ധിയില്‍ ഉടലെടുത്തതും പൊതുജനോപകാരപ്രദവുമായ പുതിയതരം കണ്ടുപിടിത്തങ്ങള്‍, വസ്തുവകകള്‍, രീതികള്‍, പ്രവര്‍ത്തികള്‍, മാതൃകകള്‍ മുതലായവയെല്ലാം നിയമപരമായ അവകാശത്തിനു അര്‍ഹതയുള്ളവയാണ്. സ്ഥാവരജംഗമ വസ്തുക്കളായ ഭൂമി, കെട്ടിടം, വാഹനം മുതലായവയില്‍ ഒരു വ്യക്തിക്ക് ലഭിക്കുന്ന നിയമപരമ്മായ അവകാശത്തിനു തുല്യമാണ് ഈ നിയമപ്രകാരം ലഭിക്കുന്ന ബൌദ്ധിക സ്വത്തവകാശവും . അതായത് ബൌദ്ധികസ്വത്തവകാശനിയമം , ഒരു പുതിയ വസ്തുവോ, പ്രക്രിയയോ ഉപയോഗരീതിയോ കണ്ടുപിടിച്ച വ്യക്തിയോ, വ്യക്തികളോ ഒഴിയെ വേറെ ആര്‍ക്കും ആ കണ്ടു പിടിത്തം ഉപയോഗിച്ച് ക്രയവിക്രയം നടത്തനുള്ള അവകാശം നല്‍കുന്നില്ല.

അതുകൊണ്ട് വിവിധ സസ്യയിനങ്ങളിലുള്ള ബൌദ്ധിക സ്വത്തവകാശം എന്നതുകൊണ്ട് ഉദ്ദേശിക്കുന്നത് , നിലവിലുള്ള സസ്യവൈവിധ്യത്തെ ഉപയോഗിച്ച് പുതിയവ വികസിപ്പിച്ചെടുത്ത വ്യക്തി , സമൂഹം, സ്ഥാപനം തുടങ്ങിയവക്കായിരിക്കും അതിന്റെ സമ്പൂര്‍ണ്ണ ഉടമസ്ഥാവകാശത്തിനുള്ള അര്‍ഹത എന്നാണ്. ഇങ്ങനെ സംരക്ഷിക്കപ്പെട്ട സസ്യജനുസുകളുടെ വിത്ത് , മറ്റു പ്രജനനവസ്തുക്കള്‍ എന്നിവയുടെ വാണിജ്യാടിസ്ഥാനത്തിലുള്ള ഉത്പാദനത്തിനും വിപണനത്തിനുമുള്ള അവകാശം , ഈ അവകാശത്തെ മറ്റു വ്യക്തികളിലേക്ക് കൈമാറാനുള്ള അവകാശം മുതലായവ സമ്പൂര്‍ണ്ണമായും ആ സസ്യജനുസ്സ് വികസിപ്പിച്ചെടുത്ത വ്യക്തിയിലോ, വ്യക്തികളിലോ അധിഷ്ടിതമായിരിക്കുന്നു. ഈ അവകാശത്തെ “സസ്യപ്രജനനകരുടെ അവകാശങ്ങള്‍” (Plant breeders rights) എന്നു വിളിക്കുന്നു.

സസ്യപ്രജനനകരുടെ അവകാശങ്ങള്‍ ലോകവാണിജ്യ സംഘടയുടെ കരാറില്‍ ഒപ്പിട്ടശേഷം , പ്രസ്തുത സംഘടനയിലെ ഒരംഗമെന്ന നിലയില്‍ ഇന്‍ഡ്യയും സസ്യജനുസുക്കളുടെ മേല്‍ സസ്യ പ്രജനകരുടെ അവകാശങ്ങള്‍ നല്‍കാന്‍ ബാധ്യസ്ഥയാണ്. എന്നാല്‍ കര്‍ഷകര്‍ക്ക് ഇതുവരെ സസ്യജനുസ്സുകള്‍ക്ക് മേല്‍ അത്തരം അവകാശങ്ങള്‍ നല്‍കുവാനുള്ള യാതൊരു നിയമവും ഇന്‍ഡ്യയിലുണ്ടായിരുന്നില്ല.

അങ്ങനെ ലോക വാണിജ്യ സംഘടനയുമായി ബന്ധപ്പെട്ട ഉടമ്പടിയിലൂടെ ഉടലെടുത്ത ഒരുത്തരവാദിത്വം പൂര്‍ത്തീകരിക്കാന്‍ ഇന്‍ഡ്യാഗവണ്മെന്റ് എടുത്ത നിയമ നിര്‍മ്മാണ്‍ നടപറ്റിയായിട്ടാണ് സസ്യജനുസ്സുകളുടെ സംരക്ഷണവും അതിന്മേലുള്ള കര്‍ഷകരുടെ അവകാശങ്ങളും ( Protection of Plant Varieties and Farmers' Rights Act, 2001) എന്ന നിയമം നമ്മുടെ കേന്ദ്ര സര്‍ക്കാര്‍ പാസ്സാക്കിയത്.

കടപ്പാട്: എം.എസ്. സ്വമിനാഥന്‍ റിസര്‍ച്ച് ഫൌണ്ടേഷന്‍ .

പ്രത്യേക വിവാഹ നിയമം - Special Marriage Act 1954

2009-03-18T09:27:00.005+05:30

പ്രത്യേക വിവാഹ നിയമം. Special Marriage Act 1954

ആമുഖം: ഇന്‍ഡ്യയിലുള്ള ഏതൊരാള്‍ക്കും അല്ലെങ്കില്‍ വിദേശത്തുള്ള ഏതൊരു ഇന്‍ഡ്യന്‍ പൌരനും ഈ നിയമത്തിന്റെ ഗുണഭോക്താവാകാം. വിദേശത്തുള്ള ഇന്‍ഡ്യന്‍ പൌരന്മാര്‍ക്കു വേണ്ടി the bill provides for the appointment of Diplomats and Consular Officers as Marriage Officers for solemnizing and registering marriage between citizens of India in a foreign country.

ജാതിമത വിത്യാസമില്ലാതെ ഇന്‍ഡ്യന്‍ പൌരത്വമുള്ള ഒരു പുരുഷനും സ്ത്രീയും തമ്മില്‍ ഈ നിയമപ്രകാരം വിവാഹിതരാകാം.

ഈ നിയമപ്രകാരം സബ് രജിസ്ട്രാര്‍ ഓഫീസിലെ നിയമിതനായ സബ് രജിസ്ട്രാറാണ്‍ വിവാഹ ഓഫീസര്‍.

നടപടി ക്രമം.

വിവഹം നടത്താനുദ്ദേശിക്കുന്നവര്‍ നിശ്ചിതഫാറത്തില്‍ വിവാഹ ഓഫീസര്‍ക്ക അപേക്ഷ കൊടുക്കണം.
ഏതെങ്കിലും ഒരാള്‍ നോട്ടീസ് തിയതി തൊട്ട് 30 ദിവസം മുമ്പ് വരെ താമസിച്ചിരുന്ന ജില്ലയിലെ ഓഫീസര്‍ മുമ്പാകെയാണ് നോട്ടീസ് നല്‍കേണ്ടത്.
30 ദിവസത്തിനകം പരാതിയുണ്ടെങ്കില്‍ ബോധിപ്പിക്കാം. എന്നാല്‍ അടിസ്ഥാനമില്ലാത്ത തര്‍ക്കം ഉന്നയിച്ചാല്‍ പിഴ ഈടാക്കും
നിയമപരമായി തടസ്സങ്ങളൊന്നും ഇല്ലെന്നു ബോധ്യപ്പെട്ടാല്‍ വിവാഹം നടത്താം
സബ് രജിസ്ട്രാറുടെ ഓഫീസില്‍ വച്ചോ നിശ്ചിത ഫീസടച്ചാല്‍ മറ്റേതെങ്കിലും സ്ഥലത്തു വച്ചോ കക്ഷികളുടെ താല്പര്യം പോലെ വിവാഹം നടത്താം.
എന്നാല്‍ 3 സാക്ഷികളുടെയും രജിസ്ട്രാറുടെയും സാന്നിദ്ധ്യത്തില്‍ പരസ്പരം സ്വീകരിക്കുന്നതായുള്ള പ്രതിജ്ഞ ഏടുക്കേണ്ടതാണ്.
വിവാഹ രജിസ്റ്ററില്‍ ഒപ്പു വക്കണം.

ഇതു പ്രകാരം കിട്ടുന്ന വിവാഹ സര്‍ട്ടിഫിക്കറ്റ് ഒരു പ്രധാന രേഖയാണ്.

നിബന്ധനകള്‍.

വിവാഹ സമയത്ത് പുരുഷനു ജീവിച്ചിരിക്കുന്ന മറ്റൊറു ഭാര്യയോ സ്ത്രീക്ക് ജീവിച്ചിരിക്കുന്ന മറ്റൊരു ഭര്‍ത്താവോ ഉണ്ടാകരുത്.
വിവാഹം കഴിക്കാനാഗ്രഹിക്കുന്നവര്‍ മാനസികരോഗിയോ മന്ദബുദ്ധിയോ ആയിരിക്കരുത്.
പ്രായപൂര്‍ത്തിയായിരിക്കണം
നിയമം നിരോധിച്ചിട്ടുള്ള അടുത്ത രക്തബന്ധം ഉള്ളവരായിരിക്കരുത്.
വൈവാഹിക കടമ നിറവേറ്റാന്‍ ക്ഴിയുന്ന വ്യക്തികളായിരിക്കണം.
സ്വതന്ത്രമായ സമ്മതം ഉണ്ടായിരിക്കണം.
കൂടാതെ തുടര്‍ച്ചയായ ചിത്തഭ്രമം അയോഗ്യതയായി കണക്കാക്കാം

നേരത്തേ വിവാഹം കഴിച്ച വ്യക്തികള്‍ക്കും ഈ നിയമപ്രകാരം വിവാഹം രജിസ്റ്റര്‍ ചെയ്യാന്‍ അപേക്ഷ നല്‍കാവുന്നതാണ്.

ഈ നിയമപ്രകാരവും ദാമ്പത്യബന്ധം പുനഃസ്ഥാപിച്ചു കിട്ടാന്‍ കക്ഷികള്‍ക്ക് കോടതിയെ സമീപിക്കാവുന്നതാണ്.

വിവാഹമോചനത്തിനുള്ള കാരണം.

കക്ഷികളാരെങ്കിലും സ്വമനസ്സാലെ വിവാഹശേഷം മറ്റൊരാളുമായി ലൈംഗികബന്ധത്തിലേര്‍പ്പെടുക.
വ്യഭിചാരം നടത്തുക
തുടര്‍ച്ചയായി രണ്ടു വര്‍ഷക്കാലം ഉപേക്ഷിക്കുക
ഏഴോ അതിലധികമോ വര്‍ഷ കാലം തടവ് ശിക്ഷക്ക് വിധിക്കുക
ക്രൂരമായ പെരുമാറ്റം മാനസ്സികമായ തകരാറ് പകരുന്ന ലൈംഗികരോഗം തുറങ്ങിയവ വിവാഹ മോചനത്തിനുള്ള കാരണങ്ങളാണ്.

സ്ത്രീകള്‍ക്ക് പ്രത്യേക കാരണങ്ങള്‍.

ഭര്‍ത്താവ് ബലാത്സംഘം പ്രകൃതി വിരുദ്ധ ലൈംഗികബന്ധം തുടങ്ങിയ കുറ്റകൃത്യങ്ങളില്‍ ഏര്‍പ്പെടുന്നതായി ബോധ്യപ്പെട്ടാല്‍
ഭാര്യക്ക് ജീവനാംശം അനുവദിച്ചുകൊണ്ടുള്ള അല്ലെങ്കില്‍ ചെലവിനു കൊടുക്കണമെന്നു ഭര്‍ത്താവിനോട് നിര്‍ദ്ദേശിച്ചുകൊണ്ടുള്ള കോടതിവിധിക്ക് ശേഷം ഒരു വര്‍ഷമോ അതില്‍ കൂടുതലോ കാലം ദാമ്പത്യം പുനഃസ്ഥാപിക്കാതിരുന്നാല്‍

ഇതു കൂടാതെ ദാമ്പത്യം തകര്‍ന്നുവെന്നു രണ്ടുപേര്‍ക്കും ബോധ്യപ്പെട്ടാല്‍ വിവാഹശേഷം ഒരു വര്‍ഷമോ അതില്‍കൂടുതലോ കാലം വേറിട്ട് താമസിച്ചു വരുന്ന ദമ്പതികള്‍ക്ക് ഉഭയസമ്മതപ്രകാരമുള്ള വിവാഹമോചന ഹര്‍ജ്ജി കോടതിയില്‍ സമര്‍പ്പിക്കാം.

പ്രത്യേക നിയമപ്രകാരം വിവാഹിതരായാല്‍ അവരുടെ വിവാഹം വിവാഹ സര്‍ട്ടിഫിക്കറ്റില്‍ രേഖപ്പെടുത്തിയ തീയതി മുതല്‍ ഒരു വര്‍ഷത്തിനു ശേഷം മാത്രമേ വിവാഹമോചനത്തിനായി കോടതിയെ സമീപിക്കാവൂ. എന്നാല്‍ അസാധാരണമായ സാഹചര്യത്തില്‍ ഒരു വര്‍ഷത്തിനു മുമ്പും ഹര്‍ജികള്‍ പരിഗണിക്കാന്‍ കോടതിക്ക് അധികാരമുണ്ട്.

വിവാഹമോചനം നേടുന്ന കക്ഷീകള്‍ക്ക് പുനര്‍വിവാഹം കഴിക്കാന്‍ അവകാശം ഉണ്ട്. ഇതു കോടതി വിധിക്കെതിരെ ഏതെങ്കിലും കക്ഷി അപ്പീല്‍ നല്‍കിയിട്ടുണ്ടെങ്കില്‍ അപ്പീല്‍ തീരുമാനത്തിനു ശേഷവും അപ്പീല്‍ നല്‍കിയിട്ടില്ലെങ്കില്‍ അപ്പീല്‍ കാലാവധിക്ക ശേഷവും (30 ദിവസം) പുനര്‍വിവാഹം നടത്താവുന്നതാണ്.

ചില പ്രത്യേക സാഹചര്യങ്ങളില്‍ ഭാര്യക്കും ഭര്‍ത്താവിനും ഒരുമിച്ച് താമസിക്കാന്‍ കഴിയാതെ വന്നാല്‍ കോടതിയുടെ അനുവാദത്തോടെ രണ്ടുപേര്‍ക്കും വേര്‍പ്പെട്ട് താമസിക്കാനുള്ള അവകാശം ഉണ്ട്. ഇതിനായി ഭാര്യക്കോ ഭര്‍ത്താവിനോ കോടതിയില്‍ ഹര്‍ജി നല്‍കാം. വിവാഹമോചനത്തിനുള്ള കാരണം തന്നെയാണ് ഇവിടെയും നിര്‍ദ്ദേശിച്ചിട്ടുള്ളത്.

കടപ്പാട്: കേരള വനിതാകമ്മീഷനില്‍ നിന്നും ലഭിച്ച രേഖകള്‍.

updated on 3rd Nov.2009:

തിരുവനന്തപുരം: മുന്‍കൂര്‍ നോട്ടീസ് ഇല്ലാതെ വിവാഹ ഉടമ്പടി റജിസ്റ്റര്‍ ചെയ്യുന്നതു വിലക്കി റജിസ്ട്രേഷന്‍ ചട്ടങ്ങള്‍ഭേദഗതി ചെയ്തു സര്‍ക്കാര്‍ വിജ്ഞാപനമായി. ഇതോടെ 50 രൂപയുടെ മുദ്രപ്പത്രവും രണ്ടു സാക്ഷികളുമുണ്ടെങ്കില്‍ ആര്‍ക്കും വിവാഹം റജിസ്റ്റര്‍ ചെയ്യാമെന്ന നില മാറും. സ്പെഷല്‍ മാര്യേജ് ആക്ട് പ്രകാരമേ ഇനി റജിസ്ട്രാര്‍മാര്‍ക്കു വിവാഹം റജിസ്റ്റര്‍ ചെയ്തു കൊടുക്കാന്‍ കഴിയൂ.

നേരത്തേതന്നെ 50 രൂപ മുദ്രപ്പത്രത്തിലെ വിവാഹ ഉടമ്പടിക്കു നിയമസാധുതയില്ലായിരുന്നു. എന്നാല്‍ ഇത്തരം വിവാഹങ്ങള്‍ പൊതുവെ അറിയപ്പെട്ടിരുന്നതു റജിസ്റ്റര്‍ വിവാഹമെന്നായിരുന്നു. ഫലത്തില്‍ രണ്ടുപേരെ ഒന്നിച്ചു ജീവിക്കാന്‍ തയാറാക്കുന്ന കരാര്‍ മാത്രമാണിത്. ഇതിനു നിയമസാധുതയില്ലെന്നു ഹൈക്കോടതി വിധിക്കുകയും ഈ സമ്പ്രദായം അവസാനിപ്പിക്കുന്നതിന്റെ സാധ്യത ആരായാന്‍ സര്‍ക്കാരിനോടു നിര്‍ദേശിക്കുകയും ചെയ്തിരുന്നു. ഇതിന്റെ അടിസ്ഥാനത്തിലാണു ചട്ട ഭേദഗതി.

ഭേദഗതി പ്രാബല്യത്തില്‍ വരുന്നതിനു മുന്‍പുതന്നെ വിവാഹക്കരാറുകള്‍ക്കു നിയമ പരിരക്ഷയില്ലെന്ന കാര്യം ബോധ്യമുണ്ടെന്നു വിവാഹിതരാകുന്നവരോട് എഴുതി വാങ്ങണമെന്നു റജിസ്ട്രാര്‍മാര്‍ക്കു നിര്‍ദേശം നല്‍കിയിരുന്നു. സ്പെഷല്‍ മാര്യേജ് ആക്ട് പ്രകാരം വിവാഹിതരാകാന്‍ ഉദ്ദേശിക്കുന്നവരില്‍ ഒരാള്‍ അവരുടെ പ്രദേശത്തെ റജിസ്ട്രാര്‍ ഒാഫിസില്‍ ഇക്കാര്യം കാണിച്ചു 30 ദിവസത്തെ മുന്‍കൂര്‍ നോട്ടീസ് നല്‍കണം.

ഈ നോട്ടീസിനെതിരെ ആരും പരാതി

മുസ്ലിം സ്ത്രീയും വിവാഹനിയമങ്ങളും

2009-03-17T19:35:00.002+05:30

ഹിന്ദുക്കളുടേയും ക്രിസ്ത്യാനികളുടേയും വിവാഹ നിയമങ്ങളെപറ്റി കഴിഞ്ഞ രണ്ടുപോസ്റ്റുകളിലായി വിശദീകരിച്ചു. ഇനിയുള്ളത് മുസ്ലിംങ്ങളുടേതാണ്. അതിനെ പറ്റി ആധികാരിക രേഖകളുടെ അടിസ്ഥാനത്തില്‍ വിശദീകരിക്കുകയാണ് ഇനി വേണ്ടത്. ചില പ്രത്യേക കാരണങ്ങളാല്‍ ആ പോസ്റ്റ് വായിക്കുവാനായി ഇങ്ങോട്ട് ക്ഷണിക്കുന്നു.

ക്രിസ്ത്യാനികളും വിവാഹനിയമങ്ങളും

2009-03-15T09:30:00.002+05:30

1872 ലെ ഇന്‍ഡ്യന്‍ ക്രിസ്ത്യന്‍ വിവാഹനിയമം, തിരുവിതാംകൂര്‍-കൊച്ചി പ്രദേശത്തുള്ളവര്‍ക്ക് ബാധകമല്ല. വിവാഹത്തിന്റെ ചടങ്ങുകളും സാധ്യതയും തീരുമാനിക്കുന്നത് കാനോന്‍ അഥവാ പള്ളിനിയമം അനുസരിച്ചാണ്. വേദപ്രമാണങ്ങളെ അടിസ്ഥാനമാക്കിയാണ് സഭാചട്ടങ്ങള്‍ ഉണ്ടാക്കിയിട്ടുള്ളത്. പള്ളിയില്‍ വച്ച് പുരോഹിതനാണ് വിവാഹകര്‍മ്മങ്ങള്‍ നടത്തുന്നത്. പള്ളിയിലെ വിവാഹ രജിസ്റ്റര്‍ വിവാഹം നടന്നു എന്നു കാണിക്കുന്ന പ്രധാനപ്പെട്ട തെളിവാണ്.

ക്രിസ്ത്യാനികള്‍ക്ക് ബാധകമാക്കിയിട്ടുള്ള മറ്റൊരു പ്രധാനപ്പെട്ട നിയമമാണ്1869 ലെ വിവാഹമോചന നിയമം. 30-10-2001-ല്‍ നടപ്പില്‍ വന്ന ഭേദഗതികള്‍ നിയമവ്യവസ്ഥയില്‍ സാരമായ മാറ്റങ്ങള്‍ വരുത്തിയിട്ടുണ്ട്.

ക്രിസ്ത്യന്‍ വിവാഹം.
ഇന്‍ഡ്യയിലെ ക്രിസ്ത്യാനികള്‍ക്ക് പൊതുവേ ബാധകമായ നിയമമാണ് 1972 ലെ ഇന്‍ഡ്യന്‍ ക്രിസ്ത്യന്‍ വിവാഹ നിയമം. എന്നാല്‍ തിരുവിതാംകൂര്‍-കൊച്ചി ഭാഗങ്ങളില്‍ അചാരങ്ങളും അനുഷ്ടാനങ്ങളും അനുസരിച്ചാണ് പ്രധാനമായും വിവാഹങ്ങള്‍ നടക്കുന്നത്. ഇന്‍ഡ്യന്‍ ക്രിസ്ത്യന്‍ വിവാഹനിയമമനുസരിച്ചാണ് ക്രിസ്ത്യാനികളുടെ വിവാഹം നടക്കുന്നതെങ്കിലും പ്രത്യേക വിവാഹനിയമ പ്രകാരം ഈ വിവാഹം രജിസ്റ്റര്‍ ചെയ്യുന്നതിനു ഈ നിയമം തടസ്സമല്ല. ഈ നിയമത്തില്‍ വിവാഹം നടത്തികൊടുക്കാന്‍ നിയോഗിക്കപ്പെട്ടവര്‍ പാതിരി, മതശുശൃഷകര്‍ അല്ലെങ്കില്‍ വിവാഹ രജിസ്ട്രാര്‍ എന്നിവരാണ്.

നിയമത്തിന്‍ കീഴില്‍ ലൈസന്‍സ് നല്‍കപ്പെട്ട മതശുശ്രൂഷകന്‍‌മാര്‍ നടത്തുന്ന വിവാഹം.
മത ശുശ്രൂഷകന്‍ വിവാഹ ശുശ്രൂഷ നടത്തണമെന്ന് എപ്പോഴെങ്കിലും ഉദ്ദേശിച്ചാല്‍ അത്തരം മതശുശ്രൂഷകനു രേഖാമൂലം വിവരത്തിനു നോട്ടീസ് നല്‍കേണ്ടതാണ്. നോട്ടിസില്‍ വിവാഹത്തിനു ഉദ്ദേശിക്കുന്ന വ്യക്തികളുടെ പേര്‍ പൂര്‍ണ്ണമായ വിലാസം രണ്ടുപേരുടേയും താമസസ്ഥലം വിവാഹം നടത്തേണ്ട സ്ഥലം സമയം തുടങ്ങിയ വിശദ വിവരങ്ങള്‍ എഴുതേണ്ടതാണ്.

ഇതില്‍ താമസ സ്ഥലത്തിന്റെ കാര്യം പ്രത്യേകം നിയമം എടുത്തു പറയുന്നുണ്ട്. നോട്ടിസില്‍ പറയുന്ന താമസ സ്ഥലത്ത് ഒരു മാസത്തില്‍ കൂടുതല്‍ താമസിച്ചിട്ടുണ്ടെങ്കില്‍ അവിടെ ഒരുമാസവും അതില്‍ കൂടുതലും എന്ന് പ്രത്യേകം എടുത്തെഴുതണമെന്നാണു നിയമവ്യവസ്ഥ.

വിവാഹം പള്ളിയില്‍ വച്ചാണു നടത്താനുദ്ദേശമെങ്കില്‍ പള്ളിയുടെ ശ്രദ്ദേയമായ ഭാഗങ്ങളിലോ, സ്വകാര്യ താമസ സ്ഥലത്താണ് നടത്താനുദ്ദേശിക്കുന്നതെങ്കില്‍ വിവാഹ രജിസ്ട്രാറുടെ ഓഫീസിലോ നോട്ടിസ് പരസ്യപ്പെടുത്തേണ്ടതാണു. പരസ്യപ്പെടുത്തിക്കഴിഞ്ഞാല്‍ നോട്ടീസും പ്രതിജ്ഞാപത്രവും കിട്ടിയതിനു സ്വന്തം കൈപ്പടയില്‍ ഒരു സാക്ഷ്യപത്രം നല്‍കേണ്ടതുണ്ട്. ഈ സര്‍ട്ടിഫിക്കറ്റ് നല്‍കി രണ്ടു മാസത്തിനകം വിവാഹം നടത്തിയിരിക്കണം. ഇപ്രകാരം സാക്ഷ്യപത്രം നല്‍കേണ്ടത് ചില നിബന്ധനകള്‍ക്ക് വിധേയമായിട്ടു വേണമെന്നും നിയമം വ്യവസ്ഥ ചെയ്തിരിക്കുന്നു. അതായത്:

നോട്ടിസ് കിട്ടി നാലു ദിവസം കഴിയാതെ സാക്ഷ്യപത്രം നല്‍കാവുന്നതല്ല
മതശുശ്രൂഷകനു ബോധ്യപ്പെട്ട നിയമപരമായ പ്രതിബന്ധങ്ങള്‍ ഒന്നുമില്ലെങ്കിലേ സാക്ഷ്യപത്രം നല്‍കാന്‍ പാടുള്ളൂ.
അധികാരമുള്ള വ്യക്തി സാക്ഷിപത്രം നല്‍കുന്നത് നിരോധിച്ചിട്ടുണ്ടാകാനും പാടില്ല.

രജിസ്റ്റര്‍ നടപടികള്‍.
ക്രിസ്ത്യാനികള്‍ തമ്മിലോ ഏതെങ്കിലും ഒരാള്‍ ക്രിസ്ത്യാനിയായതുകൊണ്ടോ നടക്കുന്ന എല്ലാ വിവാഹങ്ങളും രജിസ്റ്റര്‍ ചെയ്യണം.

വിവാഹ രജിസ്ട്രാര്‍.
ഒരു വിവാഹ രജിസ്ട്രാറുടെ സാന്നിദ്ധ്യത്തിലോ ഒരു വിവാഹ രജിസ്ട്രാറുടെ ശുശ്രൂഷയിലോ വിവാഹം നടത്തണമെന്നു ഉദ്ദേശിക്കുന്നവരിലൊരാള്‍ വിവാഹം നടത്തണമെന്നു ഉദ്ദേശിക്കുന്നവര്‍ താമസ്സിച്ചിട്ടുള്ള ജില്ലയിലെ ഏതെങ്കിലും ഒരു വിവാഹ രജിസ്ട്രാര്‍ക്ക് രേഖാമൂലം നോട്ടീസ് കൊടുക്കയാണ് വേണ്ടതു. രണ്ടു പേരും വ്യത്യസ്ഥ ജില്ലയിലാണ് താമസമെങ്കില്‍ നോട്ടീസ് ഓരോ ജില്ലയിലേയും വിവാഹ രജിസ്ട്രാര്‍ക്ക് നല്‍കണം. നോട്ടീസില്‍ വിവാഹം ചെയ്യാന്‍ ഉദ്ദേശിക്കുന്ന രണ്ടുപേരുടേയും കുടുമ്പപ്പേരും പ്രവൃത്തിയും താമസസ്ഥലവും വിവാഹം നടത്താന്‍ ഉദ്ദേശിക്കുന്ന സ്ഥലവും മറ്റും വ്യക്തമാക്കിയിരിക്കണം. ഈ നോട്ടിസ് വിവാഹ രജിസ്ട്രാര്‍ പ്രസിദ്ധീകരിക്കും. കൂടാതെ ഈ നോട്ടിസിലെ വിവരങ്ങള്‍ വിവാഹനോട്ടിസ് പുസ്തകത്തില്‍ ഉള്‍പ്പെടുത്തുകയും ചെയ്യും. നിയമപരമായി മറ്റു തടസ്സങ്ങള്‍ ഇല്ലായെങ്കില്‍ രജിസ്ട്രാര്‍ നല്‍കുന്ന സര്‍ട്ടിഫിക്കറ്റ് ലഭിച്ച് രണ്ടു മാസത്തിനുള്ളില്‍ വിവാഹം രജിസ്ട്രാരുടെ മുമ്പില്‍ വച്ച് രണ്ടു സാക്ഷികളുടെ സാന്നിദ്ധ്യത്തില്‍ നടത്താവുന്നതാണ്.

വിവാഹം അസാധുവാകുന്നത്.
താഴെപ്പറയുന്ന കാരണങ്ങളാല്‍ ക്രിസ്ത്യന്‍ വിവാഹം പൂര്‍ണ്ണമായും നിയമസാധുതയില്ലാത്തതാണെന്നു കോടതിക്ക് പ്രഖ്യാപിക്കാം:

വിവാഹം കഴിക്കുമ്പോഴും ഹര്‍ജി കൊടുക്കുമ്പോഴും എതിര്‍കക്ഷിക്ക് ലൈഗികവേഴ്ചക്ക് കഴിവില്ലാതിരിക്കുക
നിയമം വിലക്കു കല്പിച്ചിട്ടുള്ളതും അടുത്ത ബന്ധത്തില്‍ പെട്ടവരുമായുള്ള വിവാഹം.
വിവാഹം കഴിക്കുന്ന സമയത്ത് ഏതെങ്കിലും ഒരു കക്ഷി ചിത്തഭ്രമമുള്ള ആളോ മന്ദബുദ്ധിയോ ആയിരിക്കുക
വിവാഹം കഴിക്കുമ്പോള്‍ ആദ്യവിവാഹം വേര്‍പെടുത്താതിരിക്കുകയും ഭാര്യയോ ഭര്‍ത്താവോ ജീവിച്ചിരിക്കുകയും ചെയ്യുക
വിവാഹത്തിനുള്ള സമ്മതം ബലമായോ കപടമായോ ആയിരിക്കുക.

വിവാഹമോചനം.
1869 ലെ ഇന്‍ഡ്യന്‍ വിവാഹ മോചന നിയമത്തിലെ കര്‍ശനമായ വ്യവസ്ഥകള്‍‍ 2001-ല്‍ ഭേദഗതി ചെയ്തു. ഇതനുസരിച്ച് താഴെപ്പറയുന്ന കാരണങ്ങളാല്‍ ഒരു ക്രിസ്ത്യാനിക്ക് വിവാഹമോചനത്തിനായി കോടതിയെ സമീപിക്കാം.

വ്യഭിചാരം ചെയ്യുക
മതപരിവര്‍ത്തനം നടത്തുക
എതിര്‍കക്ഷിക്ക് ചികിത്സിച്ചാല്‍ മാറാത്ത മാനസിക രോഗമോ, കുഷ്ഠ രോഗമോ, ലൈഗികരോഗമോ ഹര്‍ജി നല്‍കുന്നതിനു തൊട്ടുമുമ്പ് കുറഞ്ഞത് രണ്ടു കൊല്ലം തുടര്‍ച്ചയായി ഉണ്ടായിരിക്കുക.
ഏഴു കൊല്ലമായി എതിര്‍കക്ഷിയെക്കുറിച്ച് യാതൊരു വിവരവുമില്ലാതിരിക്കുക
ദാമ്പത്യബന്ധം പൂര്‍ത്തീകരിക്കാതിരിക്കുക
രണ്ടോ അതില്‍ കൂടുതലോ വര്‍ഷങ്ങളായി വിവാഹ ബന്ധം പുനഃ സ്ഥാപിക്കാനുള്ള കോടതി ഉത്തരവ് പാലിക്കാതിരിക്കുക
മതിയായ കാരണമില്ലാതെ രണ്ടു വര്‍ഷം തുടര്‍ച്ചയായി എതിര്‍കക്ഷി വേര്‍പിരിഞ്ഞ് ജീവിക്കുക
ഒരുമിച്ച് ജീവിക്കാ‍നാവാത്ത വിധം എതിര്‍കക്ഷി ക്രൂരമായി പെരുകാറുക
കൂടാതെ ബലാത്സംഗം പ്രകൃതിവിരുദ്ധ ലൈംഗിക കുറ്റകൃത്യങ്ങള്‍ എന്നിവക്ക് തന്നെ വിധേയയായി എന്നാരോപിച്ച് ഭാര്യക്ക് ഭര്‍ത്താവിനെതിരെ ഹര്‍ജി സമര്‍പ്പിക്കാം.

ഉഭയസമ്മത പ്രകാരമുള്ള വിവാഹമോചനം.
രണ്ടു വര്‍ഷത്തിനുമേല്‍ ജീവിതപങ്കാളികള്‍ വേര്‍പിരിഞ്ഞു താമസിക്കുകയും വിവാഹബന്ധം വേര്‍പെടുത്താന്‍ രണ്ടുപേരും തീരുമാനിക്കുകയും ചെയ്താ‍ല്‍ ഉഭയസമ്മതപ്രകാരം വിവഹമോചനത്തിനായി കക്ഷികള്‍ക്ക് കോടതിയില്‍ ഹര്‍ജി സമര്‍പ്പിക്കാം.

ദാമ്പത്യധര്‍മ്മ പുനഃസ്ഥാപനം.
വിവാഹപങ്കാളിയുമായി ഒരുമിച്ച് താമസിക്കാനും ലൈംഗികബന്ധത്തിലേര്‍പ്പെടാനുമുള്ള ഒരു വ്യക്തിയുടെ അവകാശം വിവാഹബന്ധത്തിലെ മൌലികമായ അവകാശമാണ്. ഈ സഹവാസത്തിനു ഏതെങ്കിലും ഒരു കക്ഷി തയ്യാറാവാതെ വന്നാല്‍ സഹവാസം നിഷേധിക്കപ്പെടുന്നയാളിനു സഹവാസം പുനഃസ്ഥാപിച്ച് കിട്ടുന്നതിനു സഹവാസം നിഷേധിച്ചയാളിനെതിരെ നിയമനടപടി സ്വീകരിക്കാമെന്നു നിയമം പറയുന്നു.

വേര്‍പെട്ടു ജീവിക്കല്‍.
ചില പ്രത്യേക സാഹചര്യത്തില്‍ ഭാര്യയും ഭര്‍ത്താവും വേര്‍പ്പെട്ടു ജീവിക്കുന്നതിനു വേണ്ടിയും കോടതിയെ സമീപിക്കാം. ഇതു പൂര്‍ണ്ണമായും വിവാഹമോചനമല്ല. എന്നാല്‍ വിവാഹമോചനത്തിനുള്ള കാരണങ്ങള്‍ തന്നെയാണ് ഇവിടെയും അടിസ്ഥാനമാക്കിയിരിക്കുന്നത്.

ജീവനാംശം.
ക്രിസ്ത്യാനികള്‍ക്ക് പ്രത്യേകമായി ജീവനാംശനിയമമില്ല.

ക്രിമിനല്‍ നടപടിക്രമം 125-ം വകുപ്പ് പ്രകാരമാണ് ഹര്‍ജി ഫയല്‍ ചെയ്യേണ്ടത്. ഇതു കുടുമ്പ കോടതിയുള്ള ജില്ലയില്‍ കുടുമ്പകോടതിയിലും അല്ലാത്ത സ്ഥലങ്ങളില്‍ ഒന്നാംക്ലാ‍സ്സ് മജിസ്ട്രേട്ട് കോടതിയിലുമാണ് ഫയല്‍ ചെയ്യേണ്ടത്.

125-ം വകുപ്പ് പ്രകാരം എല്ലാ മതവിഭാഗക്കാര്‍ക്കും പൊതുവായിട്ടുള്ളതാണ്.

ഈ വകുപ്പനുസരിച്ച് ദീര്‍ഘകാ‍ലം ഭാര്യഭര്‍ത്താക്കന്മാരായി ജീവിതം കഴിച്ചവരേയും അവര്‍ ഏതെങ്കിലും നിയമമനുസരിച്ച് വിവാഹിതരല്ലെങ്കില്‍ കൂടിയും ജീവനാംശം നല്‍കുന്ന കാര്യത്തില്‍ ഭാര്യാഭര്‍ത്താക്കന്മാരായി കരുതണമെന്നു സുപ്രീം കോടതി വിധിച്ചിട്ടുണ്ട്. വിവാഹമോചനം നേടിയ ഭാര്യക്കും നിയമാനുസൃതമല്ലാതെയുള്ള മക്കള്‍ക്കും ജീവനാംശത്തിനു അര്‍ഹതയുണ്ട്.

ജീവിതകാലം മുഴുവനും ഭര്‍ത്താവില്‍ നിന്നും ഭാര്യക്ക് ജീവനാംശം അവകാശപ്പെടാം.

എന്നാല്‍ ഭര്‍ത്താവിന്റെ കൂടെ താമസിക്കാനും ദാമ്പത്യധര്‍മ്മം നിര്‍വഹിക്കാനും ഭാര്യ തയ്യാറാകണം. എന്നാല്‍ മാറി നില്‍ക്കാനുള്ള മതിയായ കാരണം ഉണ്ടെങ്കില്‍ ജീവനാംശത്തിനു അര്‍ഹതയുണ്ട്.

കോടതി ചെലവിനു വിധിച്ച തുക കാലാനുസൃതമായി അപേക്ഷയുടെ അടിസ്ഥാനത്തില്‍ പരിതസ്ഥിതികള്‍ പരിഗണിച്ച് മാറ്റം വരുത്താന്‍ കോടതിക്കധികാരമുണ്ട്.

കോടതി പുറപ്പെടുവിക്കുന്ന വിധി നടപ്പിലാക്കി കിട്ടാന്‍ എതിര്‍കക്ഷി വിസമ്മതിക്കുന്ന പക്ഷം എതിര്‍കക്ഷിയുടെ സ്വത്ത് കണ്ടുകെട്ടാനും ജയിലിലടക്കാനും അധികാരം കോടതിക്കുണ്ട്.

ഇപ്രകാരം വിധിക്കുന്ന തുക ഈടാക്കി കിട്ടാന്‍ ഒരു വര്‍ഷത്തിനകം തന്നെ കോടതി മുഖാന്തിരം ആവശ്യപ്പെട്ടില്ലയെങ്കില്‍ പ്രസ്തുതകാലയളവിലുള്ള തുക ഹര്‍ജിക്കാരിക്ക് നഷ്ടമാകും.

കക്ഷിയുടെ ധനസ്ഥിതിയും ജീവിതനിലവാരവും മറ്റും പരിഗണിച്ചാണ് കോടതി ചെലവിനുള്ള തുക നിശ്ചയിക്കുന്നത്.

വിധിയുടെ പകര്‍പ്പ് ഹര്‍ജികാരിക്ക് കോടതിയില്‍ നിന്നും സൌജന്യമായി ലഭിക്കും.
-----------------------------------------------------------------------------------------------
ആധാരം: മേല്‍ വിവരിച്ചതെല്ലാം കേരളാ വനിതാ കമ്മിഷനില്‍ നിന്നും ആധികാരികമായി ലഭിച്ച രേഖകളെ അടിസ്ഥാനമാക്കിയാണ്.
------------------------------------------------------------------------------------------------
29-2-2008 നു ശേഷം കേരളത്തിലെ വിവാഹ നിയമങ്ങള്‍ക്ക് ഒരു പ്രധാന വഴിത്തിരിവ് ഉണ്ടായിട്ടുണ്ട്. സീമ Vs അശ്വനികുമാര്‍ എന്ന കേസില്‍ 14-2-2006 ല്‍ സുപ്രീം കോടതി പുറപ്പെടുവിച്ച ഒരു വിധിന്യായത്തിനെ അടിസ്ഥാനമാക്കി നമ്മുടെ സംസ്ഥാന സര്‍ക്കാര്‍ 2008 ഫെബ്രുവരി 29 നു ഒരു അസാധാരണ ഗസറ്റായി കേരള വിവാഹങ്ങള്‍ രജിസ്റ്റര്‍ ചെയ്യല്‍ (പൊതു) ചട്ടങ്ങള്‍ 2008. പ്രസിദ്ധീകരിച്ചു. ഇതിന്റെ പ്രത്യേകത ഈ ചട്ടങ്ങള്‍ എല്ലാ മതക്കാര്‍ക്കും ബാധകമാണെന്നുള്ളതാണു.

29-2-2008 നു ശേഷം വിവാഹിതരാകുന്ന ഏതൊരു കേരളിയനും ഈ ചട്ടങ്ങള്‍ നിര്‍ബന്ധമായും ബാധകമാണ്. എന്നാല്‍ മ്റ്റേതെങ്കിലും സ്റ്റാട്ട്യൂട്ടറി വ്യവസ്ഥകള്‍ പ്രകാരം രജിസ്ട്രേഷന്‍ നിര്‍ബന്ധമാക്കിയിട്ടുള്ള വിവാഹങ്ങള്‍ ഈ ചട്ടങ്ങളിന്‍ കീഴില്‍ ചെയ്യേണ്ടതല്ലാത്തതും , അപ്രകാരമുള്ള വിവാഹങ്ങള്‍ അതതു സ്റ്റാട്ട്യൂട്ടറി വ്യവസ്ഥകള്‍ക്കു കീഴില്‍ രജിസ്റ്റര്‍ ചെയ്യേണ്ടതുമാണ്. എന്നു മാത്രമല്ല മറ്റേതെങ്കിലും സ്റ്റാട്ട്യൂട്ടറി വ്യവസ്ഥ പ്രകാരം രജിസ്റ്റര്‍ ചെയ്യുന്നത് ഹിതാനുസരണമായിട്ടുള്ള വിവാഹങ്ങള്‍ അപ്രകാരമുള്ള സ്റ്റട്ട്യൂട്ടറി വ്യവസ്ഥകളിന്‍ കീഴില്‍ രജിസ്റ്റര്‍ ചെയ്തിട്ടില്ലാത്ത പക്ഷം ഈ ചട്ടങ്ങള്‍ക്ക് കീഴില്‍ രജിസ്റ്റര്‍ ചെയ്യേണ്ടതാണ്. എന്നിരുന്നാലും ഈ ചട്ടങ്ങള്‍ നിലവില്‍ വരുന്ന തീയതിക്കു മുമ്പ് നടന്നിട്ടുള്ള വിവാഹങ്ങള്‍ രജിസ്റ്റര്‍ ചെയ്യുന്നത് ഹിതാനുസരണമായിരിക്കുന്നതാണ്.[ചട്ടം 6]

ഇതിന്‍ പ്രകാരം Marriage Offiers ഇല്ല. പകരം പഞ്ചായത്ത് ഡയറക്ടര്‍ക്കാണ് പ്രധാന ചുമതല [ചട്ടം 3].

ജനന മരണ രജിസ്ട്രാര്‍ അവരുടെ അധികാരിതയില്‍ വരുന്ന പ്രദേശങ്ങളിലെ വിവാഹ രജിസ്ട്രാര്‍ ആയിരിക്കുന്നതാണ്. ചുരുക്കത്തില്‍ നമ്മുടെ പഞ്ചായത്ത് ഓഫീസിലാണ് രജിസ്റ്റര്‍ ചെയ്യേണ്ടത് [ചട്ടം 5].

വിവാഹത്തിലേര്‍പ്പെട്ട കക്ഷികള്‍ രണ്ടു സെറ്റ് ഫോട്ടോ സഹിതം ബന്ധപ്പെട്ട പഞ്ചായത്തില്‍ രണ്ട് സെറ്റ് ഫോട്ടോ സഹിതം 45 ദിവസങ്ങള്‍ക്കുള്ളില്‍ അപേക്ഷിക്കേണ്ടതാണ് [ചട്ടം 9(1)]

മതാചാരപ്രകാരം നടന്ന സംഗതിയില്‍ ബന്ധപ്പെട്ട മതാധികാരസ്ഥാനം നല്‍കുന്ന വിവാഹസാക്ഷ്യപത്രത്തിന്റെ പകര്‍പ്പ് വിവാഹം നടന്നത് തെളിയിക്കാനുള്ള ഒരു രേഖയാകാവുന്നതാണ് [ചട്ടം 9(3)].

വിവാഹം നടന്ന തീയതിമുതല്‍ ഒരു വര്‍ഷ കാലാവധി കഴിയാത്ത വിവാഹങ്ങള്‍ 100 രൂപ പിഴ ചുമത്തിയതിനു ശേഷം രജിസ്റ്റര്‍ ചെയ്യാവുന്നതാണ് [ചട്ടം 9(4)].

ഒരു വര്‍ഷത്തിനു ശേഷ മുള്ള രജിസ്ട്രേഷന്‍ ബന്ധപ്പെട്ട രജിസ്ട്രാര്‍ ജനറലിന്റെ അനുമതിയോടെയും 250 രൂപ പിഴയുംനല്‍കിയതിനു ശേഷം മാത്രമേ രജിസ്റ്റര്‍ ചെയ്യാന്‍ പാടുള്ളൂ [ചട്ടം 10].

ഈ ചട്ടങ്ങള്‍ നിലവില്‍ വന്നതിനു ശേഷം ഈ ചട്ടങ്ങള്‍ പ്രകാരമോ മറ്റേതെങ്കിലും സ്റ്റട്ട്യൂട്ടറി വ്യ്‌വസ്ഥ പ്രകാരമോ അധികാരപ്പെടുത്തിയിട്ടുള്ള അധികാരസ്ഥാനങ്ങള്‍ അല്ലാതെയുള്ള ഏതെങ്കിലും അധികാരസ്ഥാനം നല്‍കുന്ന ഏതൊരു വിവാഹ സാക്ഷ്യപത്രവും സര്‍ക്കാര്‍ യാതൊരു ആവശ്യത്തിനും സ്വീകരിക്കുന്നതല്ല. എന്നിരുന്നാലും ഈ ചട്ടങ്ങള്‍ നിലവില്‍ വരുന്നതിനു മുമ്പ് നടന്ന വിവാഹങ്ങള്‍ക്ക് ഈ വ്യവസ്ഥ ബാധകമാവുന്നതല്ല [ചട്ടം 15].

ആധാരം: ചട്ടങ്ങള്‍ക്കും നിയമങ്ങള്‍ക്കുമെല്ലാം ആധികാരികമായ ലിങ്ക് നല്‍കിയിട്ടുണ്ട്.

വരന്‍ /വധു പ്രവാസിയാണോ? ഇതെല്ലാം ശ്രദ്ധിക്കണം

2009-03-11T09:40:00.001+05:30

ചതിവില്‍ കൂടെ വിവാഹബന്ധത്തിലേര്‍പ്പെട്ടു പോകുന്നവരുടെ

അനുഭവങ്ങള്‍ :

വിദേശത്തേക്ക് കൊണ്ടു പോകുന്നതിനു മുമ്പ് തന്നെ വധു ഉപേക്ഷിക്കപ്പെടുന്നു. ചുരുങ്ങിയ കാലത്തെ മധുവിധുവിനു ശേഷം യാത്രാടിക്കറ്റ് വൈകാതെ അയച്ചു തരാം എന്ന വാഗ്ദാനവുമായി വരന്‍ മടങ്ങിപ്പോകുന്നു. അയാള്‍ പിന്നീടൊരിക്കലും അവളുമായി സമ്പര്‍ക്കം പുലര്‍ത്തുന്നില്ല.
വിവാഹിതയായ സ്ത്രീ വിദേശത്ത് എത്തുന്നു. അവിടുത്തെ അന്തരാഷ്ട്ര വിമാനത്താവളത്തില്‍ തന്നെ കാത്തുനില്‍ക്കുന്ന ഭര്‍ത്താവ് ഇല്ലെന്ന അവള്‍ തിരിച്ചറിയുന്നു.
വിവാഹിതയായ സ്ത്രീ വിദേശത്തേക്ക് പോകുന്നു. പക്ഷേ ഒരു വര്‍ഷത്തിനു ശേഷം മടങ്ങിപ്പോരാന്‍ നിര്‍ബന്ധിതയാകുന്നു. തന്റെ കുഞ്ഞിനെ ഒപ്പം കൊണ്ടുപോരാന്‍ അനുവദിക്കപ്പെടുന്നില്ല.
ക്രൂരമായ മര്‍ദ്ദനത്തിനു വിധേയയാക്കുക. പീഢിപ്പിക്കപ്പെടുക. മാനസികമായും ശാരീരികമായും ചൂഷണവിധേയയാക്കുക. പോഷകാഹാരം ലഭ്യമാക്കാതിരിക്കുക. മുറിയില്‍ അടക്കപ്പെടുക. മറ്റു പലതരം അപമാനങ്ങള്‍ സഹിക്കുക എന്നിവക്കായി മാത്രം വിവാഹിതയായ സ്ത്രീ വിദേശ രാജ്യത്ത് എത്തുന്നു.
ഇനിപ്പറയുന്ന ഏതെങ്കിലും ഒരെണ്ണത്തിന്റെ കാര്യത്തിലോ, എല്ലാത്തിന്റേയും കാര്യത്തിലോ, ഭര്‍ത്താവ് തെറ്റായ വിവരങ്ങള്‍ നല്‍കിയിരിക്കുന്നതെന്നു വിവാഹിതക്ക് ബോധ്യം വരുന്നു; വിവാഹത്തിനു സമ്മതിപ്പിക്കാന്‍ വേണ്ടി തന്റെ ജോലി, ഇമിഗ്രേഷന്‍ സ്ഥിതി, വരുമാനം, സ്വത്ത്, വിവാഹസ്ഥിതി, മറ്റു ഭൌതികകാര്യങ്ങള്‍.
വിവാഹത്തിനു മുമ്പും ശേഷവും സ്ത്രീധനമായി വന്‍‌തുക നല്‍കാന്‍ വധുവും അവളുടെ മാതാപിതാക്കളും നിര്‍ബന്ധിതരാക്കപ്പെടുന്നു. വിദേശത്ത് ജോലി ചെയ്യാന്‍ അവള്‍ നിര്‍ബന്ധിതയാകുകയും അതില്‍ നിന്നുള്ള വരുമാനം മുഴുവനും അവളുടെ ഭര്‍ത്താവ് തട്ടിയെടുക്കുകയും ചെയ്യുന്നു.
താന്‍ വിവാഹം കഴിച്ച പ്രവാസി നേരത്തേ തന്നെ വിവാഹിതനാണെന്നും മറ്റൊരു സ്ത്രീയുമൊത്ത് അയാള്‍ ജീവിക്കുകയാണെന്നും വിവാഹശേഷം വധു മനസ്സിലാക്കുന്നു.
വിദേശ രാജ്യത്ത് വച്ച് ഭാര്യയുടെ അറിവോ സമ്മതമോ ഇല്ലാതെ വിവാഹമോചനത്തിന്റെ എക്സ്-പാര്‍ട്ടി വിധി ഭര്‍ത്താവ് നേടുന്നു.
ജീവിക്കാന്‍ യാതൊരു മാര്‍ഗ്ഗമില്ലാതെയും ആരും സഹായത്തിനില്ലാതെയും വിദേശരാജ്യത്ത് ഉപേക്ഷിക്കപ്പെടുക. അല്ലെങ്കില്‍ രക്ഷിക്കപ്പെട്ട് വിസപോലും ഇല്ലാതെ ആ രാജ്യത്ത് കഴിയാന്‍ നിര്‍ബന്ധിതയാകുക.
ജീവനാംശം ലഭിക്കാനോ, വിവാഹ മോചനത്തിനോ സ്ത്രീ കോടതിയ സമീപിക്കുകയും കോടതിയുടെ അധികാരപരിധി, നോട്ടീസ് അല്ലെങ്കില്‍ വിധി നടപ്പാക്കി കിട്ടല്‍ എന്നിവയില്‍ നിരന്തരം തടസ്സങ്ങള്‍ നേരിടുക.
വിവാഹത്തിനു മുമ്പ് തന്നെ വിദേശരാജ്യത്തേക്ക് ചെല്ലാന്‍ പ്രതിശ്രുത വധു പ്രേരിപ്പിക്കപെടുകയും വിദേശത്ത് വച്ച് വിവാഹം നടത്തുകയും ചെയ്യുക. ഇന്‍ഡ്യയിലെ കോടതികള്‍ക്ക് അവിടെ പരിമിതമായ നിയമാധികാരങ്ങള്‍ മാത്രമേ ഉള്ളൂ എന്ന് വൈകാതെ അവള്‍ തിരിച്ചറിയുന്നു.

മുന്‍‌കരുതലുകള്‍ :

മകളുടെ ഭാവിയുമായി ബന്ധപ്പെട്ട കാര്യമാണ്. വിവാഹകാര്യത്തില്‍ ധൃതി പിടിച്ച് തീരുമാനമെടുക്കരുത്.
വിവാഹം ഉറപ്പിക്കുന്നതിനു മുമ്പ് പ്രവാസി വരന്റെ പൂര്‍വ്വ ചരിത്രം പരിശോധിക്കുക
വിദേശത്തുള്ളവരുമായി നടത്താനുദ്ദേശിക്കുന്ന വിവാഹകാര്യങ്ങള്‍ ടെലഫോണ്‍ വഴിയോ ഈ-മെയില്‍ മുഖേനയോ തീരുമാനം എടുക്കരുത്.
നിങ്ങളുടെ മകളുടെ വിവാഹം വിദേശത്ത് വച്ച് നടത്താന്‍ ഏതെങ്കിലും ബ്യൂറോ, ഏജന്റ്, ദല്ലാള്‍ അഥവാ ഇടനിലക്കാരനെ കണ്ണടച്ച് വിശ്വസിക്കരുത്.
വിവാഹം വഴി മറ്റൊരു രാജ്യത്ത് കുടിയേറി പാര്‍ക്കാനോ ഗ്രീന്‍ കാര്‍ഡ് നേടാനോ ഉള്ള വാഗ്ദാനങ്ങള്‍ക്ക് ഇരയാകരുത്.
കാര്യങ്ങള്‍ രഹസ്യമായി തീരുമാനിക്കരുത്. വിവാഹാലോചനയെപറ്റി പരസ്യമാക്കുന്നത് സുഹൃത്തുക്കളില്‍ നിന്നും അടുത്ത ബന്ധുക്കളില്‍നിന്നും പരമപ്രധാനമായ വിവരങ്ങള്‍ നേടാനായേക്കും. അങ്ങനെയല്ലെങ്കില്‍ അവ ഒരിക്കലും നേടാന്‍ കഴിയില്ല.
എപ്പോഴും വിവാഹം രജിസ്റ്റര്‍ ചെയ്യാന്‍ നിര്‍ബന്ധിക്കുകയും ഒപ്പം ഇന്‍ഡ്യയില്‍ വച്ച് മതാചാരപ്രകാരമുള്ള വിവാഹം നടത്തി വിവാഹത്തിനു മതിയായ പരസ്യം നല്‍കാനാവശ്യമായ ഫോട്ടോ തുടങ്ങിയ തെളിവുകള്‍ കരുതുക.
വരന്റെ വിവാഹ സ്ഥിതി , ജോലി, പദവി, ശമ്പളം, തൊഴിലുടമ, ഇമിഗ്രേഷന്‍ സ്ഥിതി, വിസയുടെ തരം, ജീവിത പങ്കാളിയെ വിദേശത്ത് കൊണ്ടു പോകാനുള്ള അര്‍ഹത , കുടുമ്പ പശ്ചാത്തലം, കുടുമ്പത്തിന്റെ തരം, കുറ്റകൃത്യചരിത്രം എന്നിവയെപറ്റി മുഴുവന്‍ വിവരങ്ങളും നേടുക.
അടിയന്തിര സാഹചര്യം നേരിട്ടാല്‍ സഹായത്തിനു എമ്പസ്സികളുടെ വിലാസവും ഫോണ്‍ നമ്പരും ഹെല്പ് ലൈനുകള്‍ ബന്ധുക്കളുടെ വിവരങ്ങള്‍ തുടങ്ങിയവ നിങ്ങളുടെ മകള്‍ക്ക് നല്‍കുക.
പാസ്പോര്‍ട്ട്/വിസ നിങ്ങളുടെ പക്കല്‍ തന്നെ സൂക്ഷിക്കുകയും എപ്പോഴും പാസ്പോര്‍ട്ട്/വിസ എന്നിവയുടെ ഒരു കോപ്പി കരുതുകയും ചെയ്യുക.
ഒരു കാരണവശാലും എന്തെങ്കിലും വ്യാജ രേഖകളിലോ വ്യാജ ഇടപാടുകളിലോ ഒപ്പ് വയ്ക്കാന്‍ സമ്മതിക്കരുത്.
വിസയ്ക്കും ആവശ്യമായ മറ്റു നടപടിക്രമങ്ങള്‍ക്കും ആവശ്യമായ രേഖകള്‍ സ്വയം തയ്യാറാക്കി സമര്‍പ്പിക്കുകയും അത് ഭര്‍ത്താവിനെ കൊണ്ട് ചെയ്യിക്കാതിരിക്കുകയും ചെയ്യുക. എല്ലാ ഒറിജിനല്‍ രേഖകളും നിങ്ങളുടെ പക്കല്‍ സൂക്ഷിക്കുക.

വിദേശ രാജ്യങ്ങളില്‍ സാമൂഹിക സമ്മര്‍ദ്ദം തീരെ കുറവാണ്. ഭര്‍ത്താവ് ഭാര്യയെ സ്പോണ്‍സര്‍ ചെയ്യാത്ത് പക്ഷം വിസ ലഭിക്കുക അത്ര എളുപ്പമല്ല. ഒന്നല്ലെങ്കില്‍ മറ്റൊരുകാരണം പറഞ്ഞ് ഭര്‍ത്താവിനു ഭാര്യയെ അവളുടെ നാട്ടില്‍തന്നെ ഉപേക്ഷിക്കാന്‍ കഴിയും. അതേ സമയം മിക്കപ്പോഴും അവളുടെ പണമുപയോഗിച്ച് അയാള്‍ക്ക് സ്വന്തമായി വിഹരിക്കാനും കഴിയും. അതിനാല്‍ ജാഗ്രതൈ.

കടപ്പാട്: www.moia.gov.in

[പുരുഷന്മാരുടെ ശ്രദ്ധക്ക്: നിങ്ങളുടെ മകള്‍ക്ക് വിവാഹപ്രായമെത്തുമ്പോള്‍ ഞാനിവിടെ എഴുതിയത് പുരുഷന്മാരെ താറടിക്കാനല്ല എന്നു ബോധ്യമാകും]

പീഢനം, പീഢനം, ഗാര്‍ഹിക പീഢനം.

2009-03-08T10:47:00.000+05:30

ഗാര്‍ഹിക പീഢനം - പുരുഷന്മാരുടെ പ്രത്യേക ശ്രദ്ധക്ക്.

സ്വന്തം ഗൃഹത്തിലോ അല്ലാതെ താമസിക്കുന്ന ഗൃഹത്തിലോ ഉള്ള വ്യക്തിയുടെ പ്രവൃത്തി, കര്‍മ്മം, പെരുമാറ്റം എന്നിവ ഗാര്‍ഹിക പീഢനമായി കണക്കാക്കുന്നത് താഴപറയും വിധമായിരിക്കും.

സ്ത്രീയ ശാരീരികമോ മാനസികമോ ആയി മുറിവേല്പിക്കുക
വേദനിപ്പിക്കുക
അവളുടെ ആരോഗ്യത്തേയോ അവയവത്തേയോ അപകടത്തിലാക്കുകയോ ലൈഗികമായോ വാചികമായോ വൈകാരികമായോ സാമ്പത്തികമായോ പീഢിപ്പിക്കുക
സ്ത്രീധനത്തിനു വേണ്ടിയോ സ്വത്തിനു വേണ്ടിയോ സ്ത്രീയേയോ അവരുടെ വേണ്ടപ്പെട്ടവരെയോ നിയമവിരുദ്ധമായി പീഢിപ്പിക്കുക
സ്ത്രീകള്‍ക്ക് ഭീഷണിയായി തോന്നാവുന്ന വിധത്തില്‍ പെരുമാറുക

ഇതൊന്നും ഞാന്‍ പറയുന്നതല്ല. ഭാരത സര്‍ക്കാര്‍ 2005 ല്‍ പാസ്സാക്കിയ ‘പ്രൊട്ടക്ഷന്‍ ഒഫ് വിമെന്‍ ഫ്രം ഡൊമസ്റ്റിക് വയലന്‍സ് ആക്ട്’ എന്ന നിയമത്തില്‍ പറഞ്ഞിട്ടുള്ളതാണ്.

ശാരീരിക പീഢനം.

സ്ത്രീക്ക് ശാരീരിക വേദനയോ ഉപദ്രവമോ ഉണ്ടാക്കുന്ന ഏതൊരു പ്രവൃത്തിയും
ജീവനു അപകടമുണ്ടാക്കുന്ന എന്തും
ആരോഗ്യത്തിനും വ്യക്തിത്വ വികസനത്തിനും തടസ്സം സൃഷ്ടിക്കുന്ന എന്തും
അതിക്രമം ഉണ്ടാകുന്നത്
അതിക്രമ ഭീഷണിയും ബലപ്രയോഗവും സൃഷ്ടിക്കുന്നത്.

ലൈംഗിക പീഢനം.

ലൈംഗിക സ്വഭാവമുള്ള അംഗവിക്ഷേപം
അപമാനിക്കല്‍
സ്ത്രീയുടെ മാന്യതക്ക് ഭംഗം വരുത്തുന്ന ഏതൊരു പ്രവൃത്തിയും

വൈകാരിക പീഢനം.

അപമാനിക്കല്‍
അധിക്ഷേപിക്കല്‍
നാണം കെടുത്തല്‍
കുഞ്ഞില്ലാത്തതിന്റെ / ആണ്‍കുഞ്ഞ് ഇല്ലാത്തതിന്റെ പേരില്‍ അധിക്ഷേപിക്കല്‍
സ്ത്രീക്ക് താല്പര്യമുള്ള വ്യക്തിയെ ശാരീരികമായി ഉപദ്രവിക്കുമെന്നു ആവര്‍ത്തിച്ചുള്ള ഭീഷണി

സാമ്പത്തിക പീഢനം.

ആവശ്യത്തിനു പണം നല്‍കാതിരിക്കുക
അര്‍ഹതയുള്ളതും അവകാശപ്പെട്ടതുമായ സ്വത്തും പണവും നഷ്ടപ്പെടുത്തുക
അവശ്യവസ്തുക്കള്‍ ( ആഹാരം വസ്ത്രം മരുന്നു ) നല്‍കാതിരിക്കുക
ഓഹരികളോ ബോണ്ടുകളോ ജാമ്യപത്രങ്ങളൊ ദ്രവ്യങ്ങളോ അന്യാധീനപ്പെടുത്തുക
അധികാരമുള്ള ഏതുതരം സാമ്പത്തിക ഉറവിടവും സൌകര്യവും ലഭ്യമാക്കുന്നതിനു തടസ്സമുണ്ടാക്കുക
തൊഴില്‍ ചെയ്യാന്‍ അനുവധിക്കാതിരിക്കുക
വരുമാനം അന്യാധീനപ്പെടുത്തുക
സ്വന്തം വീട്ടുപകരണങ്ങള്‍ ഉപയോഗിക്കാന്‍ അനുവദിക്കാതിരിക്കുക

നിയമം നല്‍കുന്ന പരിരക്ഷ.
ഗാര്‍ഹിക പീഢനം അനുഭവിക്കുന്ന സ്ത്രീക്ക് നേരിട്ടോ അല്ലാതയോ സാമൂഹ്യക്ഷേമ വകുപ്പിന്റെ അധികാരപരിധിയില്‍ വരുന്ന സംരക്ഷണ ഉദ്ദ്യോഗസ്ഥനു വിവരം നല്‍കാം. സംരക്ഷണ ഉദ്ദ്യോഗസ്ഥന്‍ മജിസ്ട്രേട്ടിനു റിപ്പോര്‍ട്ട് നല്‍കുകയും ആവശ്യമെങ്കില്‍ സംരക്ഷണ ഉത്തരവിനുള്ള അപേക്ഷ തയ്യാറാക്കി നല്‍കുകയും ചെയ്യും. നിയമ സയായം ആവശ്യമെങ്കില്‍ 1987 ലെ ലീഗല്‍ സര്‍വ്വീസ്സസ് അതോറിട്ടി ആക്ട് പ്രകാരം നിയമസഹായം ലഭ്യമാക്കാനും സംരക്ഷണ ഉദ്ദ്യോഗസ്ഥര്‍ സഹായിക്കും. താമസസൌകര്യം അംഗീകരിക്കപ്പെട്ട അഭയമന്ദിരത്തില്‍ ഏര്‍പ്പാടാക്കുകയും ആവശ്യമെങ്കില്‍ വൈദ്യസഹായം ലഭ്യമാക്കുകയും ചെയ്യും.

സേവന ദാതാവ്.
1860 ലെ സൊസൈറ്റീസ് രജിസ്ട്രേഷന്‍ ആക്ട് പ്രകാരവും 1956 ലെ കമ്പനി നിയമപ്രകാരവും രജിസ്റ്റര്‍ ചെയ്തിട്ടുള്ളതും സ്ത്രീകളുടേയും കുട്ടികളുടേയും സംരക്ഷണത്തിനായി പ്രവര്‍ത്തിക്കുകയും ചെയ്യുന്ന സന്നദ്ധ സംഘടനകള്‍ക്ക് സംസ്ഥാന സര്‍ക്കാര്‍ രജിസ്റ്റര്‍ ചെയ്ത സേവന ദാതാക്കളായി പ്രവര്‍ത്തിക്കാം. ഇവരെ സംരക്ഷണ ഉദ്ദ്യോഗസ്ഥര്‍ക്ക് തുല്യമായി കണക്കാക്കാം.

കോടതി നല്‍കുന്ന ഉത്തരവുകള്‍ .

നഷ്ടപരിഹാരം. പ്രതി ചെയ്ത ഗാര്‍ഹികാതിക്രമത്തെ തുടര്‍ന്നുണ്ടായ പരിക്കിനോ നഷ്ടങ്ങള്‍ക്കോ ഉള്ളത്
കൌണ്‍സിലറുടെ സേവനം. മജിസ്ട്രേട്ടിനു പ്രതിയോടോ, പരാതിക്കാരനോടോ കൂട്ടായോ ഒറ്റയായോ കൌണ്‍സിലിംഗിനു പോകാന്‍ നിര്‍ദ്ദേശിക്കാം.
വിചാരണ നടപടികളുടെ രഹസ്യ സ്വഭാവം. സാഹചര്യങ്ങള്‍ കണക്കിലെടുത്ത് വിചാരണ നടപടികള്‍ രഹസ്യമായി നടത്താന്‍ തീരുമാനിക്കാം.
താമസത്തിനുള്ള അവകാശം. പരാതിക്കാരിക്കു താമസിക്കുന്ന വീട്ടില്‍ അധികാരവും അവകാശവും ഉണ്ടങ്കിലും ഇല്ലെങ്കിലും ആ വീട്ടില്‍ താമസിക്കാന്‍ അവകാശമുണ്ടായിരിക്കും. പ്രതി അവരെ ഒഴിപ്പിക്കാനോ ഇറക്കിവിടാനോ പാടുള്ളതല്ല.

സംരക്ഷണ ഉത്തരവ്.

പ്രതി ഏതെങ്കിലും തരത്തിലുള്ള ഗാര്‍ഹികാതിക്രമം നടത്തുന്നതില്‍ നിന്നും
പരാതിക്കാരി ജോലിചെയ്യുന്ന സ്ഥലം പഠിക്കുന്ന സ്ഥലം സാധാരണ വരാനിടയുള്ള സ്ഥലം എന്നിവിടങ്ങളില്‍ പ്രതി പ്രവേശിക്കാതിരിക്കാനും
പരാതിക്കാരിയുമായി പ്രതി ഏതെങ്കിലും വിധത്തിലുള്ള ആശയ വിനിമയം നടത്തുന്നത് തടഞ്ഞുകൊണ്ടും
ബാങ്ക് അക്കൌണ്ട് സ്ത്രീധനം മറ്റു സ്വത്തുക്കള്‍ എന്നിവ പ്രതി മജിസ്ട്രേട്ടിന്റെ അനുവാദമില്ലാതെ ഉപയോഗിക്കുന്നത് തടയുന്നതിനും
പരാതിക്കാരിയുടെ ബന്ധുക്കളേയോ മറ്റു വ്യക്തികളേയോ ആശ്രിതരേയോ പ്രതി ആക്രമിക്കുന്നത് തടയുന്നതിനും

താമസ സൌകര്യത്തിനുള്ള ഉത്തരവ്.

ഒരുമിച്ച് താമസിക്കുന്ന വീട്ടിലെ താമസത്തിനു പരാതിക്കാരിയെ തടയുകയോ ബുദ്ധിമുട്ടിക്കുകയോ ചെയ്യുന്നത് വിലക്കുക
ആ വീട്ടില്‍ നിന്നും മാറി നില്‍ക്കാന്‍ പ്രതിയോട് ആവശ്യപ്പെടുക
ആ വീട്ടില്‍ പ്രതിയോ അയാളുടെ മറ്റേതെങ്കിലും ബന്ധുവോ പ്രവേശിക്കുന്നതിനു തടയുക
വീട് പ്രതി അന്യാധീനപ്പെടുത്തുകയോ ഇല്ലാതാക്കുകയോ പണയപ്പെടുത്തുകയോ ചെയ്യുന്നത് തടയുക.

സേവനങ്ങള്‍ക്കും സംശയങ്ങള്‍ക്കും :
കേരള വനിതാ കമ്മീഷന്‍, വാന്‍‌റോസ് ജംഗ്ഷന്‍, തിരുവനന്തപുരം -34.
ഫോണ്‍: 0471 2322590, 2320509, 2337589, 2339878
Website: www.keralawomenscommission.gov.in
Email: keralawomenscommission@yahoo.co.in

വഴിയരികിലെ ജ്യൂസിലിടുന്നത് മീനിലിടുന്ന ഐസ്.

2009-02-28T14:38:00.003+05:30

രക്ഷിതാക്കളുടെ ശ്രദ്ധക്ക്.

നഗരസഭയുടെ ആരോഗ്യ വിഭാഗം തിരുവനന്തപുരത്ത്‌ തിരുമല, പാങ്ങോട് പ്രദേശങ്ങളില്‍ നടത്തിയ പരിശോധനയില്‍ മത്സ്യം കേടു കൂടാതെ സൂക്ഷിക്കുന്നതിനു ഉപയോഗിക്കുന്ന ഐസ്സാണ് തണ്ണിമത്തന്റെ തണുപ്പു കൂട്ടാനായി ഉപയോഗിക്കുന്നതെന്നു കണ്ടെത്തി.

വഴിയോര കച്ചവടക്കാരില്‍ ഭൂരിഭാഗവും ഉപയോഗിക്കുന്നത് മലിനജലം കൊണ്ടു നിര്‍മ്മിച്ച ഐസ്സ് ആണെന്നാണ് കണ്ടെത്തല്‍. വിലക്കുറവായതിനാ‍ല്‍ ഇത്തരം ഐസ് കട്ടകള്‍ വാങ്ങി മൂന്നോ നാലോ വ്യാപാരികള്‍ പങ്കിട്ടെടുക്കുകയാണ് പതിവ്. - വാര്‍ത്ത മെട്രൊ മനോരമ : 28-2-2009.

ചിരിക്കണ്ടാ, മൂക്കത്ത് വിരള്‍ വക്കണ്ടാ, ഇതു സത്യം

2009-02-27T19:59:00.003+05:30

രാജ്യാന്തര ഷോപ്പിംഗ് അനുഭവത്തിനും വിനോദത്തിനും വേദി ഒരുക്കി കേരളത്തിലെ ഏറ്റവും വലിയ ലൈഫ് സ്റ്റൈല്‍ മാളായ ഓബ്‌റോണ്‍ മാളിന്റെ ഉദ്ഘാടനം മന്ത്രി കോടിയേരി ബാലകൃഷ്ണന്‍ നാളെ കൊച്ചിയില്‍ നിര്‍വഹിക്കുന്നു.

രണ്ടര ഏക്കറില്‍ മൂന്നര ലക്ഷം ചതുരശ്ര അടിയിലാണ് പൂര്‍ണ്ണമായും എയര്‍ കണ്ടിഷന്‍ ചെയ്ത അഞ്ചു നിലകളില്‍ ഈ വ്യാപാര സമുച്ചയം സജ്ജീകരിച്ചിരിക്കുന്നത് --------- വാര്‍ത്ത [Manorama 27-2-2008]

വിശാസം തോന്നുന്നില്ലേ? തിരുവനന്തപുരത്തെ ബിഗ് ബസാറിനു നേരെയുള്ള കല്ലേറും, കൊച്ചിയിലെ തന്നെ റലയന്‍സ് മാര്‍ട്ടിനെതിരെ സംഘടിപ്പിച്ച സമരവും ഓര്‍മ്മ വന്നു പോകുന്നുവോ? അതൊക്കെ കടം കഥ. ഉപഭോക്താക്കള്‍ക്ക് മെച്ചപ്പെട്ട സാധനവും സേവനവും ലഭ്യമാക്കുന്നതില്‍ നമ്മുടെ സര്‍ക്കാര്‍ പ്രതിജ്ഞാബദ്ധരാണ്. (ചിരി വരുന്നോ).

ഇതിനു മുമ്പത്തെ ഒരു വാര്‍ത്ത കൂടി വായിക്കൂ:

27 ജൂണ്‍ മാസത്തെ വ്യാപാരി-വ്യവസായി ബന്ദ്‌ ഉല്‍ഘാടനം ചെയ്ത്‌കൊണ്ട്‌ സംസ്ഥാന സെക്രട്ടറി വിജയന്‍ കുത്തകകള്‍ക്കെതിരെ കടുത്ത പ്രസ്ഥാവനകള്‍ പലതും നടത്തിയെങ്കിലും, സി.പി.എം. സംസ്ഥാന സെക്രട്ടേടിയറ്റ്‌ അംഗമായ ദിനേശ്‌മണി എം.എല്‍.എ യും, ഡപ്യൂട്ടി മേയര്‍ മണിശങ്കര്‍ സഖാവും തന്നെയാണ്‌ രണ്ട്‌ ദിവസം മുമ്പ്‌ കൊച്ചിയിലെ റിലയന്‍സിന്റെ രണ്ട്‌ സൂപ്പര്‍മാര്‍ക്കറ്റ്‌കള്‍ ഉല്‍ഘാടനം ചെയ്തത്‌. തലസ്ഥാനത്ത്‌ KSFDC എന്ന പൊതുമേഖലാസ്ഥാപനത്തിന്റെ സ്ഥലം റിലയന്‍സിന്‌ വാടകക്ക്‌ കൊടുത്തതും ഇപ്പോഴത്തെ ഭരണക്കാര്‍ തന്നെ. (28 ജൂണ്‍ 2007 മനോരമ).

ദിനേശ്‌മണിയും, മണിശങ്കറും പിന്നീട്‌ ഖേദം പ്രകടിപ്പിച്ചതായും റിപ്പോര്‍ട്ടുണ്ട്‌. (29 മേയ്‌ 2007 മനോരമ)

ഒന്നു കൂടി:
തിരുവനന്തപുരം: സംസ്ഥാനത്ത്‌ പ്രവര്‍ത്തിക്കുന്ന കുത്തക റീട്ടെയില്‍ കമ്പനികളുടെ അംഗീകാരം റദ്ദാക്കുന്നകാര്യം പരിഗണിക്കുമെന്ന്‌ സിവില്‍ സപ്ലൈസ്‌ മന്ത്രി സി. ദിവാകരന്‍ പറഞ്ഞു. നിയമസഭയില്‍ ചോദ്യോത്തരവേളയില്‍ മറുപടി പറയുകയായിരുന്നു അദ്ദേഹം.

എല്ലാ ജില്ലകളിലും പീപ്പിള്‍സ്‌ ബസാറുകള്‍ തുടങ്ങും. സഞ്ചരിക്കുന്ന മാവേലി സ്റ്റോര്‍ പദ്ധതി വിപുലമാക്കും. സപ്ലൈകോ ഉല്‍പ്പന്നങ്ങള്‍ റേഷന്‍ കടകള്‍വഴി വില്‍പന നടത്തുന്ന കാര്യം ആലോചിക്കുമെന്നും ദിവാകരന്‍ പറഞ്ഞു

മാതൃഭൂമി ഒണ്‍ലൈന്‍ഃ 4-7-2007

സര്‍ക്കാര്‍ അംഗീകരിച്ച പുതുക്കിയ നിരക്കുകള്‍

2009-02-16T15:08:00.000+05:30

ഓട്ടോ-ടാക്‌സി നിരക്കുകള്‍ പുതുക്കി[updated on 4th November 2008]

ആട്ടോ റിക്ഷാ / ടാക്സി ചാര്‍ജ്ജു് പുതുക്കി ;[update on 4th November 2008]

മിനിമം ചാര്‍ജില്‍ വര്‍ധന വരുത്തിയിട്ടില്ല.

മിനിമം ചാര്‍ജില്‍ ഓടാവുന്ന ദൂരം കുറച്ചുകൊണ്ടാണ്‌ നിരക്ക്‌ നിശ്ചയിച്ചിരിക്കുന്നത്‌. ഓട്ടോറിക്ഷ: മിനിമം ചാര്‍ജ്‌ ആദ്യത്തെ 1.25 കിലോമീറ്ററിന്‌ 10 രൂപ. പിന്നീടുള്ള ഓരോ കിലോമീറ്ററിനും 1/12 കി.മീ.ന്‌ 50 പൈസ എന്ന നിരക്കില്‍ ആറ്‌ രൂപ. വെയിറ്റിങ്‌ ചാര്‍ജ്‌ ഓരോ 15 മിനിറ്റിനും അഞ്ചു രൂപ എന്ന നിരക്കില്‍ ഒരു ദിവസത്തേക്ക്‌ പരമാവധി 200 രൂപ.

മോട്ടോര്‍ കാബ്‌ (ടൂറിസ്റ്റ്‌ മോട്ടോര്‍ കാബ്‌ ഉള്‍പ്പെടെ): മിനിമം ചാര്‍ജ്‌ ആദ്യത്തെ മൂന്ന്‌ കിലോമീറ്ററിന്‌ 50 രൂപ. പിന്നീടുള്ള ഓരോ കിലോമീറ്ററിന്‌ ഏഴ്‌ രൂപ 50 പൈസ, വെയിറ്റിങ്‌ ചാര്‍ജ്‌ ഓരോ മണിക്കൂറിനും 25 രൂപ എന്ന ക്രമത്തില്‍ ഒരു ദിവസത്തേക്ക്‌ പരമാവധി 300 രൂപ.

എയര്‍ കണ്ടീഷന്‍ ഘടിപ്പിച്ച ടാക്‌സികള്‍ക്ക്‌ ചാര്‍ജിന്റെ 10 ശതമാനം അധികം ഈടാക്കാം. ഓട്ടോറിക്ഷകള്‍ക്ക്‌ പ്രധാന നഗരങ്ങളില്‍ രാത്രികാലങ്ങളിലെ യാത്രയ്‌ക്കും മറ്റ്‌ സ്ഥലങ്ങളില്‍ ഒരു വഴിക്കു മാത്രമായുള്ള യാത്രയ്‌ക്കും 50 ശതമാനം അധികമായ ചാര്‍ജ്‌ ഈടാക്കാമെന്ന മുന്‍ വ്യവസ്ഥ തുടരും.
------------------------------------------------------------------------------------------------------------------

ബസ്സ് ചാര്‍ജ്ജ് - പുതിയ നിരക്ക്
update on 16-2-2009
തിരുവനന്തപുരം: സംസ്ഥാനത്തു ബസ് യാത്രക്കൂലി കുറച്ചുകൊണ്ടുള്ള വിജ്ഞാപനം ഇന്ന് (16-2-2009) അര്‍ധരാത്രി പ്രാബല്യത്തില്‍ വരും.

ഒാര്‍ഡിനറി ബസുകളുടെ മിനിമം ചാര്‍ജ് നാലു രൂപയില്‍ നിന്നു 3.50 രൂപയായും ഫാസ്റ്റ് പാസഞ്ചറിന്റേത് അഞ്ചു രൂപയില്‍ നിന്നു 4.50 രൂപയായും, സൂപ്പര്‍ ഫാസ്റ്റിന്റേതു 10 രൂപയില്‍ നിന്ന് എട്ടു രൂപയായും, സൂപ്പര്‍ എക്സ്പ്രസിന്റേതു 15 രൂപയില്‍ നിന്നു 10 രൂപയായും കുറയും. ഒരു കിലോമീറ്റര്‍ ദൂരത്തിന് ഒാര്‍ഡിനറി ബസുകള്‍ക്ക് 55 പൈസയില്‍ നിന്ന് 52 പൈസയായും, ഫാസ്റ്റ് പാസഞ്ചര്‍ ബസുകള്‍ക്ക് 57 പൈസയില്‍ നിന്ന് 55 പൈസയായും, സൂപ്പര്‍ ഫാസ്റ്റ് ബസുകള്‍ക്ക് 60 പൈസയില്‍ നിന്ന് 58 പൈസയായും, സൂപ്പര്‍ എക്സ്പ്രസുകള്‍ക്ക് 65 പൈസയില്‍ നിന്ന് 62 പൈസയായും, സൂപ്പര്‍ ഡീലക്സ് 75 പൈസയില്‍ നിന്ന് 72 പൈസയായും, ലക്ഷ്വറി, ഹൈടെക്, എസി ബസുകള്‍ക്കു 90 പൈസയില്‍ നിന്ന് 85 പൈസയായും വോള്‍വോ ബസുകള്‍ക്കു 110 പൈസയില്‍ നിന്നു 105 പൈസയായും കുറവു വരുത്തിയിട്ടുണ്ട്. [ മനോരമാ Story Dated: Monday, February 16, 2009 ]
-----------------------------------------------
ജൂലൈ 11 അര്‍ദ്ധരാത്രിമുതല്‍ സര്‍ക്കാര്‍ ബസ്സ് നിരക്ക് വര്‍ധിപ്പിച്ചു. മിനിമം ചാര്‍ജ്ജ് 3 രൂപയില്‍ നിന്നും നാലു രൂപയാക്കി. വിദ്യാര്‍ത്ഥികളുടെ നിരക്ക് തല്‍ക്കാലം കൂട്ടിയിട്ടില്ല.

ഓര്‍ഡിനറി - പുതിയ നിരക്ക് - കിലോമീറ്ററിനു 55 പൈസ- മിനിമം 4 രൂപ.
ഫാസ്റ്റ് - പുതിയ നിരക്ക് - കിലോമീറ്ററിനു 57 പൈസ - മിനിമം 5 രൂപ.
സൂപ്പര്‍ ഫാസ്റ്റ് - പുതിയനിരക്ക് - കിലോമീറ്ററിനു 60 പൈസ - മിനിമം 10 രൂപ.
സൂപ്പര്‍ എക്സ്പ്രസ്സ് - പുതിയ നിരക്ക് - കിലോമീറ്ററിനു 85 പൈസ - മിനിമം 15 രൂപ.
ഡീലക്സ് സെമിസ്ലീപ്പര്‍-പുതിയ നിരക്ക്-കിലോമിറ്ററിനു 75 പൈസ - മിനിമം 20 രൂപ.
ലക്ഷ്വറി ഹൈടെക് - പുതിയ നിരക്ക് - കിലോമീറ്ററിനു 90 പൈസ - മിനിമം 30 രൂപ.
വോള്‍വോ - പുതിയ നിരക്ക് - കിലോമീറ്ററിനു 1.10 രൂപ - മിനിമം 30 രൂപ.

പുതുക്കിയ ഇന്ധന വില

തിരുവനന്തപുരം - പെട്രോള്‍ 53.71 - ഡീസല്‍ 38.29
കൊല്ലം - പെട്രോള്‍ 53.79 - ഡീസല്‍38.33
പത്തനംതിട്ട - പെട്രോള്‍ 53.71 - ഡീസല്‍ 38.26
ആലപ്പുഴ - പെട്രോള്‍ 53.59 - ഡീസല്‍ 38.15
എറണാകുളം - പെട്രോള്‍ 53.49 - ഡീസല്‍ 38.05
കോഴിക്കോട് - പെട്രോള്‍ 53.75 - ഡിസല്‍ 38.33
എല്‍.പി.ജി പാചകവാതകത്തിനു സിലിണ്ടറൊന്നിനു 50 രൂപ വര്‍ധിപ്പിച്ചു.
മണ്ണെണ്ണ വിലയില്‍ മാറ്റമില്ല.
വര്‍ധനവ് ജൂലൈ 4 അര്‍ദ്ധരാത്രിമുതല്‍ നിലവില്‍ വന്നു.

നോക്കു കൂലി ആരുടെ അവകാശം?
ജോലി ചെയ്യുന്നവനാണ് കൂലി നല്‍കേണ്ടതെന്നും അല്ലാതെ നോക്കി നില്‍ക്കുന്നവനായിരിക്കരുതെന്നും സി.പി.എം.സംസ്ഥാന സെക്രട്ടറി പിണറായി വിജയന്‍ പ്രസ്താവിച്ചിരിക്കുന്നു. നിയമസഭാ സുവര്‍ണജൂബിലിയുടെ ഭാഗമായി നടത്തിയ കേരളം ഇന്നു , ഇന്നലെ, നാളെ എന്ന സെമിനാറില്‍ പ്രബന്ധം അവതരിപ്പിക്കുകയായിരുന്നു (25-4-2008) വിജയന്‍ .

1 - 10 - 2008 ല്‍ കൂട്ടിച്ചേര്‍ത്തത്.
പുതുക്കിയ വെള്ളക്കരം
സംസ്ഥാനത്ത് സെപ്റ്റംബര്‍ ഒന്നു മുതല്‍ വെള്ളക്കരം പുതുക്കി നിശ്ചയിച്ച് ഉത്തരവായി. ഇതനുസരിച്ച് ഗാര്‍ഹിക ഉപഭോക്താക്കളില്‍ പ്രതിമാസം 5000 ലീറ്റര്‍ വരെ ഉപയോഗിക്കുന്നവര്‍ക്കു 20 രൂപയും, 10000 ലീറ്റര്‍ വരെ ഉപയോഗിക്കുന്നവര്‍ 5000ല്‍ അധികമായുള്ള ഒാരോ 1000 ലീറ്ററിനും നാലു രൂപ വീതവും നല്‍കണം. 20000 ലീറ്റര്‍ വരെ ഉപഭോഗമുള്ളവര്‍ക്കു പ്രതിമാസം 40 രൂപയും 10,000ല്‍ അധികമുള്ള ഒാരോ 1000 ലീറ്ററിനും അഞ്ചു രൂപ വീതവും, 30000 ലീറ്റര്‍ വരെ ഉപഭോഗമുള്ളവര്‍ക്കു പ്രതിമാസം 90 രൂപയും 20000ല്‍ അധികമുള്ള ഒാരോ 1000 ലീറ്ററിനും ആറു രൂപ വീതവും, 50000 ലീറ്റര്‍ വരെ ഉപഭോഗമുള്ളവര്‍ക്ക് പ്രതിമാസം 150 രൂപയും 30000ല്‍ അധികമുള്ള ഒാരോ 1000 ലീറ്ററിനും 14 രൂപ വീതവും, 50000 ലീറ്ററിനു മേല്‍ ഉപഭോഗമുള്ളവര്‍ക്കു പ്രതിമാസം 430 രൂപയും അധികമുള്ള 1000 ലീറ്ററിന് 25 രൂപ വീതവുമാണ് പുതിയ നിരക്ക്.

ഗാര്‍ഹികേതര ഉപഭോക്താക്കളില്‍ 15000 ലീറ്റര്‍ വരെ ഉപഭോഗമുള്ളവര്‍ക്ക് പ്രതിമാസം 125 രൂപയും അധികമുള്ള 1000 ലീറ്ററിന് 10 രൂപ വീതവും, 50000 ലീറ്റര്‍ വരെ ഉപയോഗിക്കുന്നവര്‍ക്ക് 150 രൂപയും അധികമുള്ള 1000 ലീറ്ററിന് 14 രൂപ വീതവും, 50000 ലീറ്റര്‍ വരെ ഉപയോഗിക്കുന്നവര്‍ക്ക് 640 രൂപയും അധികമുള്ള 1000 ലീറ്ററിന് 25 രൂപ വീതവുമാണ് നിരക്ക്. വ്യാവസായിക ആവശ്യങ്ങള്‍ക്കുള്ള കണക്ഷന് 250 രൂപയും അധികമുള്ള 1000 ലീറ്ററിന് 25 രൂപ വീതവും, മുനിസിപ്പല്‍ ടാപ്പുകള്‍ക്ക് പ്രതിവര്‍ഷം 5256 രൂപയും, പഞ്ചായത്ത് ടാപ്പുകള്‍ക്ക് പ്രതിവര്‍ഷം 3500 രൂപയുമാണ് പുതിയ നിരക്ക്. 10000 ലീറ്റര്‍ വരെ പ്രതിമാസ ഉപഭോഗമുള്ള ദാരിദ്യ്രരേഖയ്ക്കു താഴെയുള്ള കുടുംബങ്ങളെ വെള്ളക്കരം നല്‍കുന്നതില്‍നിന്ന് ഒഴിവാക്കിയിട്ടുണ്ട്. ഇവരുടെ ഒാഗസ്റ്റ് 31 വരെയുള്ള കുടിശിക എഴുതിത്തള്ളി. ബിപിഎല്‍ വിഭാഗത്തിനു നല്‍കുമ്പോഴുള്ള ചാര്‍ജ് 50 ശതമാനമാക്കി കുറച്ചിട്ടുണ്ട്.

പാല്‍ വിലവര്‍ധന
ലീറ്ററിന് ഒരു രൂപ വര്‍ധിപ്പിക്കാന്‍ കഴിഞ്ഞ ദിവസം ഇടതു മുന്നണി അനുമതി നല്‍കിയിരുന്നു. ഒക്ടോബര്‍ 2008 ,മൂന്നാം തീയതി രാവിലെ മുതല്‍ ലഭിക്കുന്ന പാലിനു വര്‍ധിച്ച വില നല്‍കണം

ടോണ്ട് മില്‍ക്ക് ലിറ്ററിനു 20 രൂപ
ജേര്‍സി പാല്‍ ലിറ്ററിനു 22 രൂപ
റിച്ച് പാല്‍ ലിറ്ററിനു 23 രൂപ

തൈര് ലീറ്ററിന് ഒരു രൂപ കൂട്ടാനും തീരുമാനിച്ചു. 24 എന്നത് ഇനി 25 രൂപയാകും.

7-10-2008 ല്‍ കൂട്ടിചേര്‍ത്തത്‌.:
വൈദ്യുതി നിരക്കു വര്‍ധന വീണ്ടും
മാസം 200 യൂണിറ്റില്‍ കൂടുതല്‍ വൈദ്യുതി ഉപയോഗിക്കുന്ന ഗാര്‍ഹിക ഉപയോക്താക്കളില്‍ നിന്ന് അധിക വൈദ്യുതിക്കു കൂടിയ വില ഈടാക്കാന്‍ റഗുലേറ്ററി കമ്മിഷന്‍ തീരുമാനിച്ചു.

പകല്‍ ഒരു മണിക്കൂര്‍ ലോഡ്ഷെഡിങ് ഏര്‍പ്പെടുത്തണമെന്ന വൈദ്യുതി ബോര്‍ഡിന്റെ ആവശ്യം കമ്മിഷന്‍ തള്ളി. കമ്മിഷന്റെ ഉത്തരവു 15നു നിലവില്‍ വരും.
കഴിഞ്ഞ മാസത്തെ താപവൈദ്യുതിയുടെ വില 8.83 രൂപയാണ്.ഈ നിരക്കായിരിക്കും അധിക വൈദ്യുതി ഉപയോഗിക്കുന്നവര്‍ നല്‍കേണ്ടിവരിക. ഓരോ മാസവും അഞ്ചാം തീയതിക്കു മുന്‍പായി ഇതു പുതുക്കി നിശ്ചയിക്കും.

മാസം 150 യൂണിറ്റില്‍ കൂടുതല്‍ ഉപയോഗിക്കുന്ന ഗാര്‍ഹിക ഉപയോക്താക്കളില്‍ നിന്നു കൂടിയ നിരക്ക് ഈടാക്കണമെന്ന ബോര്‍ഡിന്റെ ആവശ്യമാണു കമ്മിഷന്‍ 200 യൂണിറ്റ് എന്നാക്കിയത്.

എല്‍ടി കൊമേഴ്സ്യല്‍ (വ്യാപാരം)എല്‍ടി വ്യവസായം, എല്‍ടി ഗാര്‍ഹികേതരം(എല്‍ടി ആറ് ഏ,ബി,സി) എല്‍ടി രണ്ട് കോളനി എന്നീ ഉപയോക്താക്കള്‍ക്ക് 20% വൈദ്യുതി നിയന്ത്രണം ഏര്‍പ്പെടുത്തി. ഇവര്‍ കഴിഞ്ഞ സാമ്പത്തികവര്‍ഷം ഉപയോഗിച്ച ശരാശരി വൈദ്യുതിയുടെ 80% സാധാരണ നിരക്കില്‍ തുടര്‍ന്നും ലഭിക്കും. എന്നാല്‍ ശേഷിക്കുന്ന 20 ശതമാനത്തിനു താപവൈദ്യുതിയുടെ വില നല്‍കണം.

ആരാണ്‍് ഓംബുഡ്സ്മാന്‍

2009-01-23T09:41:00.001+05:30

ആരാണ് ഓംബുഡ്സ്മാന്‍ ?. നീതിനിഷേധം അനുഭവിക്കാനിടയാകുന്ന വ്യക്തിയുടെ പരാതിയിന്മേല്‍ അന്വേഷണം നടത്താനും , നിഗമനത്തിലെത്താനും , ആയതിനു പരിഹാര മാര്‍ഗ്ഗം കാണാനും സര്‍ക്കാര്‍ നിയൊഗിക്കുന്ന ഉദ്ദ്യോഗസ്ഥനാണ് ഓംബുഡ്സ്മാന്‍ .

ഇന്‍‌ഡ്യയില്‍ ഓംബുഡ്സ്മാനെ‘ലോക്പാല്‍’ അഥവാ ‘ലോകായുക്ത’ എന്നാണ് സാധാരണ പറയാറ്. 1998 ലാണ് കേരളത്തില്‍ ആദ്യമായി ‘ലോകായുക്തയെ’ സ്ഥാപിക്കുന്നത്.

1) ഓംബുഡ്സ്മാന്‍ :തദ്ദേശസ്വയംഭരണസ്ഥാപനങ്ങള്‍ തദ്ദേശസ്വയംഭരണസ്ഥാപനങ്ങളിലെ പ്രസിഡന്റ് ഉള്‍പ്പടെയുള്ള ഭരണസമിതി അംഗങ്ങളും ഉദ്ദ്യോഗസ്ഥന്മാരും , തദ്ദേശ സ്വയംഭരണ സ്ഥാപനങ്ങളിലേക്ക്‌ നേരിട്ടോ അല്ലാതയോ നിയോഗിച്ചിട്ടുള്ളതും സ്ഥലം മാറ്റപ്പെട്ടതുമായ ഉദ്ദ്യോഗസ്ഥന്മാരും ഭരണപരമായ കര്‍ത്തവ്യങ്ങള്‍ നിര്‍വഹിക്കുമ്പോഴുണ്ടായേക്കാവുന്ന അഴിമതി, ദുര്‍ഭരണം, ക്രമക്കേടുകള്‍ എന്നിവയെകുറിച്ചുള്ള പരാതികള്‍ നിയമാനുസൃതം അന്വേഷിച്ച്‌ ആവശ്യമായ നടപടികളെടുക്കുകയാണ് തദ്ദേശസ്വയംഭരണസ്ഥാപനങ്ങള്‍ക്കു വേണ്ടിയുള്ള ഓംബുഡ്സ്മാറ്റ്ന്റെ ചുമതല. ഒരു തദ്ദേശസ്വയംഭരണ സ്ഥാപനത്തിന്റെ ഔദ്ദ്യോഗിക കൃത്യനിര്‍വഹണത്തില്‍ ഉണ്ടായേക്കാവുന്ന അഴിമതി, ദുര്‍ഭരണം, ക്രമക്കേട് എന്നിവ ആരോപിച്ചുകൊണ്ടുള്ള പൊതുജനങ്ങളുടെ പരാതികള്‍ ഓംബുഡ്സ്മാനു സമര്‍പ്പിക്കാവുന്നതാണ്. ഒരു തദ്ദേശസ്വയംഭരണ സ്ഥാപനത്തിനെതിരയോ, പൊതുജനസേവകനെതിരെയോ, അഴിമതി ആരോപണമോ ദുര്‍ഭരണമോ സര്‍ക്കാരിന്റെ അറിവില്‍ പെടുകയോ അഥവാ ശ്രദ്ധയില്‍ കൊണ്ടുവരികയോ ചെയ്താല്‍ രേഖാമൂലമുള്ള ഉത്തരവു മൂലം സര്‍ക്കാരിനു ആയത്‌ ഓംബുഡ്സ്മാന്റെ പരിഗണനക്കയക്കാവുന്നതാണ്. തദ്ദേശസ്വയംഭരണ സ്ഥാപനങ്ങളുമായി ബന്ധപ്പെട്ടുണ്ടാകുന്ന ക്രമക്കേടുകളെക്കുറിച്ചും ആക്ഷേപങ്ങളെപറ്റിയും സ്വയമേധാ കേസെടുത്ത് അന്വേഷിക്കാനും യുക്തമായ നടപടികള്‍ സ്വീകരിക്കാനും ഓംബുഡ്സ്മാനു അധികാരമുണ്ട്. വെള്ളക്കടലാസിലെഴുതിയ പരാതിയോടൊപ്പം നിശ്ചിത ഫോം കൂടി പൂരിപ്പിച്ച് സമര്‍പ്പിക്കേണ്ടതാണ്. ഓരോ പരാതിയും അതോടൊപ്പമുള്ള രേഖകളും പരാതിയില്‍ എത്ര എതിര്‍കക്ഷികളുണ്ടോ അത്രയും പകര്‍പ്പുകളോടുകൂടിയായിരിക്കേണ്ടതാണ്. ഓരോ പരാതിയോടൊപ്പവും പരാതിയില്‍ പറയുന്ന കാര്യങ്ങള്‍ മുഴുവന്‍ തന്റെ ഉത്തമ വിശ്വാസത്തിലും അറിവിലും പെട്ടിടത്തോളം ശരിയും സത്യവും ആണെന്ന ഒരു പ്രസ്താവന ഉണ്ടായിരിക്കേണ്ടതാണ്. പരാതിക്കാരന്‍ പരാതിയുടെ ഫീസ്സായി 10 രൂപയുടെ കോര്‍ട്ട്ഫീ സ്റ്റാമ്പ് പരാതിയുടെ അസ്സല്‍ പകര്‍പ്പില്‍ പതിക്കേണ്ടതാണ്. പരാതി സ്വീകരിച്ചതിനുശേഷം പരാതിക്കാരനു പരാതിനമ്പര്‍ അടങ്ങിയ കൈപറ്റ് രശീത് നല്‍കേണ്ടതാണ്. ന്യൂന്നതയുള്ള പരാതികള്‍ ന്യൂന്നതകള്‍ ചൂണ്ടിക്കാണിച്ചുകൊണ്ട് പരാതിക്കരനു മടക്കി നല്‍കേണ്ടതാണ്. തിരിച്ചുകിട്ടിയ പരാതി 15 ദിവസത്തിനകം വീണ്ടും സമര്‍പ്പിച്ചാല്‍ പുതിയ പരാതിയായി പരിഗണിക്കുന്നതാണ്.

ഓംബുഡ്സ്മാന്റെ (തദ്ദേശ സ്വയംഭരണസ്ഥാപനം) മേല്‍‌വിലാസം ഇതാണ്: Secretary, Ombudsman for Local Self Government Institutions, Barton Hill Bunglow, Kunnukushi.P.O., Thiruvananthapuram.

2) ദേവസ്വം ബോര്‍ഡുകളില്‍ ഓംബുഡ്സ്മാന്‍ കൊച്ചി, തിരുവിതാംകൂര്‍ ദേവസ്വം ബോര്‍ഡുകളിലെ അഴിമതികളെ കുറിച്ച് അന്വേഷിക്കാന്‍ ഹൈക്കോടതി ഓംബുഡ്സ്മാനെ നിയമിച്ചു.

ജസ്റ്റിസ് ആര്‍.ഭാസ്ക്കരനാണ് ഓംബുഡ്സ്മാന്‍.എസ്.പി റാങ്കില്‍ കുറയാത്ത ഒരു പൊലീസ് ഉദ്യോഗസ്ഥനും ഓംബുഡ്സ്മാനില്‍ ഉണ്ടായിരിക്കും. ദേവസ്വം ബോര്‍ഡുകളുടെ കണക്കുകളും രേഖകളും വിളിച്ചു വരുത്തി പരിശോധിക്കാനും പൊതുജനങ്ങളില്‍ നിന്നും ക്ഷേത്ര ജീവനക്കാരില്‍ നിന്നും ലഭിക്കുന്ന പരാതികള്‍ പരിശോധിക്കാനും ഓംബുഡ്സ്മാന് അധികാരം ഉണ്ടായിരിക്കും.

ദേവസ്വം ബോര്‍ഡിന്‍റെ അന്യാധീനപ്പെട്ട വസ്തുവകകള്‍ വീണ്ടെടുക്കാനുള്ള അധികാരവും ഓംബുഡ്സ്മാന് ഹൈക്കോടതി നല്‍കി. മൂന്നു വര്‍ഷമാണ് ഓംബുഡ്സ്മാന്‍റെ കാലാവധി. അഴിമതി സംബന്ധിച്ച കേസുകളില്‍ സ്ഥിരം കമ്മിറ്റിയെ നിയോഗിക്കണമെന്ന് ആവശ്യപ്പെട്ട് സമര്‍പ്പിച്ച ഹര്‍ജിയിലാണ് ഈ വിധി.

3) സഹകരണമേഖലയില്‍ ഓംബുഡ്സ്മാന്‍

സഹകരണ മേഖലയില്‍ ഓംബുഡ്സ്മാനെ നിയമിക്കുമെന്ന് സഹകരണ മന്ത്രി ജി.സുധാകരന്‍ അറിയിച്ചു. ഈ മേഖലയിലെ അഴിമതി കുറയ്ക്കാന്‍ ഓംബുഡ്സ്മാന്‍ സംവിധാനത്തിന് കഴിയുമെന്നും അദ്ദേഹം പറഞ്ഞു (18 ജൂലൈ 2008)

4) കേരളാ വിദ്യുഃച്ഛക്തിബോര്‍ഡിന് ഓംബുഡ്സ്മാന്‍

വിദ്യുഃച്ഛക്തി ഓംബുഡ്സ്മാനെ നിയമിച്ചു.
അതിന്റെ കീഴില്‍ തിരുവനന്തപുരം, കൊച്ചി, കോഴിക്കോട് എന്നീ കേന്ദ്രങ്ങളില്‍ പ്രവര്‍ത്തിക്കുന്ന മൂന്ന്‌ പരാതി പരിഹാര കേന്ദ്രങ്ങളും സ്ഥാപിക്കുന്നതിനു തീരുമാരമായി (Nov. 9.2007) പരാതിയുള്ളവര്‍ക്ക് അവരുടെ പരാതി പരിഹാര കേന്ദ്രങ്ങളുമായി ബന്ധപ്പെടേണ്ടതാണ്. പരിഹാരം തൃപ്തികരമായില്ലെങ്കില്‍ ഓംബുഡ്സ്മാനെ സമീപിക്കാം. പരാതി നല്‍കി 3 മാസത്തിനകം പരിഹാരം കാണേണ്ടതാണ്.

updated on 23rd jan 2009:
----------------------------------
ഓംബുഡ്സ്മാന്റെ മുമ്പാകെ പരാതികള്‍ സമര്‍പ്പിക്കുന്നതിനു സ്റ്റാമ്പ് ഡ്യൂട്ടിയൊ മറ്റു ഫീസുകളോ ഇല്ല. വക്കീലിനെ ഏര്‍പ്പെടുത്തണമെന്ന് നിര്‍ബന്ധവുമില്ല. ഉപഭോക്താവ് നേരിട്ടോ കാര്യവിവരമുള്ള മറ്റാരെങ്കിലും മുഖാന്തിരമോ കേസ്സ് വാദിക്കാം. വൈദ്യുതി ഉപയോഗിക്കുന്നവരെല്ലാം ഉപഭോക്താവ് എന്ന പദത്തിന്റെ നിര്‍വചനത്തില്‍ പെടും.

പരാതികള്‍ ഫയലില്‍ സ്വീകരിച്ച് കഴിഞ്ഞാല്‍ 3 മാസത്തിനകം അവയില്‍ തീര്‍പ്പ് കല്പിക്കണം.

വൈദ്യുതി ബോര്‍ഡ് അടക്കമുള്ള വൈദ്യുതി വിതരണസ്ഥാപനങ്ങള്‍ നിയമാനുസൃതം രൂപീകരിച്ചിട്ടുള്ള ഉപഭോക്തൃപ്രശ്നപരിഹാരവേദികള്‍ (Consumer Grievance Redressal Forum) മുമ്പാകെ തങ്ങളുടെ പരാതി രേഖാമൂലം സമര്‍പ്പിച്ച് അവിടെനിന്നും ലഭിച്ച വിധി ഉപഭോക്താവിനു തൃപ്തികരമല്ലെങ്കില്‍മാത്രമേ ഓംബുഡ്സ്മാനെ സമീപിക്കാന്‍ കഴിയൂ. അതായത് അപ്പീല്‍ പെറ്റീഷനുകള്‍ മാത്രമേ ഓംബുഡ്മാന്റെ മുമ്പാകെ സമര്‍പ്പിക്കാന്‍ ക്ഴിയു എന്നര്‍ത്ഥം.

5) ബാങ്കുകള്‍ക്ക് വേണ്ടിയും ഓംബുഡ്സ്മാന്‍.

റിസര്‍വ്‌ ബാങ്ക് ഒഫ് ഇന്‍ഡ്യാ 2006 മുതല്‍ നിലവില്‍ വരുത്തിയ Banking Ombudsman Scheme അനുസരിച്ച് കേരളത്തിനുവേണ്ടിയും ഒരു ഓംബുഡ്സ്മാനെ നിയമിച്ചിട്ടുണ്ട്.

ബാങ്കുകളുടെ സേവനത്തിലുള്ള പിഴവുകള്‍ക്കെതിരെ പരാതിനല്‍കുവാനുള്ള ഇടമാണിത്. പരാതികള്‍ക്ക് എത്രയും പെട്ടന്ന് തീര്‍പ്പ് കല്‍പ്പിക്കുകയാണ് ലക്ഷ്യം. പരാതിക്കാരന്‍ ആദ്യം ബന്ധപ്പെട്ട ബാങ്കിലാണ് പരാതി നല്‍കേണ്ടത്. ഒരു മാസത്തിനകം തൃപ്തികരമായ നടപടി എടുക്കുന്നില്ലെങ്കില്‍ ഓംബുഡ്സ്മാനെ സമീപിക്കാം. സംശയങ്ങള്‍ക്കുള്ള വിശദീകരണങ്ങള്‍ ഇവിടെനിന്നും ലഭിക്കുന്നതാണ്.

ബാങ്കുകള്‍, ക്രെഡിറ്റ് കാര്‍ഡ് കമ്പനികള്‍ തുടങ്ങിയ വിവിധ സാമ്പത്തിക സേവനങ്ങള്‍ വിപണനം നടത്തുന്ന സ്ഥാപനങ്ങള്‍ എന്നിവയെ സംബന്ധിച്ച ഇടപാടുകാര്‍ക്കുള്ള പരാതികള്‍ക്കു പരിഹാരം ഉണ്ടാക്കാന്‍, ബാങ്കിങ് ഒാംബുഡ്സ്മാന്റെ ഓഫിസ് റിസര്‍വ് ബാങ്കിന്റെ തിരുവനന്തപുരം റീജനല്‍ ഓഫിസില്‍ പ്രവര്‍ത്തിക്കുന്നു.

ബാങ്കിങ്, മറ്റു സാമ്പത്തിക സേവനങ്ങള്‍ എന്നിവ സംബന്ധിച്ച പരാതികള്‍ ഓംബുഡ്സ്മാന് എഴുതി സമര്‍പ്പിക്കണം. ഇ-മെയിലിലൂടെയും പരാതി നല്‍കാം. പരാതിക്കാരന് ഇടനിലക്കാരില്ലാതെ നേരിട്ടു പരാതി സമര്‍പ്പിക്കാം. പരാതി സമര്‍പ്പിക്കുന്നതിന് പ്രത്യേക ഫീസോ, മറ്റു ചെലവുകളോ ഇല്ല. പരാതിയെ സംബന്ധിക്കുന്ന വിശദ വിവരങ്ങളും തെളിവുകളും അടക്കം ചെയ്തിരിക്കണം. പരാതിക്ക് അടിസ്ഥാനമായ കാരണങ്ങള്‍ ഉണ്ടായി ഒരു വര്‍ഷത്തിനുള്ളില്‍ പരാതി നല്‍കണം.
മിക്കപ്പോഴും പരാതിക്കു വിധേയമായ സ്ഥാപനങ്ങളുമായി സംസാരിച്ച് ഒരു അനുരഞ്ജന പരിഹാരം നല്‍കാനാണ് ഒാംബുഡ്സ്മാന്‍ ആദ്യം ശ്രമിക്കുക. ഇതിനു സാധിക്കാതെ വന്നാല്‍ പരാതിക്ക് അടിസ്ഥാനമായ വിവരങ്ങള്‍, പരിശോധിക്കുകയും, വാദം കേള്‍ക്കുകയും, വിധി പുറപ്പെടുവിക്കുകയും ചെയ്യുന്നു.

മിക്കപ്പോഴും പരാതിക്കാരനു സംഭവിച്ചിട്ടുള്ള സാമ്പത്തിക നഷ്ടമാണു പരിഹാരമായിട്ടു നല്‍കുവാന്‍ ബാങ്കുകളോട് ഒാംബുഡ്സ്മാന്‍ വിധിക്കുക. എന്നാല്‍ അര്‍ഹമായ അവസരങ്ങളില്‍ നേരിട്ടുണ്ടായ സാമ്പത്തിക നഷ്ടത്തോടൊപ്പം, പരാതിക്കാരനു പരോക്ഷമായി സംഭവിച്ചിട്ടുള്ള സമയനഷ്ടം, മാനസിക പീഡനം തുടങ്ങിയവയൊക്കെ കണക്കിലെടുത്തു നഷ്ടപരിഹാരം വിധിക്കാറുണ്ട്.

ഓംബുഡ്സ്മാന്റെ വിധി പരാതിക്കാരന്‍ അംഗീകരിച്ചുകഴിഞ്ഞാല്‍ 15 ദിവസത്തിനുള്ളില്‍ വിധി നടപ്പിലാക്കി റിപ്പോര്‍ട്ടു സമര്‍പ്പിക്കാന്‍ ബാങ്കുകളും ധനകാര്യ സ്ഥാപനങ്ങളും ബാധ്യസ്ഥരാണ്. വിധി സ്വീകാര്യമല്ലെങ്കില്‍ പരാതിക്കാരന് 45 ദിവസത്തിനുള്ളില്‍ റിസര്‍വ് ബാങ്കിന്റെ ഡപ്യൂട്ടി ഗവര്‍ണര്‍ക്ക് അപ്പീല്‍ സമര്‍പ്പിക്കുന്നതിനു സൌകര്യമുണ്ട്.

ബാങ്കിങ് ഓംബുഡ്സ്മാന്റെ മേല്‍വിലാസവും, ഫോണ്‍ നമ്പറും എല്ലാ ധനകാര്യ സ്ഥാപനങ്ങളുടെയും ശാഖകളില്‍ പ്രദര്‍ശിപ്പിച്ചിട്ടുണ്ടാകണമെന്നു റിസര്‍വ് ബാങ്ക് നിഷ്കര്‍ഷിച്ചിട്ടുണ്ട്. കേരളത്തിലെ ബാങ്കിങ് ഓംബുഡ്സ്മാന്റെ വിലാസം:

ബാങ്കിങ് ഓംബുഡ്സ്മാന്‍ , റിസര്‍വ് ബാങ്ക് ഒാഫ് ഇന്ത്യ, തിരുവനന്തപുരം - 695 033, ഫോണ്‍: 0471 2329676, എക്സ്റ്റെന്‍ഷന്‍ ‍: 251, 252, ഫാക്സ്: 0471 2321625. ഇ മെയില്‍: bothiruvananthapuram@rbi.org.in.

കേരളത്തിലും ലക്ഷദ്വീപിലും പ്രവര്‍ത്തിക്കുന്ന ധനകാര്യ സ്ഥാപനങ്ങളെയും ബാങ്കുകളെയും സംബന്ധിച്ച പരാതികള്‍ തിരുവനന്തപുരത്തുള്ള ഓംബുഡ്സ്മാനു സമര്‍പ്പിക്കാം

ഇതിനുവേണ്ടി പരാതിക്കാരന്‍ ചിലവൊന്നും വഹിക്കേണ്ടതില്ല.

കേരളത്തിലെ ബാങ്കിംഗ് ഓംബുഡ്സ്മാന്റെ മേല്‍‌വിലാസം: Shri E. Madhavan
C/o Reserve Bank of India
Bakery Junction
Thiruvananthapuram-695 033
Tel.No.0471-2332723/0471-2329676
Fax No.0471-2321625

സര്‍ക്കാര്‍ വെബ്സൈറ്റില്‍ കൊടുത്തിരിക്കുന്ന ഫോണ്‍ നമ്പരുകള്‍ ഇതാണ് (തദ്ദേശസ്വയംഭരണ സ്ഥാപനങ്ങള്‍ക്കുള്ളത്). 1. Ombudsman : Justice. T.K.Chandrasekaradas Telephone No. 2300543/2300541 (Office) 2. Secretary : Smt. S.Sukumarikutty Amma Tele. No. 0471 - 2300542 (Offiice) 3. Administrative Officer : Sri. P.M.Das Tele. No. 0471 - 2300542 (Office) 4. Finance Officer : Smt. Ponnamma Mathew Tele.No. 0471 - 2300542 (Office) ആധാരം: 1. കേരളാ പഞ്ചായത്ത്‌രാജ് നിയമം. 2. ഓംബുഡ്സ്മാന്‍ (പരാതി അന്വേഷണ വിചാരണയും സേവനവ്യവസ്ഥകളും) ചട്ടങ്ങളും.

updated on 22-9-2008

ഇന്‍ഡ്യന്‍ എക്സ്പ്രസ്സ് അപ്പുവിനെ പരിചയപ്പെടുത്തുന്നു.

2009-01-20T10:07:00.002+05:30

ഇന്‍ഡ്യന്‍ എക്സ്പ്രസ്സ് അതിന്റെ പുതിയതായി തുടങ്ങിയ BLOG SPOT എന്ന പംക്തിയില്‍ ആദ്യമായി അപ്പുവിന്റെ ‘ആദ്യാക്ഷരി’യില്‍ തന്നെ തുടങ്ങിയിരിക്കുന്നു. ഇവിടെ ക്ലിക്കിയാല്‍ മുഴുവന്‍ വായിക്കാം.

About shibu alias appu

സംസ്ഥാനത്തെ വസ്തു നികുതി പരിഷ്കരിച്ച്‌ ഉത്തരവ്‌ ഇറക്കിയിരിക്കുന്നു - വിശദ വിവരങ്ങള്‍ (Building Tax revised).

2009-01-10T09:27:00.001+05:30

നിലവിലുള്ള വാര്‍ഷിക വാടകയുടെ അടിസ്ഥാനത്തിലുള്ള വസ്തു നികുതി നിര്‍ണ്ണയരീതി തറ വിസ്തീര്‍ണ്ണത്തിന്റെ അടിസ്ഥാനത്തിലും കെട്ടിടം സ്ഥിതി ചെയ്യുന്ന സ്ഥലം, അതിന്റെ ഉപയോഗ രീതി, നിര്‍മാണത്തിന്റെ തരം, മറ്റു നിര്‍ണ്ണയിക്കപെട്ട ഘടകങ്ങള്‍ എന്നിവ കണക്കിലെടുത്തും സംസ്ഥാനത്തെ തദ്ദേശ സ്വയംഭരണ സ്ഥാപനങ്ങളിലെ വസ്തു നികുതി പരിഷ്കരിച്ച്‌ ഉത്തരവ്‌ ഇറക്കിയിരിക്കുന്നു. [ജി.ഒ.(എം.എസ്സ്‌) നം.166/2007/തസ്വഭവ. തീയതി:23-05-2007).

2007 ലാണ് അടിസ്ഥാന ഉത്തരവ്‌ ഇറക്കിയതെങ്കിലും, പുതിക്കിയ നികുതി നിര്‍ണ്ണയിക്കേണ്ട വിശദനിര്‍ദേശങ്ങള്‍ അടങ്ങിയ ഉത്തരവ്‌ ഏപ്രില്‍ 2008 ലാണ് ഇറക്കിയത്‌.

പരിഷ്കരിച്ച രീതി അനുസരിച്ച്‌ ഒരു ചതുരശ്ര മീറ്ററിനു ഒരു നിശ്ചിത നിരക്കില്‍ അടിസ്ഥാന നികുതി നിരക്ക്‌ നിശ്ചയിക്കുന്നു.

കെട്ടിടം സ്ഥിതി ചെയ്യുന്ന സോണ്‍ , കെട്ടിടത്തിലേക്കുള്ള റോഡ്‌ സൌകര്യം , കെട്ടിടത്തിന്റെ വിസ്തീര്‍ണ്ണം , മേല്‍ക്കൂരയുടേയും തറയുടെയും ചുവരുകളുടെയും നിര്‍മ്മാണത്തിനുപയോഗിച്ചിരിക്കുന്ന വസ്തുക്കളുടെ തരം , കെട്ടിടത്തിന്റെ കാലപ്പഴക്കം , കെട്ടിടത്തിന്റെ ഉപയോഗം എന്നിവ കണക്കിലെടുത്ത്‌ ചില വര്‍ദ്ധനവുകളും ഇളവുകളും നല്‍കി കൃത്യമായി കണക്കു കൂട്ടി നികുതി നിശ്ചയിക്കാന്‍ വീട്ടുടമസ്ഥനു തന്നെ കഴിയുന്നതാണ് പുതിയ നികുതി നിര്‍ണ്ണയ ഘടന.

നികുതി നിര്‍ണ്ണയിക്കുന്നതിനു ആവശ്യമായ മാര്‍ഗ്ഗനിര്‍ദ്ദേശങ്ങള്‍ ചുവടെ:-

നിലവിലുള്ള കെട്ടിടങ്ങളെ അവയുടെ ഉപയോഗത്തിന്റെ തരം അനുസരിച്ച്‌

1. വീട്ടാവശ്യത്തിനുള്ള കെട്ടിടങ്ങള്‍ ,
2.വ്യാവസാവശ്യത്തിനുള്ള കെട്ടിടങ്ങള്‍ ,
3. കച്ചവടാവശ്യത്തിനും മറ്റു ആവശ്യത്തിനും ഉള്ള കെട്ടിടങ്ങള്‍
എന്നിങ്ങനെ മൂന്നായി തിരിച്ചിരിക്കുന്നു.

ഓരോതരം കെട്ടിടത്തിനും ഗ്രാമ പഞ്ചായത്ത്‌ , മുനിസിപ്പല്‍ / കോര്‍പ്പറേഷന്‍ പ്രദേശങ്ങളില്‍ വ്യത്യസ്ഥ നിരക്കിലാണ് നികുതി ചുമത്തേണ്ടത്‌. എന്നാല്‍ ഒരു തദ്ദേശ സ്വയംഭരണ സ്ഥാപനത്തിലെ എല്ലാ കെട്ടിടങ്ങള്‍ക്കും ഒരേ അടിസ്ഥാന നിരക്കായിരിക്കണം നിശ്ചയിക്കേണ്ടത്‌.

1. വീട്ടാവശ്യത്തിനുള്ള കെട്ടിടങ്ങള്‍ :
ഗ്രാമപഞ്ചായത്ത്‌ : 3 മുതല്‍ 8 രൂപ വരെ
മുന്‍സിപ്പല്‍ കൌണ്‍സില്‍ : 6 മുതല്‍ 15 രൂപ വരെ
മുന്‍സിപ്പല്‍ കോര്‍പ്പറേഷന്‍ : 8 മുതല്‍ 20 രൂപ വരെ.

2. വ്യാവസായികാവശ്യത്തിനുള്ള വീടുകള്‍ :
ഗ്രാമപഞ്ചായത്ത്‌ : 6 മുതല്‍ 10 രൂപ വരെ
മുന്‍സിപ്പല്‍ കൌണ്‍സില്‍ : 12 മുതല്‍ 30 രൂപ വരെ
മുന്‍സിപ്പല്‍ കോര്‍പ്പറേഷന്‍ : 16 മുതല്‍ 40 രൂപ വരെ.

3. കച്ചവട ആവശ്യത്തിനുള്ള കെട്ടിടങ്ങളും , മറ്റു ആവശ്യത്തിനുള്ളവയും :
ഗ്രാമപഞ്ചായത്ത്‌ : 12 മുതല്‍ 64 രൂപ വരെ
മുന്‍സിപ്പല്‍ കൌണ്‍സില്‍ : 24 മുതല്‍ 120 രൂപ വരെ
മുന്‍സിപ്പല്‍ കോര്‍പ്പറേഷന്‍ : 32 മുതല്‍ 160 രൂപ വരെ.

എന്നിരുന്നാലും ആദ്യവര്‍ഷം ചതുരശ്ര മീറ്ററിനു യഥാക്രമം 3-5, 6-8, 8-12 രൂപവരെയുള്ള നിരക്കേ നിശ്ചയിക്കാന്‍ പാടുള്ളൂ. മേല്‍ വിവരിച്ച 3 തരത്തിലുള്ള കെട്ടിടങ്ങള്‍ ഒഴികെയുള്ള സ്ഥാപനങ്ങളും , വിദ്യാഭ്യാസ സ്ഥാപനങ്ങള്‍ , ആരോഗ്യ സ്ഥാപനങ്ങള്‍ , ഓഫീസുകള്‍ , കേരള സര്‍ക്കാര്‍ , കേന്ദ്ര സര്‍ക്കാര്‍ കെട്ടിടങ്ങള്‍ , പൊതു മേഖലാ സ്ഥാപനങ്ങളുടെ
കെട്ടിടങ്ങള്‍ എന്നിവ മറ്റു ആവശ്യങ്ങള്‍ക്കുള്ള കെട്ടിടങ്ങളുടെ പട്ടികയിലാണ് ഉള്‍പ്പെടുക. ബാങ്കുകള്‍ , പെട്ടിക്കടകള്‍ , കമ്പ്യൂട്ടര്‍ സെന്ററുകള്‍ , പെട്രോള്‍ ബങ്കുകള്‍ എന്നിവയെല്ലാം കച്ചവടാവശ്യത്തിനുള്ള കെട്ടിടങ്ങളില്‍ പെടും.

അമൂസ്‌മെന്റ്‌ പാര്‍ക്കുകള്‍ , മൊബൈല്‍ ടൌവ്വറുകള്‍ എന്നിവ പ്രത്യേക വിഭാഗത്തിലാണ് ഉള്‍പ്പെടുത്തുക.

തറ വിസ്തീര്‍ണ്ണത്തിനു അടിസ്ഥാന നിരക്കില്‍ നികുതി തിട്ടപ്പെടുത്തിയതിനു ശേഷം ചുവടെ ചേര്‍ത്തിരിക്കുന്ന ഘടകങ്ങളുടെ അടിസ്ഥാനത്തിലുള്ള ഇളവുകളും വര്‍ദ്ധനവുകളും കണക്കിലെടുത്താണ് വസ്തു നികുതി നിശ്ചയിക്കേണ്ടത്‌.

കെട്ടിടം സ്ഥിതിചെയ്യുന്ന സ്ഥലത്തിനെ പ്രധാന്യം കണക്കിലെടുത്ത്‌ തദ്ദേശ സ്വയം ഭരണ സ്ഥാപനങ്ങളെ പ്രാഥമിക മേഖല , ദ്വിതീയ മേഖല , തൃദീയ മേഖല എന്നിങ്ങനെ മൂന്നായി തിരിക്കേണ്ടതാണ്. ഇവയ്ക്ക്‌ വസ്തു നികുതി നിര്‍ണ്ണയിക്കുന്നതില്‍ നല്‍കേണ്ട ഇളവുകള്‍ ചുവടെ ചേര്‍ക്കുന്നു:

1. മേഖല അടിസ്ഥാനമാക്കിയുള്ള ഇളവുകള്‍ :
പ്രാഥമിക മേഖല : (ഓരോ തദ്ദേശസ്വയംഭരണസ്ഥാപനത്തിലും സര്‍ക്കാര്‍ , അര്‍ദ്ധസര്‍ക്കാര്‍ ഓഫീസുകള്‍ , വിദ്യാഭ്യാസ സ്ഥപനങ്ങള്‍ , കച്ചവടസ്ഥാപനങ്ങള്‍ , മാര്‍ക്കറ്റ്‌ , ബസ്സ്‌സ്റ്റാന്‍ഡ്‌ ,റെയില്‍‌വേസ്റ്റേഷന്‍ , ആശുപത്രികള്‍ , ഇവ കേന്ദ്രീകരിച്ചിരിക്കുന്ന ഒന്നോ അതിലധികമോ പ്രദേശങ്ങളിലെ കെട്ടിടങ്ങള്‍ ) ---- ഇളവുകള്‍ ഇല്ല.

ദ്വിതീയ മേഖല ( തദ്ദേശസ്വയംഭരണസ്ഥാപനങ്ങളിലെ പ്രാഥമിക മേഖലയിലേ ചുറ്റുപാടുള്ളതും താരതമ്യേന വികസനമുള്ളതുമായ പ്രദേശങ്ങളിലെ കെട്ടിടങ്ങള്‍ ) -------- 10% ഇളവ്‌.

തൃദീയ മേഖല (പ്രാഥമിക മേഖലയിലും ദ്വിതീയ മേഖലയിലും ഉള്‍പ്പെടാത്തതും വികസനം തീരെയില്ലാത്തതും അടിസ്ഥാന സൌകര്യങ്ങള്‍ കുറവുള്ളതുമായ പ്രദേശങ്ങളിലെ കെട്ടിടങ്ങള്‍ ) ----- 20% ഇളവ്‌.

2. റോഡ് സൌകര്യം അടിസ്ഥാനമാക്കിയുള്ള ഇളവുകളും വര്‍ദ്ധനവും:
നാഷണല്‍ ഹൈവേ, സംസ്ഥാന ഹൈവേ എന്നിവയില്‍ നിന്നോ തദ്ദേശ സ്വയംഭരണ സ്ഥാപനങ്ങള്‍ നിശ്ചയിക്കുന്ന ഒന്നാംതരം റോഡില്‍ നിന്നോ പ്രവേശന മാര്‍ഗ്ഗം ഉള്ള കെട്ടിടങ്ങള്‍ = ഇളവ്‌ ഇല്ല + വര്‍ദ്ധനവ്‌ 30%

ജില്ലാ റോഡുകളില്‍ നിന്നോ തദ്ദേശ സ്വയംഭരണ സ്ഥാപനങ്ങള്‍ നിശ്ചയിക്കുന്ന രണ്ടാംതരം റോഡില്‍ നിന്നോ പ്രവേശന മാര്‍ഗ്ഗം ഉള്ള കെട്ടിടങ്ങള്‍ = ഇളവ്‌ ഇല്ല + വര്‍ദ്ധനവ്‌ 20%

3മുതല്‍ 5 മീറ്ററില്‍ താഴെ വീതിയുള്ളതും കാറുപോകുന്നതും മുകളില്‍ സൂചിപ്പിച്ച വിഭാഗങ്ങളില്‍ ഉള്‍പ്പെടാത്തതുമായ റോഡുകളില്‍ നിന്നു പ്രവേശനമാര്‍ഗ്ഗമുള്ള കെട്ടിടങ്ങള്‍=ഇളവ്‌ ഇല്ല + വര്‍ദ്ധനവ്‌ ഇല്ല.

3മീറ്ററില്‍ താഴെയുള്ള നടപ്പാതകള്‍ ഒഴികെയുള്ള റോഡുകളില്‍ നിന്നു മാത്രം പ്രവേശനമുള്ള കെട്ടിടങ്ങള്‍=ഇളവില്ല + വര്‍ദ്ധനവും ഇല്ല.

നടപ്പാതയില്‍ നിന്നും പ്രവേശനമാര്‍ഗ്ഗമുള്ള കെട്ടിടങ്ങള്‍ = ഇളവ്‌ 15% + വര്‍ദ്ധനവ്‌ ഇല്ല.
പൊതുവഴി ഇല്ലാത്തതും വൈദ്യുതി ലൈന്‍ എത്താത്തതുമായ പ്രദേശങ്ങളിലെ കെട്ടിടങ്ങള്‍ = ഇളവ്‌ 30% + വര്‍ദ്ധനവ്‌ ഇല്ല.

3. കെട്ടിടത്തിന്റെ വിസ്തീര്‍ണ്ണം അനുസരിച്ചുള്ള ഇളവുകളും വര്‍ദ്ധനവും:

30 ചതുരശ്രമീറ്ററിനു താഴെയുള്ള വീട്ടാവശ്യത്തിനുള്ള കെട്ടിടങ്ങള്‍ = നികുതിയില്ല + വര്‍ദ്ധനവും ഇല്ല.
75 ചതുരശ്രമീറ്ററിനു താഴെയുള്ള കെട്ടിടങ്ങള്‍ = ഇളവ്‌ 25% + വര്‍ദ്ധനവ്‌ ഇല്ല.
75-125 ചതുരശ്രമീറ്റര്‍ വരെയുള്ള കെട്ടിടങ്ങള്‍ = ഇളവ്‌ 10% + വര്‍ദ്ധനവ്‌ ഇല്ല.
125-200 ചതുരശ്രമീറ്റര്‍ വരെയുള്ള കെട്ടിടങ്ങള്‍ = ഇളവ്‌ ഇല്ല + വര്‍ദ്ധനവ്‌ ഇല്ല.
200-300 ചതുരശ്രമീറ്റര്‍ വരെയുള്ള കെട്ടിടങ്ങള്‍ = ഇളവ്‌ ഇല്ല + വര്‍ദ്ധനവ്‌ 10%.
300 ചതുരശ്രമീറ്ററിനു മുകളിലുള്ള കെട്ടിടങ്ങള്‍ = ഇളവ്‌ ഇല്ല + വര്‍ദ്ധനവ്‌ 20%.

4.കെട്ടിടത്തിന്റെ മേല്‍ക്കൂര അനുസരിച്ചുള്ള ഇളവ്‌:
കോണ്‍ക്രീറ്റ്‌ മേല്‍ക്കൂരയുള്ള കെട്ടിടങ്ങള്‍ = ഇളവ്‌ ഇല്ല.
മറ്റെല്ലാത്തരം കുറഞ്ഞ മേല്‍ക്കൂരകളുള്ള കെട്ടിടങ്ങള്‍ (ഓടിട്ടത്‌ , പുല്ല്‌ , ഷീറ്റുകള്‍ , ഓല , എന്നിവകൊണ്ട്‌ മേഞ്ഞ കെട്ടിടങ്ങളടക്കം) = ഇളവ്‌ 10%

5.കാലപ്പഴക്കം അനുസരിച്ചുള്ള ഇളവ്‌:
10വര്‍ഷത്തില്‍ താഴെ പഴക്കമുള്ള കെട്ടിടങ്ങള്‍ = ഇളവ്‌ ഇല്ല.
10-25 വര്‍ഷം വരെ പഴക്കം = ഇളവ്‌ 10%
25 വര്‍ഷങ്ങള്‍ക്ക്‌ മീതെ പഴക്കം = ഇളവ്‌ 20%

6. തറയുടെ ഫിനിഷിംഗ് അനുസരിച്ചുള്ള വര്‍ദ്ധനവ്‌:
മേല്‍ത്തരം മാര്‍ബിള്‍, ഗ്രനൈറ്റ്‌ , ഗ്ലേസ്‌ഡ്‌ ടൈല്‍‌സ്‌ , മേല്‍ത്തരം തടി എന്നിവകൊണ്ട്‌ തറ പാകിയ കെട്ടിടങ്ങള്‍= വര്‍ദ്ധനവ്‌ 15%

മൊസൈക്ക്‌ , ടൈല്‍‌സ്‌ , സാധാരണ തറയോട്‌ എന്നിവകൊണ്ട് പാകിയ തറയുള്ളതോ , സിമെന്റ് തറ , മണ്‍‌തറ എന്നിവയുള്ളതോ ആയ കെട്ടിടങ്ങള്‍ = വര്‍ദ്ധനവ്‌ ഇല്ല.

7. ചുമരിന്റെ തരം അനുസരിച്ചുള്ള വര്‍ദ്ധനവ്‌:
മേല്‍ത്തരം തടി , പ്ലൈവുഡ് , മറ്റിനം ചുമര്‍ നിര്‍മ്മാണ വസ്തുക്കള്‍ എന്നിവ ഉപയോഗിച്ച്‌ ആകര്‍ഷകമാക്കിയിട്ടുള്ള മേല്‍ത്തരം ചുമരുകള്‍ = വര്‍ദ്ധനവ്‌ 15%

കേന്ദ്രീകൃതവും അല്ലാതെയുമുള്ള എയര്‍ കണ്ടീഷണറുകള്‍ സ്ഥാപിച്ചിട്ടുള്ള കെട്ടിടങ്ങള്‍ = വര്‍ദ്ധനവ്‌ 10%

മണ്ണ്‌ , ഇഷ്ടിക , ഓല , ഷീറ്റ് , എന്നിവ കൊണ്ടുള്ള സാധാരണ ചുമരുകളുള്ളവയും പ്രത്യേകം ശീതീകരണ സംവിധാനങ്ങള്‍ ഇല്ലാത്തതുമായ കെട്ടിടങ്ങള്‍= വര്‍ദ്ധനവ്‌ ഇല്ല.

8.ഉപയോഗത്തിനനുസരിച്ചുള്ള വര്‍ദ്ധനവ്‌:
സ്വന്ത ആവശ്യത്തിനു ഉപയോഗിക്കുന്നു = വര്‍ദ്ധനവ്‌ ഇല്ല.
വാടകയ്ക്ക്‌ കൊടുത്തിരിക്കുന്നു ( Pay homes ഉള്‍പ്പെടെ) = വര്‍ദ്ധനവ്‌ 50%
റിസോര്‍ട്ടുകള്‍ , സ്റ്റാര്‍ ഹോട്ടലുകള്‍ , മാസ്സേജ്‌ പാര്‍ലറുകള്‍ എന്നിവ = വര്‍ദ്ധനവ്‌ 75%
-----------------------------------------------------------------------------
അപ്പോള്‍ മേല്പറഞ്ഞതാണ്‍ പുതിക്കിയ ഉത്തരവിലെ വിശദാംശങ്ങള്‍. സ്വന്തവീടുള്ള നാമോരോരുത്തരും ആ വീടിന്റെ അടിസ്ഥാന നികുതി കണക്കാക്കിയതിനു ശേഷം അതില്‍ നിന്നും ഇളവുകള്‍ കിഴിച്ച്‌ വര്‍ദ്ധനവ് കൂട്ടിയാല്‍ നാമൊടുക്കേണ്ട കെട്ടിടനികുതി എത്രയെന്ന്‌ കണക്കാക്കാം. സ്വയംഭരണസ്ഥാപനത്തില്‍ നിന്നും കിട്ടുന്ന ഒരു പ്രത്യേക ഫാറത്തില്‍ ആ തുക എത്രയെന്ന് സ്വയം പ്രഖ്യാപിക്കണം.

update on 10th Jan 2009.

ടെറസിനു മേല്‍ക്കൂരയിട്ട ഭാഗത്തിനു കെട്ടിട നികുതി ബാധകമല്ല : ഹൈക്കോടതി

വീടുകളുടെ ടെറസിനു മുകളില്‍ അടച്ചുകെട്ടില്ലാതെ മേല്‍ക്കൂരയിട്ട ഭാഗത്തിനു കെട്ടിട നികുതി ബാധകമല്ലെന്നു ഹൈക്കോടതി. താമസത്തിന് ഉപയോഗിക്കുന്ന മുഖ്യ കെട്ടിടത്തോടു ചേര്‍ന്നുള്ള അനുബന്ധ ഭാഗങ്ങള്‍ മാത്രമേ നികുതി നിര്‍ണയത്തിനുള്ള പ്ളിന്ത് ഏരിയയില്‍ ഉള്‍പ്പെടുത്താനാകൂ.

കെട്ടിടത്തിനു സംരക്ഷണത്തിനൊപ്പം അറ്റകുറ്റപ്പണിയുടെ ചെലവു കുറയ്ക്കാനും ഇത്തരം മേല്‍ക്കൂരകള്‍ സഹായകമായതിനാല്‍ അവ പ്രോത്സാഹിപ്പിക്കാന്‍ ഇന്‍സെന്റീവ് നല്‍കുന്ന കാര്യം സര്‍ക്കാര്‍ പരിഗണിക്കേണ്ടതാണെന്നു കോടതി വ്യക്തമാക്കി. ടെറസിനു മേല്‍ക്കൂരയിട്ട ഭാഗം പ്ളിന്ത് ഏരിയയുടെ ഭാഗമാണെന്നു വ്യക്തമാക്കി 2003 ഡിസംബര്‍ അഞ്ചിനു സര്‍ക്കാര്‍ പുറത്തിറക്കിയ സര്‍ക്കുലര്‍ അസാധുവാക്കിക്കൊണ്ടാണു കോടതി നടപടി.

ഉത്തരവിന്റെ അടിസ്ഥാനത്തില്‍ പുതിയ സര്‍ക്കുലര്‍ പുറപ്പെടുവിക്കാന്‍ കോടതി നിര്‍ദേശിച്ചിട്ടുണ്ട്. അതേസമയം, പൂര്‍ണമായോ ഭാഗികമായോ ഇഷ്ടിക, ഭിത്തി, ഗ്രില്‍, തടി തുടങ്ങിയവ ഉപയോഗിച്ചു മറയ്ക്കുകയോ അടച്ചു കെട്ടുകയോ ചെയ്താല്‍ അതു റസിഡന്‍ഷ്യല്‍ കെട്ടിടത്തിന്റെ ഭാഗമാകുമെന്നതിനാല്‍ അതു കെട്ടിട നികുതി/ആഡംബര നികുതി നിര്‍ണയത്തിനു പരിഗണിക്കാവുന്നതാണെന്നു കോടതി വ്യക്തമാക്കി.

കേരള കെട്ടിട നികുതി നിയമത്തിന്റെ 5, 6 വകുപ്പുകള്‍ക്കു നിയമ വ്യാഖ്യാനം നല്‍കിക്കൊണ്ടാണു കോടതി ഉത്തരവ്. ചെരിഞ്ഞ മേല്‍ക്കൂരകള്‍ ഇടുന്നതു സാധാരണ ഗതിയില്‍ കെട്ടിടങ്ങളെ സംരക്ഷിക്കാനാണ്. താമസത്തിനുള്ള വീടുകളുടെ അടിസ്ഥാനം സ്വകാര്യതയാണ്.
ഇതിനായി ഇഷ്ടികയോ ഗ്രില്ലോ ഷട്ടറോ ഏതെങ്കിലുമുപയോഗിച്ചുള്ള അടച്ചുകെട്ട് ഉപയോഗിക്കാറുണ്ട്. ഇതില്‍ നിന്നു വിഭിന്നമായി മേല്‍ക്കൂര മാത്രമുള്ള തുറസായ സ്ഥലം താമസാവശ്യത്തിനുള്ള കെട്ടിടത്തിന്റെ ഭാഗമായി കണക്കാക്കാനാവില്ല.

അടച്ചു കെട്ടിയ മേല്‍ക്കൂര പലേടത്തും കളികള്‍ക്കും മറ്റു വിനോദാവശ്യങ്ങള്‍ക്കും തുണി ഉണക്കാനും മറ്റും ഉപയോഗിക്കുന്നതാണ്. ചൂടും വെയിലും മഴയും ഏല്‍ക്കാതെ കെട്ടിടം സംരക്ഷിക്കാനും മഴവെള്ള സംഭരണം ലക്ഷ്യമിട്ടും പലരും വീടിനു മുകളില്‍ ട്രസ് വര്‍ക്ക് ചെയ്യാറുണ്ട്.

ടെറസിനു മേലെയുള്ള മേല്‍ക്കൂര കെട്ടിടത്തിന്റെ ചൂടു നിയന്ത്രിക്കുന്നതിനാല്‍ എയര്‍ കണ്ടിഷനിങ് ഒഴിവാക്കാനാകും. മഴയിലും വെയിലിലും നിന്നു സംരക്ഷണം നല്‍കുന്നതു കെട്ടിടത്തിന്റെ ആയുസും കാലാവധിയും കൂട്ടാനും അറ്റകുറ്റപ്പണിയുടെ ചെലവു കുറയ്ക്കാനും സഹായകമാണ്. മാത്രമല്ല, കോണ്‍ക്രീറ്റ് മേല്‍ക്കൂരകള്‍ പകല്‍നേരങ്ങളില്‍ ആഗിരണം ചെയ്യുന്ന ചൂട് രാത്രിയില്‍ പുറന്തള്ളുന്നത് അന്തരീക്ഷ താപനത്തിനു കാരണമാകുമെന്നതിനാല്‍ ഇതിനു തടയിടാന്‍ ശ്രമം നടത്തുന്നവര്‍ക്കു പൊതുതാല്‍പര്യം മുന്‍നിര്‍ത്തി പ്രോത്സാഹനം നല്‍കുകയാണു വേണ്ടത്.

കൂര്‍ക്കഞ്ചേരി സ്വദേശി കെ. പത്മനാഭന്‍ സമര്‍പ്പിച്ചതുള്‍പ്പെടെ നാലു ഹര്‍ജികള്‍ പരിഗണിച്ചാണു ജസ്റ്റിസ് സി. എന്‍. രാമചന്ദ്രന്‍ നായരുടെ ഉത്തരവ്. മേല്‍ക്കൂരയ്ക്ക് ആസ്ബെസ്റ്റോസ്, ടൈല്‍, ഫൈബര്‍, ഷീറ്റ്, ലോഹം തുടങ്ങി എന്തു തന്നെ ഉപയോഗിച്ചാലും മഴയിലും വെയിലിലും നിന്നു കെട്ടിടത്തെ സംരക്ഷിക്കുകയെന്നതാണു ലക്ഷ്യമെന്നു ഹര്‍ജിഭാഗം ചൂണ്ടിക്കാട്ടി. ടെറസിനു മീതെയുള്ള മേല്‍ക്കൂര കൂടി നികുതി നിര്‍ണയത്തിനു പരിഗണിക്കുന്നതിനാല്‍ കെട്ടിടത്തിന് ആഡംബര നികുതി നല്‍കേണ്ടി വരുന്നുവെന്നും ഹര്‍ജിക്കാര്‍ ആക്ഷേപമുന്നയിച്ചു.

എന്നാല്‍, തര്‍ക്ക വിഷയമായ കെട്ടിടങ്ങളില്‍ പരിശോധനയ്ക്കു ശേഷം ടെറസിനു മീതെയുള്ള മേല്‍ക്കൂര ഒഴിവാക്കി പ്ളിന്ത് ഏരിയ കണക്കാക്കാന്‍ കോടതി നിര്‍ദേശിച്ചു. [മലയാള മനോരമ: 10th Jan. 2009]

ചെന്നൈയില്‍ ബസ്സ് സഞ്ചാരം എങ്ങനെ എളുപ്പമാക്കാം

2009-01-04T18:29:00.010+05:30

എനിക്ക് ഈ-മെയില്‍ വഴി കിട്ടിയ ഒരു ലിങ്കാണിത്. ചെന്നൈയില്‍ എവിടെയെങ്കിലും യാത്രചെയ്യാന്‍ ബസ്സ് നമ്പര്‍ കണ്ടുപിടിക്കാനൊരു എളുപ്പമാര്‍ഗ്ഗം. ഈ ലിങ്കിലോട്ട് പോകൂ. എവിടെ നിന്നും എവിടേക്ക് പോകണമെന്ന് ടൈപ്പ് ചെയ്താല്‍ പോകേണ്ട സ്ഥലത്തേക്കുള്ള ബസ്സുകളുടെ നമ്പരുകള്‍ തെളിഞ്ഞു വരും. ആ ബസ്സുകളുടെ നമ്പരില്‍ ക്ലിക്കിയാല്‍ തുടക്കം മുതല്‍ ഒടുക്കം വരെ നിര്‍ത്തുന്ന സ്റ്റേഷനുകളുടെ പേരും തരും. താല്പര്യമുള്ളവര്‍ ശ്രമിച്ചുനോക്കൂ. എന്റെ ശ്രമം ഇവിടെ കാണാം:
1)

2)

നമുക്ക് ഇങ്ങനെയൊരു സോഫ്റ്റ്വെയര്‍ തയ്യാറാക്കാന്‍ എന്തോക്കെ കടമ്പകള്‍ കടക്കണം?.

കേന്ദ്ര വിവരക്കമ്മീഷന്‍ തീരുമാനം (cic decision)

2008-12-14T15:43:00.000+05:30

പോസ്റ്റല്‍ വകുപ്പിലെ ഒരു ജീവനക്കാരനായ രാജേഷ്കുമാര്‍ ആവശ്യപ്പെട്ട വിവരം ഇതായിരുന്നു:
*************************************
Kindly clarify whether ST vacancy can be converted or treated as de-reserved for General Category and whether promotion can be given to General Candidate after de-reservation or not.
************************************
പബ്ലിക്ക് ഇന്‍ഫര്‍മേഷന്‍ ഓഫീസര്‍ ശ്രീ രാജേഷ് കുമാറിനു കൊടുത്ത മറുപടി ഇതായിരുന്നു:
*************************************
Since the matters, as raised by you, elicit answer to your query and seek the opinion of this public authority, your request is beyond the scope of RTI Act, and the opinion sought, therefore, cannot be provided.
*****************************************
ഇതില്‍ തൃപ്തിവരാത്ത രാജേഷിനു ചീഫ് ഇന്‍ഫര്‍മേഷന്‍ കമ്മീഷണര്‍ക്ക് വരെ അപ്പീല്‍ കൊടുക്കേണ്ടി വന്നു.

ചീഫ് ഇന്‍ഫര്‍മേഷം കമ്മീഷണര്‍ ഈ കേസില്‍ എടുത്ത തീരുമാനത്തിന്റെ (08-12-2008) സംക്ഷിപ്ത വിവരണമാണ് താഴെ കൊടുക്കുന്നത്.

DECISION NOTICE
The issue here is application of section 2 (f) i.e. definition of information, to the information sought to be provided. Section 2 sub-section (f) reads as follows:-
"information" means any material in any form, including records, documents, memos, e-mails, opinions, advices, press releases, circulars, orders, logbooks, contracts, reports, papers, samples, models, data material held in any electronic form and information relating to any private body which can be accessed by a public authority under any other law for the time being in force;

From the above it will be clear that such information must be held in material form.

Moreover, section 2 goes on to clarify the definition of “Right to Information” in sub-section (j), which reads as follows: -

(j) "Right to information" means the right to information accessible under this Act which is held by or under the control of any public authority and includes the right to—
(i) inspection of work, documents, records;
(ii) taking notes, extracts or certified copies of documents or records;
(iii) taking certified samples of material;
(iv) obtaining information in the form of diskettes, floppies, tapes, video cassettes or in any other electronic mode or through printouts where such information is stored in a computer or in any other device;
This further expands on the definition of information under section 2 (f) because it is clear that only such information can be accessed as is in material form, which can actually be held or controlled by any public authority.

The appeal is dismissed

വിവരാവകാശനിയമം ഒരു പൌരനു‍ എന്തും ചോദിക്കാനുള്ള അവകാശം നല്‍കുന്നില്ല എന്നു കാണിക്കാനാണ് ഇതിവിടെ രേഖപ്പെടുത്തിയത്. എന്നാല്‍ കുറച്ചുകൂടി ബുദ്ധിയും വിവേകവും കാണിച്ചാല്‍ നമുക്ക് വേണ്ടുന്ന വിവരത്തിന്റെ പകര്‍പ്പ് നേടിയെടുക്കാനും സാധിക്കും. ചോദിക്കുന്ന രീതിയില്‍ ശ്രദ്ധാലുവായാല്‍ മതി.